An Gaidheal Alascanach

Buaidh Ghingrich ann an Carolina a Deas

2012-01-22T20:19:00.001-08:00

'S e buaidh chudthromach a bhuannaich Gingrich ann an Carolina a Deas diSathairne sa chaidh. O chionn seachdainn bha Romney a-reir coltais mar tha air dhà bun-taghadh bhuannachadh 's bha e air thoiseach air chàich ann an Carolina a Deas. Bha a h-uile dùil ann gum buannaicheadh e ann an Carolina a Deas 's bhiodh e an íre mhath cinnteach bhuanachadh mar thagraiche nam Poblachdach.

Ach chaidh an suidheachadh seo thilgeil bun os cionn buileach. Chan eil buaidh Romney a-nis cinnteach idir. Dè a thachair?

Uill, sa chiad dol-a-mach, thachair dhà dheasad thar an t-seachdain sa chaidh ann do dh'fhoillsich Gingrich e fhèin mar cuideigin seasmhach a comasach seasamh aghaidh ri aghaidh Obama.

Gu ruige seo, b'e rùn-bheachd moraran nam Poblachdach cuideign nach eil cho glèiteach a chur an aghaidh Obama, gum b'e seo a'chuilbheart chinnteach bhuannachadh san t-samhainn. Ach chunnaic sinn an dealbh sin mar tha. Uair 's uair, tha na Poblachdaich air a bhith tabhainn neo-ghlèitich dhan dùthchaidh an dùil gum b'e seo an t-slighe chinnteaach chun na buaidh. Agus uair 's uair tha iad air call. Smaoinich air an eachdraidh dhuilich sin: McCain, Bush, Dole, Bush, Ford, Nixon. Sreath mòr de thruaghan gun fheum. Fiù 's nuair a bhuannaich na Poblachdaich, cha do bhuannaich iad càil a b'fhiach am facal.

'S e Reagan a-mhàin a b'fhiach a shalainn fhèin 's bha moraran nam Poblachdach gu daigneann na aghaidh.

An rud a thachair ann an Carolina a Deas, 's e ar-a-machd an aghaidh luchd-stiùir na partaidh. Dhiùlt luchd-taic na partaidh ghabhail ri còmhlair am moraran. 'S fheàr leotha ghabhail le cuideigin eile, cuideigin nas seasmhaiche sna deasbadan a tha ri teachd an aghaidh Obama.

Rud eile a thachair an t-seachdainn sa chaidh. Bha ath-chunntadh ann an Iowa, agus chan e Romney a bhuannaich innte mar a bhathar a'smaoineachad, ac Rick Santorum. Mar sin, chan e Romney a th'air trí taghaidhean bhuannachadh a-nis an sreath a chèile mar bha dùil, ach 's e trí buadhaichean eadar-dhealaichte againn an-dràsda.

Tha h-uile coltas ann gun lean an strí oirre fad corra míosan ann fhathast.

Herman Cain: 'S esan an Duine!

2011-10-03T13:30:00.001-07:00

Ghabh mi buidheachas mòr nuair a bhuanaich Herman Cain am Florida Straw Poll an t-seachain sa chaidh.

'S mathaid gur ann an Cèitean neo an Ògmhíos nuair a thug mi fa-near dha airson a' chiad uair. Rinn caraid iomradh dhomh mu dheidhinn. An toiseach, feumaidh mi aideachadh, cha robh mi cho cinnteach. Ach mar a bu mhotha a dh'èist mi ris, b'ann na b'fheàrr a bha e nam bheachd-sa. Shaoil mi gu robh fíor-thuigse aige air cùisean co-ceangailte ris an eaconomaidh. 'S e fear-ghnothaich a th'ann. Dha uair ghabh e stiùir air companaidh a bha an iompaidh dhol fodha 's shabhail e e.

'S e eachdraidh-bheatha inntinneach a th'aige. Duine dubh a rugadh 's a thoghadh sa Gheorgia. Chunnaic e le a shùilean fhèin an geur-leanmhain a bh'ann gu ruige linn nan leth-cheudan. Mar eiseimpleir, b'fheudar dha dhol a cholaiste do dhaoine dhubha air sgàth gu robh na h-oilthighran àbheasteach dùinte dl dhaoine dhubha. Ach bha e soirbheachail na bheatha co-dhiù.

Tha e air a bhith na cheannard air Banca Federal Reserve de Kansas City. Mar sin, saoilidh 's aithne dha beagan mar a airgead agus an eaconomaidh ag obair. Tha e airson gun till sinn a dh'airgead a tha stèidhte air an òr. Tha mi fhín airson sin gu daignean,

Thar an t-samhraidh, 's iomadh uair chuala mi o dhaoine gur toil leotha e ach chan urrainn dha bhuannachadh. Sin an duighleadas a bh'aige daonnan: nuair nach b'urrainn dhut bhuannachadh, chan eil luchd-bhotaidh deònach na bhotaidhean aca cheitheamh ort. Ach tha cùisean air atharrachadh dha.

Tha beachd-smuantean a'sgaoileadh a-nis 's mathaid gu bheil e comasach buannachadh aig a'cheann thall.

Fianais as ùire mu rùn Sarah Palin

2011-09-04T21:39:00.001-07:00

Líbhrich Sarah Palin òraid DiSarthaine a tha a'togail ceistean as ùr feuch an tèid i fhèin a-steach san iomairt airson ceann-suidhe.

Ged nach eil i a' dearbhadh neo a'dol às àidhchedh an tèid neo nach tèid i an tòir gu bhith na ceann-suidhe, bha fianais gu leòr san òraid aice a leigeadh crèidinn gu bheil rùn aice leum a-steach san iomairt.

Sa chiad dol a-mach, thabhainn i plana eaconomaigeach. Carson a dheanadh i sin mura robh rùn aice leum a-steach dhan rèis? Am measg sna tha i a'moladh: cuir as do Obama Care 's riaghailtean eile a tha a'tachdadh an eaconomaidh. Tha i a' moladh leasachadh nan goireasan ola agus gas a th'againn rud a chruthaicheadh tòrr cosnaidhean dha-riribh 's nach cosgadh aon sgillin dhan riaghaltas. An fhírinn, gheibheadh an riaghaltas buannachd as a sin o na tighinn a-steach ùra a bhiodh an cois a bhith a'cur tòrr daoine air ais a dh'obair.

Agus gus am bi na Stàitean Aonaichte nas tarraingiche do ghníomhachas, tha i a'moladh cur as do chísean air companaidhean air fad agus cur as do thaic 's subseadaidhean bhon riaghaltas do chompanaidhean àraidh cuideachd. Tha moladh leigeil dhol fodha companaidhean nach eil comasach seasamh as aonas taic bhon riaghaltas.

A bharrachad air a sin, thog i teagamhan san òraid aice mu na tagraichean poblachdach eile san iomairt. Chan e a-mhàin faighinn cuideas Obama an ath-bhliadhn. Ceart cho cudtromach, 's e cò a chuireas sinn na àite. 'S iomadh uair a chaidh sinn ar mealadh le glèidhtich bhreugaich, an fheadhainn chanas dhuinn na rudan as toil leinn a chluintinn aig àm an tadhaidh 's as dèidh làimh a thilleas air ais do na caraidean aca ann an Washington.

Aig a'cheart àm, thàinig cunntas-beachd am bàrr gu 71% de na poblachdach an aghaidh gun tèid Sarah Palin an sàs san iomairt.

An t-seachdain-sa, bith dha dheasbad ann am measg tagraichean nam poblachdach. Tha mi fhín a'taobhadh ri Hermain Cain. Sin an duine as fheàrr leamsa chur an àite Obama an ath-bhliadhn.

Òraid Obama mu Àirdeachadh Fiachan

2011-07-25T21:14:00.001-07:00

Lìbhrich Obama òraid mud rèiteachadh a tha dol mu àirdeachadh ìre fiachan. Bho thus gu h-èis, 's e òraid iomairt an taghaidh a bh’ann. Bha e a’droch-chàineadh nam Poblachdach. ‘S iadsan as coireach. Agus Bush cuideachd. Dh’iarr air muinntir na Dùthcha fòn a chur do na Riochdairean Poblachdach an Taigh nan Riochdairean. Bho thoiseach, ‘s ann o bhun-bharailean soisealach tha e air a bhith dèiligeadh ris an t-suidheachadh seo. Rinn e iomradh air “millionaires 's billionaires” ‘s an uair sin bha e a-mach air àirdeachadh cìsean air an fheadhain a bhuanaicheas tòrr ‘s $250,000. Deagh bheachd mas e peacadh th’ann a bhith cruthachadh cosnaidhean. ‘S iad gnìomhasan beaga a chruthaicheas cosnaidhean mar as bitheanta. Chan eil feum sam bith a bhith gan tachdadh le císean ùra.

Ach ge-ta, an fhírinn innse, tha cùisean air a bhith dol air adhart as aonais Obama bho Dihaoine sa chaidh co-dhiù nuair a bhris síos rèiteachadh a bh'air a bhith ann gu ruige seo eadar ceannardan Taigh nan Riochdairean 's Obama. Bhon uair sin, tha ceannardan Taigh nan Riochdairean 's ceannardan an t-Seanaidh air a bhith rèiteachadh ri chèile, as aonais Obama.

Tha plana a'gabhail cruth a-nis eadar Deamocrataich an t-Seanaidh 's Poblachdaich Taigh nan Riochdairean, plana a tha a-nis as aonais àirdeachadh císean. Smaoinich air mar tha cùisean air atharrachadh bhon earrach nuair a bha Obama 's na Deamocrataich ag èigheachd airson àirdeachadh fiachan gun cùmhnant sam bith. Tha diofaran ann gu dearbh eadar dreachd an t-Seanaidh 's dreachd Taigh nan Riochdairean. Fo dhreachd Taigh nan Riochdairean, bhiodh bhotadh ann san Taigh 's san t-Seanadh air atharrachadh dhan bhun-reachd far am biodh eneo-ceadaichte dhan riaghaltas buideadan neo-chothromach chur an gníomh seach ann an suidheachan sònraichte.

Tha mi caran teaghmach gun tèid an t-atharrachadh a cheadachadh. Ach, tha e cudthromach gun gabh am bhotadh seo àite co-dhiù. Oir bith a'cheist seo mun atharrachadh dhan Bhun-reachd anabarach fhèin cudthromach san ath-thaghadh 's feumaidh fios a bhith aig luchd-bhotaidh cò tha air shon 's cò tha air aghaidh.

Beachd-Smuaintean mun t-Suidheachadh Àirdeachadh Ìre Fiachan

2011-07-24T16:50:00.000-07:00

Carson gur ann le Obama seachd Taigh nan Riochdairean a bu chòir làmh an uachdar bhith ann an-dràsda. Shaoileadh tu gur e seo a'bhun-bharail a th'aig a'mhòr sna meadhanan. 'S esan a tha na Cheann-suidhe, faodaidh e mar a thogras e. Uill, chan eil Dictators againn ann an Ameiregaidh. 'S chan e cumhachd iomlan a th'aige fo bhun-reachd 's tha iomallan ann do a chuid chumhachd gu h-àraidh ri thaobh cùisean ionmhais, 'S ann leis a'Chongail a tha a'chumhachd seo.

'S mar sin, bha e gu tur neo-iomchaidh ordughan a thoirt do cheannardan a'Chongail gus nochd iad fhèin an Taigh Geall. 'S e roinn co-ionnan 's neo-eismieleach anns a'Chongail 's chan eil còir aige òrdughan a thoirt dhaibh san dòigh seo.

Tha e cur fearg orm gach uair a tha iad a-mach air default. Chan e default a th'ann idir. Tha airgead gu leòr aig an riaghaltas riadhan a phaigheadh. Tha na tighinn a-steach rudeigin mar deich uibhir nas motha na th'aca ri phàigheadh airson cosgais rèidh. Tha íre rèidh air fiachan Riaghaltais nan Stàitean Aonaichte fhathast íosal sna margaidhean, nas ísle na 3%! Nan robh teanns de default sam bith ann, bhiodh íre rèidh mar tha a'dol an àrd. Tha na deamocrataich a'feuchainn eagal chur daoine gus am faigh iad na tha iadsan ag iarraidh: císean air an cur an àrd. Agus tha a'leantainn air dhan ath phuing agam.

S e daonnan poileataigs a tha fa-near do na deamocrataich, poileataigs seach maith na dùthcha. Bha cothrom aig na deamocrataich íre fhiachan chur an àrd nuair bha iad fhathast ann an cumhachd ro thoicseach na bliadhna. Ach do rinn iad sinn. Bith cuimhne acaibh 's dòcha nach do rinn iad buidead na bu mhotha. Tha iad a'deanamh sin air sgàth gu bheil iad dòchasach gun toir iad do na Poblachdaich císean chur an àrd. Nan chuireadh na Poblachdaich an àrd císean, bhiodh sgairadh mòr ann nam measg 's bhiodh deagh theans ann gum buannaich na Deamocrataich san ath-thaghadh. Sin a thachair do Bush 41 ann an 1992.

Agus tha e nàdarach fhaighneach, carson nach bu chòir císean gan chur an àrd co-dhiù. Uill, 's e cus cosgaisean cnac na cùise 's chan e díth airgid. Tha cosgaisean an riaghaltais air èiridh suas gu cairteal den eacomaidh air fad. Leugh mi rudeigin inntinneach an-diugh. A-rèir sa leugh mi, tha íre císean air a bhith àrd 's tha e air a bhith íosal tro'n an fhicheadamh linn, ach cha do dh'èiridh na tighinn a-steach dhan riaghaltas riamh na b'àirde na 20% den eaconomaidh. S e seo nàdar de dh'iomall de a ghabhas dhèanamh.

Nuair a chuireas tu císean ro àrd, tachdaidh tu an eaconomaidh 's chan fhaigh thu an cuid airgead air an robh thu an dùil co-dhiù. Faighnich dhan na Greigich mur a bheil sin fíor. Tha na geniuses aig an IMF air toirt dhan Ghrèig uair 's uair císean chur an àrd 's geàrraidhean chur ann gníomh 's tha na tighinn a-steach dhan riaghaltas na Grèige daonnan a'tuiteam. Tha eaconomaidh na Grèige ann an death spirial a-nis.

Desbaid mu Àirdeachadh Ìre Fhèich

2011-07-11T06:57:00.000-07:00

Tha mi air a bhith dlùth-leantainn an deasbaid mu àirdeachadh ìre fhèich sna Stàitean Aonaichte.

Gu ruige deireadh an linn George Bush, 's e mu $400 billion dollar an ìre as àirde nan easbhaidhean bliadhnail sna S.A. agus aig an àm sin bha tòrr gearainean mu cho àrd sa bha sin. Ach bhon uair sin, chaidh na h-easbhaidhean nam meud gu mòr 's iad a'ruith eadar $1 agus $1.7 trillion dollar gach bliadhna. Bho thoiseach linn Obama, tha an ìre fhèich air riaghaltas nan Stàitean Aonaichte air a dhol an àrd bho mu $10 trillion dollar gu seachad air $14 trillion agus air rèir figearan san amharc, leanaidh an t-àirdeachadh seo air mar seo mur thèid dad atharrachadh.

Rud eile. An latha an-diugh, tha cumhachd ionmhais gu math lag aig Taigh nan Riochdairean an taca ri mar a cha cùisean bho thùs. A-rèir bun-reachd nan Stàitean Aonaichte, 's ann leis a'chongail a tha cumhachd ionmhais agus 's ann san Taigh nan Riochdairean a thòisicheas gach bile ionmhais. Ach chan eil sin buileach fìor ri thaobh nan 'entitlements' mar a chanas iad. Tha na entitlements stèidhte ann an lagh 's ma tha thu airson atharrachadh a chur cosgaisean entitlements, feumaidh tu an lagh co-ceangailte riutha atharrachadh sa chiad a-dol a-mach agus faodaidh an t-seanaid stad a chur air an atharrachadh seo 's faodaidh an ceann-suidhe veto a chur air cuideachd. Tha seo gu math diofraichte bho mar a bha cùisean bho thùs, mus do thàinig entitlements a-steach. Roimhe sin, mura robh taigh nan riochdairean deònach airgead a chosg airson rudeigin, cha robh mòran a b'urrainn dhan t-seanaid neo dhan cheann-shuidhe ri dhèanamh mu dheidhinn.

Ach ri thaobh àirdeachadh ìre Fhèich, tha cùisean fhathast an ìre mhath mar a bha iad roimhe san fharsaigneachd. Mur a bheil Taigh nan Riochdairean deònach ìre fhèich chur an àrd, chan eil mòran as urrainn dhan t-seanaid neo dhan cheann-suidhe a dhèanamh.

Agus tha na deamocrataich air a bhith dol as an rian le bhith dubh-chàineadh nam Poblachdach. Tha iad ag ràdh gu bheil na Poblachdaich a'cur na dùthcha ann an èiginn air sgàth nach iad a'co-dhùnadh íre fhèich chur an àrd. Tha iad ag ràdh gu bheil iad an iompaidh na margaidhean a chur troimhe-chèile.

Ach sin an rud. Ma tha sin fíor, carson a tha íre rèidh air fiachan nan Stàitean Aonaichte air a bhith dol síos sna làithean mu dheireadh? Cuimhnich, nuair a dh'fhàs Iomagain mu shuidheachadh ionmhais anns a'Ghrèig, chaidh prísean na'm fiachan síos air sgàth daoine cho deònach sa bha iad roimhe 's mar sin íre rèidh an àrd.

Seo mo bheachd-sa. 'S ann air easbhaidhean a th'air a bhith síor-dhol am meud a tha a'cur iomagain air na margaidean. Agus cuiridh mi geall gun tèid íre rèidh air fiachan nan S.A. suas mura thig co-dhùnadh a chuireas smachd air easbhaidhean.

2011-06-06T21:32:00.000-07:00

Thar an t-seachdainn sa chaidh seachad tha Sarah Palin air a bhith dol timcheall ceann an ear nan Stàitean Aonaichte ann an cuairt bus ach an ceist a th’ann ‘s e: a bheil i san rèis airson a bith na ceann-suidhe?

Thòisich i ann an Washington bho chionn còrr ‘s seachdain nuair a nochd i gun rabhadh air cùl motair-bhaighsaigeal aig tachartas cuimhneachaidh do shaighdearan a bhàsaich sna cogaidhean. Bhon uair sin tha i air a bhith nochdadh ann siud ‘s an seo suas ‘s sìos costa sear nan Stàitean Aonaichte.

Ma ‘s e gu bheil i san rèis, gu ruige seo, tha i air diùltadh ri innse. Ach ma tha, ‘s ann ann an dòigh caran neo-àbhaisteach a tha i air a bhith làimhseachadh an iomairt aice. Mar eiseimpleir, chan eil i a’cur clar-ama a-mach do na meadhanan ag innse càite a bheil i a’dol ‘s bith luchd-naidheachd ga leantainn mar a b’fheàrr as urrainn dhaibh. Nuair a rinn na meadhanan gearan mu dheidhinn sin, thuirt ise nach robh i ùbhlach dhaibh. Gu h-èibhinn, ann an Massachussets, chuir i bean-cleasaiche thuca mar Sarah Palin fhaoin airson agallamhan thoirt dhaibh aig a’cheart àm sa chaidh ise a dh’àite eile.

An t-seachdainn-sa thaghail i air New Hampshire, a’chaid stàite anns am bith bun-taghadh an ath-bhliadhna. Agus tha iad ag innse gun tèid i a Iowa nas fhaide dhen mhìos seo. ‘S e Iowa a’chiad stàite far a bhios caususes ann. ‘S e an diofar eadar caucus ‘s bun-taghadh, thèid bun-taghadh chur air dòigh leis an stàit, leis an dearbh inneal riaghaltais sa chì thu sa phrìomh-thaghadh. ‘S thèid caususes chur air dòigh leis na partaidhean fhèin as aonais taic sam bith bho'n riaghaltas. Co-dhiù, leis an taghadh de stàitean anns a bheil i a’siubhail, chan eil e doirbh ri smaoineachadh gu bheil i san rèis airson a bhith na cearnn-suidhe.

Agus dè a teans a th’aice co-dhiù? Uill, ann an sreath de chunntais-bheachd a th’air nochdadh sna làithean mu dheireadh, tha i co-ionnan ri neo puing neo dhà air cùlaibh Mitt Romney. Ach tha laigseas mairbhteach aig Romney: Chuir esan air dòigh lagh ann am Massachussets a tha gu math coltach ri Obamacare aig ìre nàiseanta ‘s tha gràin an uilc aig na poblachdaich air Obamacare. Nuair a dh’ionnsaicheas a’mhòr chuid nam Poblachdach air dè a rinn e ann am Massachussets, tha mi cinnteach gun càill e cuid mhòr dhen taic a th’aige an-dràsda.

Ach aig a'cheart àm, tha taic làidir ‘s cudtromach aig Phalin san Iowa air an do rinn sinn iomradh mar tha agus ann an Carolina a Deas. Bho 1980, cha do bhuannaich duine tagrachas nam Poblachdach gun a bhith buannachadh ann an Carolina a Deas.

‘S ann air sàilleamh sin gu bheil mi fhìn dhen bheachd gu bheil luchd-stiùiridh nam Poblachadh a’sireadh fuasgladh do Phalin.

Am measg nam Poblachdach as aithne dhomhsa, chan aithne dhomh duine a tha daignean airson Palin. Tha cuid mhòr amharasach mu deidhinn, nach eil i comasach a’chùis a dheanamh air Obama. Agus ge b’e cho taiceil sa tha cuid de na Poblachdaich dhi, tha beachd gu math trom aig na neo-eismeilich dhi, tha iadsan dhen bheachd nach eil i comasach ri riaghaladh. ‘S chan urrainn dhut an Taigh Geall a bhuannachadh as aonais taic bho na neo-eismeilich.

Cùisean a'tighinn gu teann ann an Washington Cead-iasaid

2011-05-16T21:38:00.000-07:00

Tha an deasbad mu easbhaidhean sna S.A. a’tighinn gu teann a-nis. A’mhìos sa chaidh, bha èigheachdan mòra mu gearraidhean beaga nuair chuir na Poblachdaich an gnìomh a’ bhliadhna ionmhais a thòisich an-uiridh. $35 billion de ghearraidhean à buidseat de chòrr ‘s $3.5 trillion dollar.

Tha an deasbad air tionndaidh a-nis gu àrdachadh cead iasaid. Tha an riaghaltas a’dlùthachadh ri crìoch iasaid agus tha Rùnaire Iomhais Timothy Geithner ag iarradh cead a bharrachd airson $2T dollar. Tha an riaghaltas mar tha a’buntainn ris a’chrìoch iasaid ach le bhith cleachdadh cleasan ionmhais, ‘s urrainn dhaibh leantainn orra corra mìosan fhathast. Ach tha Rùnaire Geithner a’maoidheadh mur a gheibh iad cead a bharrachd aig ro’n darna latha an Lùnasdail, gun cuirear eaconamaidh nan Stàitean Aonaichte ann am fìor èiginn ‘s chòisinneadh na S.A. droch chliù am measg luchd-crèideis.

Ach tha na Poblachdaich ag ràdh gur iad cosgaisean gun rian as leth an riaghaltais a tha a’cur na h-eaconomaidh ann an èiginn agus tha iad ag ràdh nach fhaigh an riaghaltas cead-iasaid a bharrachd mura cho-dhùin e ri geàrraidhean co-ionan ris an dearbh shuim às a'bhuidseat thar na còig bliadhnaichean a tha romhainn. Airson $2T de iasaid fhaighinn a bharrachd, ‘s fheudar do Obama aontachadh ri $2T de ghearraidhean, suimeannan fada nas motha na air a bha an deasbad a-mach mìos air ais. ‘S chan fhaighear gearraidhean mar sin gun a bhith ath-leasachadh air prògraman mar Medacaid ann cuideachd.

Tha mi a’smuaintean, ged nach eil smachd aig na Poblachdaich ach air an darna leth dhen aon trian dhen riaghaltais, gur ann acasan a tha làmh an uachdair. Sa chiad dol a-mach, chan fhaighear Obama ‘s na Deamocrataich aon sgillin ruadh as aonais co-dhùnadh bho’n Taigh an Riochdairean a tha fo smachd nam Poblachdach. Agus cuideachd, a-rèir cunntasan-beachda, tha cuid mhòr de na luchd-bhotadh an aghaidh cead-iasaid a bharrachd a-muigh neo a-mach neo ma tha geàrraidhean ceangailte ris. A bharrachd air a sin, tha na h-ìrean rèidh air fiachan an riaghaltais air a dhol sìos sna margaidhean aig a’cheart àm sa tha Poblachdaich air fàs nas seasmhaiche ri thaobh gearraidhean, rud a tha cur breug air maoidhean nan Deamocratach. A-rèir nam margaidhean, tha fiachan an riaghaltais nas cinntiche mar sheilbh ma tha geàrraidhean ann.

Tha an deasbad seo ann an Washington a’buntainn riumsa nam bheatha proifeiseanta. Bha proiseachd agam airson puirt adhar a leasachadh ann an Gustavus, baile beag faisg air Juneau ‘s tha e deiseil ri dhol a-mach ri tairgse. Ach chan eil airgead aig an FAA airson a’phroiseacht seo. Feumaidh sin feitheamh gus am bith airgead ann as leth an riaghaltais.

Dè a Bhiodh Churchill air Dhèanamh?

2011-05-15T18:57:00.000-07:00

Am measg cuid a thèid dhan eaglais sna Stàitean Aonaichte, tha ceist ann a chluinnear bho àm gu àm: What would Jesus do? (Dè a dhèanadh Ìosa?). Agus fhad sa bha Obama a'dol thall 's a-bhos a'leigeil iollach àrd air sàilleamh bàs Osama ben Laden, thàinig ceist caran coltach rin sin dom ínntinn: Dè a bhiodh Churchill air dhèanamh na àite?

Uill, sa chiad a'dol a-mach, bhiodh Churchill air fheitheamh bliadhna co-dhiù mus leigeadh e innse gu robh fiù 's aige gu robh OBL air mharbhadh. 'S e cnap mhòr de dh'fhiosrachadh a chruinnich iad ri chèile mu mar a tha Al Qaeda ag obrachadh. Bhiodh e air a'bladhna seo de thosd seo chur gu feum le bhith cur às do Al Qaeda leis an fhiosrachadh a tha seo. An àite bhith innse dhan t-saoghol mhòr mu chnap mhòr de phorno a bh'aig OBL, cha leigeidh Churchill air gu robh dad idir air tachairt.

Cuimhnich gun robh na Breatannaich comasach èisteachd a-steach ris na bha na Gearmailtich ag innse ri chèile. Bha an comas seo uabhasach fhèin cudthromach dhan bhuaidh aig a'cheann thall agus, aig an àm uabhasach cudthromach fhèin cudthromach a chumail fo chleith bho na Gearmailtich. Uill, thàinig an latha nuair bha fios le chinnt aig na Breatannaich gu robh na Gearmailtich a’cuimseachadh ri Coventry leis a cuid bomairean. Leis an fhiosrachadh a bha seo, bha cothrom aig Breatainn a cuid fighterean a chruinneachadh ri chèile 's stad a chur orra. Ach nan deanadh iad sin, s’mathaid gun obraicheadh na Gearmailtich a-mach gu robh fios an fhithich aig na Breatannaich ‘s gu robh iad a’leughadh nan teachdaireachd aca.

Aig a'cheann thall, fo ordugh Churchill cha do rinn iad càill as an àbhaist airson stad a chur air na Gearmailtich 's dh'fhulaing am baile Coventry sgrios uabhasach. Shaoil na Breatannaich gum b’fheàird an comas a bh’aca a chumail fo chleith bho na Gearmailtich gus feum na b’fheàrr a dheanamh leis.

'S inntinneach an dòigh sa bhiodh OBL a'bruidhinn leis an taobh a-muigh: chan ann tro fòn, neo rèidio neo an eadar-lion ach tro theachdairean. Le OBL fhèin 's a chuideachd air am marbhadh, cò a dh'innseadh dhan chàidh am broinn Al Qaeda mu dè bh’air tachairt? Agus leis an fhiosrachadh a bha na S.A. air thional, bhiodh cothrom aca sgrios uabhasach a thoirt dhan Al Qaeda mus robh fios aca mu dè bha tachairt.

Smaoinich air a’bhuaidh a bhiodh ann nan robh Obama air bliadhna fheitheamh, nan innseadh e an ceann bliadhna: “bliadhna air ais mharbh sinn OBL ach cha d’thuirt sinn càil gus sgrios a bharrachd a thoirt dhan Al Qaeda.” Saoilidh mi nan robh e air sin a dhèanamh, a bharrachd air an tuilleadh sgrios a bhiodh e air dhèanamh air Al Qaeda, bhiodh e ann an stait fada na b'fheàrr airson iomairt an taghaidh.

Bàs Osama agus Dè a rinn Obama dhan chùis

2011-05-03T06:51:00.000-07:00

'S e fìor deagh naidheachd a tha seo gun d'fhuair Osama ben Laden bàs, gun deach e a mharbhadh.

'S mathaid gur e rud nàdarach a th'ann, ach chuala mi mar tha dà uair, a ghabhail a-steach air Aithris na Maidne, gun do shoirbhich le Obama ann an seadh nach do shoirbhich le Bush. Obama 1, Bush 0.

Dhomhsa 's e sealladh caran sìmplidh a tha seo. Cuimhnich gur e nàdar de bhratach a th'ann an ceann-suidhe, 's e glè bheag a nì cinn-suidhe fhèin, ach bith tòrr a'tachairt fo'n bhratach aca.

An ceist a th'agamsa, 's e cò iad na co-dhùnaidhean a rinn Obama a dh'adhbhraich gun do shoirbhich leis Osama a chur gu bàs. Agus tha na feargairtean caran inntinneach saoilidh mi.

1) Cho-dhùin Obama leantainn air leis an iomairt a thòisich fo bhratach Bhush. Chum a e làmh air falbh bho'n stiùir an iomairt 's leig e an fheadhainn a bha ann sàs ann leantainn orra.

2) Chò-dhùin Obama dhol an tòir Osama nuair a chaidh fiosrachadh chur mu choinneamh gu robh amharasach aig na seirbhis brathaidh far an robh Osama air a stèidheachadh.

3) Cha do dh'iarr Obama cead bhon riaghaltas Pakistan. 'S e co-dhùnadh fìor chudthromach a bha seo. Bha latha ann nuair b'e sin a dheanadh sinn a h-uile uair gun teagamh.

4)Chò-dhùin Obama gun a bhith gabhail Osama ben Laden an grèim. Bha latha ann nuair, ann an sùilean an riaghaltais, nan librealach gu h-àraidh, nach robh ceartas ann mura a robh cùis lagha ann. Cuimhnich air an iomairt airson Kaleid Sheik Muhomad a thoirt gu cùirt ann an New York. Smaoinich air circus a bh'air a bhith ann nan d'fhuaireadh iad Osama an grèim. Saoilidh mi gur e ceartas a th'ann an grad bhàs ann an dubh-oidhche cuideachd.

An Tea-Party agus an Deasbad Eaconomaigeach ri thabh Cosgaisean an Riaghaltais

2011-04-24T10:49:00.000-07:00

Dh'fhaignich cuideigin dhìom an latha eile air dè a tha fa-near do na Deamocrataich ri thaobh nan geàrraidhean a tha na Poblachdaich a'moladh sna Stìatean Aonaichte.

Cha robh mòran freagairt agam aig an àm. Ach ‘s e ceist chudthromach a th’ann. Air cùil an èigheachd ‘s na h-ùpraid, tha deasbad mhòr chudtromach a tha ga leantainn ri thaobh eaconomaigeachd. Tha na deamocrataich a’dlùth-leantainn eaconomaigeachd Kenyesianach, sin far am bith an riaghltas a’toirt piseachd dhan eaconomaidh le bhith cosg airgead neo ann an dòigh nas motha na sin ‘s mar a tha an riaghltas a’deanamh an-dràsda, le bhith clò-bhualadh airgead. Dhaibhsan, an rud as fheudar ‘s e bhith cosg barrachd airson piseachd a thoirt dhan eaconomaidh. ‘S e dearg amaideas th'ann a bhith cur sàs geàrraidhean aig àm mar seo. Agus an fheaghain a tha moladh geàrraidhean, na Tea Partyers, uaill, nach iadsan a tha anabarrach fhèin aineolach ri thaobh eaconomaigeachd. Seagh, sin a tha iad a'cantain mun deidhinn.

Tha fear-beachd nn, Paul Krugman fear-eaconomaigeach a bhuanaich duais Nobel ann an eaconomaigeachd an an 2008 's a tha sgrìobhadh as leth na New York Times. Tha esan a’ riochdachadh gu math an seasamh sin.

Ach dhomhsa, chan e ‘s gu bheil na Tea-Partyers aineolach ri thaobh eaconomaigeachd, ‘s e s gu bheil iad air an earbsa a chall às eaconomaigeachd Kenyesianach. Nan robh a–riamh cothrom do Kenyesianachd a dhearbhadh mar cho math sa tha i mar bhun-bharail eaconomaigeachd, b’e seo an t-àm.

Rinn an riaghaltas a h-uile seòrsa rud airson piseachd a thoirt dhan eaconomaidh agus tha an staing ann fhathast. Bha an Stimulas ann 's TARP cuideachd. Cheannaich an riaghaltas GM 's chaidh an deficit am meud, bho $400 billion as car a bu mhiosa fo Bhush suas gu ìre leantainneach $1.5T a-nis. Agus an t-airgead a tha dhìth a clò-blualaichidh am Federal Reserve chòir fo’n fhacal bhrèagha Quantitative Easing. Agus as dèidh sin uile, ged a tha an an eaconomaidh fhathast caogallach, aon rud as cinnteach 's e gu bheil tòrr mòr fiachan againn a-nis. 'S na deamocrataich? Tha iadsan ag ràdh nach robh an stimulu mòr gu leòr. Sin a tha an leihid Paul Krugman a tha na nàdar de fhear-labhairt eaconomaigeach do na Deamocrataich ag ràdh.

Ach tha na Tea-partyers ag ràdh, 's mathaid nach eil Kenyesianachd cho math sa tha sibh a'saoineachadh. Nach bu chòir dhuibh fa ceisneachadhcha a-nis? Tha an eaconamaidh fhathast ann an staing, tha tòrr daoine gun chosnadh agus tha na fiachan oirnn a’sìor dol am meud. Tha sinn a’coimhead mar a tha na h-Èireannaich ‘s na Grèigich a’call smachd air an dùthchannan aca fhèin ‘s mura a bheil sinne an dearbh rud a dh'fhulaing, feumaidh sin smach fhaiginn air ar cuid ionmhais.

Co-fharpais Gunna-làimhe

2011-02-07T17:21:00.000-08:00

Chuck shooting in steel plate match from Charles Tripp on Vimeo.

'S bho riamh a bha mi ag iarraidh pàirt ghabhail ann an co-fharpais gunna-làimhe truinnsear stàilinn. Tha an co-fharpais seo stèidhte air tìde a-mhàin. Mar as luaithe, 's ann nas fheàrr, 's coma leat co mheud peilearan a chleachdas tu.

Chleachd mi gunna a cheannaich mi an-uiridh, 45 acp, 1911-A1 GI Series FSP deante le Rock Island Armory. 'S e dearbh sheòrsa de ghunna a chleachd arm nan S.A. bho 1911 gu ruige nan 1990an 's tha e ga chleachdadh fhathast le cuid dhen arm nuair a tha roghainn aca.

Tha mi toilichte gu leòr o mar rinn mi. Bha mi fada gu leòr, ach feumaidh aideachadh an fheadhainn a bhuannaich fada na bu luaithe na bha mise. Bha iad a'bualadh nan tragaidean taobh a-staigh 5 tiotan.

'S ann o chionn fhada nach d'fhuair spòrsa mar a fhuair mi sa cho-fharpais seo.

Iomart dhan t-Seanaid an Alaska: cunntadh bhotaichean-sgriobhte

2010-11-14T19:50:00.000-08:00

Tha mi air a bhith ann an sàs mar fhrear-choimheid as leth iomairt Joe Miller dhan t-Seanaid ann an Alaska. San rèis sin, as deidh do Lisa Murkowski a chall aig ìre bun-taghaidh, chuir i roimhpe leantainn oirre mar tagraiche-sgrìobhaidh. Uill, latha an taghaidh, bha na 'bhotaichean-sgrìobhte' air thoiseach air tagraiche nam Poblachdach, Joe Miller. Ach an ceist a bh'ann, 's e cò mheud dhe na botaichean-sgrìobhte a bh a do Lisa Murkowski gu laghail. B'fheudar dhaibh an cunntadh, gach h-uile fear aca, còrr 's 90,000 bhotaidhean-sgrìobhte. 'S chaidh mise ann mar fhear-coimheid as leth iomairt Joe Miller feuch an robh na bhotaichean a bha iad ag iarraigh chunntadh do Lisa Murkowski, air an cuir dhi gu laghail.

Nuair a thòisich sinn diciadain, bha tòrr luchd-naidheachd o feagh na dùthcha ann, New York Times, Washingtom post, Fox News. An-diugh, tha a'chuid as motha aca air sgapadh ach bha luchd-naidheachd as leth Al Jeezera ann.

A-reir lagh nan taghaidhean ann an Alaska, mar a tha e sgrìobhte ann an lagh, feumaidh an t-ainm mar a tha e sgrìobhte a bhith co-ionnan ris an ainm a thug an tagraiche do Division of Elections bho thoiseach. Uill, chan mar sinn a tha Division of Elections a'coimhead air a'chùis. Ma tha an t-ainm faisg gu leòr do Lisa Murkowski, bith iad gan cunntadh dhi co-dhiù.

Diciadain, nuair thòisich sinn, nan robh an t-ainm a'toiseachadh le L agus M bha seo ceart gu leòr do Roinn nan Taghadh. Ach an-diugh, thug sinn camaran leinn 's thòisich sinn dealbhan a thogail dhe na bhotaichean nach robh sgrìobhte gu ceart. Seo eiseimpleir fear dhiubh:

Diciadain, bhiodh iad air a chunntadh do Lisa Murkowski. An-diugh ge-ta cha do chunnt iad e dhi.

Tadhail air Fête St Jean Batist neo Fête Nationale du Québec

2010-06-24T05:21:00.000-07:00

Bha iad cho tiugh na gràisgean mhòra, an cuid a bu mhotha diugh nan deugaran neo nam ficheadan ach daoine na bu shìne ‘s teaghlaichean. Thàinig iad o gach ceàrn Quebec ‘s cuid aca o fada na b’fhaide na sin, suas 200,000 dhiubh ‘s brataichean gorma am Fleur de Lys nan làmhan agus fraingis air bilean cha mhòr a h-uile mac mathar aca, thàinig iad ri cruinneachadh air na Plaines d’Abraham far an do thachair ‘la conquête. ‘S e àite cha mhòr naomh do na Québecois sa tha na Plaines d’Abraham. Oir b’e seo an t-àite, taobh a-staigh a’bhaile daingichte Québec, far do chàill an Fhraing an t-ìomparachd aca, an Fhraing Nuadh, do na Breatannaich . Bho sin a-mach, bhiodh na fraingichh, ann an Quebec gu h-àraidh ach ann am mòran àiteachan eile ann an Ameireagaidh a Tuath, gun taic ann an ceàrn èiginneach dhen t-saoghal.

Nuair a chanas mi èiginneach, cha e àite làn cogaighean a tha mi a’ciallachadh. ‘S e a tha na Fraingich ann an Ameireagaidh a Tuath, bho riamh, air a bhith ann an èiginn gun tèid iad an sluigeadh suas leis a’chultar nas mothas a tha mun cuairt. ‘S iomadh turas a chuala mi gur e mearachd mhòr nach tug na Breatannaich orra Beurla ionnsachadh bho thoiseach. Agus aig amannan, b’e seo am poileasaigh oifigeil neo ‘quasi’ oifeigeil aig an fheadhainn aig an robh smachd air Quebec.
Ach tha na Fraingich ann an Canada agus ann an Quebec air a bhith seasmach gu ìre iontach. Thòisich iad le rudeigin mar 90,000 neach aig àm ‘de la conquête.’ Tha suas ri 6 million diubh ann an Quebec an-nis.

Agus chan e cànan nam bodach ‘s nan cailleach a th’ann am Fraingis ann an Québec, idir idir. Tha na h-òigrich air leth pròiseil mu deidhinn.

Ach canaidh cuid gur e fèll leann a th'ann agus bha tòrr leann ann cuideachc.

Turas aux Cantons de l'est

2010-06-22T04:56:00.000-07:00

An latha an-diugh, gabhaidh an t-astar a tha seo a dheanamh, chan eil fhios, taobh a-staigh uair gu leth, bhon àite far a bhuineas ceann a deas na drochaid Champlain aig bruach deas na h-aibhne (mu coinneamh Montreal), a’leanntain sreath de rathaidean mòra dùbailte, an 10 agus an 30 airson astaran giorraid ‘s an uairsin an 20, an Trans-Canada airson astar nas fhaide gu ruige Drummondville. An uairsin 20 km gu deas air rathad dùbailte eile, gu ruige baile beag air a bheil Melbourne mar ainm. Nuair a bha mi a’fuireachd ann an Quebec, gu ruige deireadh nan 80’dan, dh’fhaodadh tu an t-astar a seo a cho-lìonadh gun a’dol nas shlaodaiche na 130 km/h. Tha an trafaic nas shocraiche a-nis, cha tèid thu nas shlaodaiche na 100 km/h agus bith thu ann taobh a-staigh uair gu leth.

Ach nuair a chaidh mathair mo bhean a togail ann o chionn trì fichead neo trì fichead sa deich bliadhna, ‘s e astar mòr a bh’ann thar rathaidean singailte de dhuslach. An fhìrinn, ghabhadh iad an trèana bho Richmond a tha dìreach air taobh thall na h-aibhne bho Melbourne airson a dhol a Mhontreal. Ach mar bu thrice, nan robh iad airson dhol dhan bhaile mhòr, b’ann a Sherbrooke a bha iad na bu bhuailtiche dhol ann, neo gu tuath a Dhrummondville. B’iad seo na bailtean mòra dhaibh aig an àm.

Tha munntir mathar mo bhean a’buntainn dhan sgìre seo. Thàinig a muinntir ann sna dhà fhicheadan an naoidheamh lìnn deug à sgìre York ann an Sasainn. Thàinig mòran à Alba cuideachd. Gu dearbh, ‘s e Kirkdale a theirte ris an eaglais sa robh a’dol. Thadhail sinn dhan eaglais seo ‘s anns a’ chladh a tha ra taobh, chaidh tòrr gìnealaichean an tiolachadh thar na bliadhnaichean.

An rud a tha inntinneach dhomh, ‘s e gu bheil measgachadh de mhion-choimhearsnachdan chànain anns an sgìre seo. Melbourne, far an d’fhuair mathair mo bhean a h-àrach, ‘s e coimhearsnachd Beurla a bh’ann. Mu 10 km gu tuath, tha baile eile ann, L’Avenire, ‘s e baile fraingeach a th’ann. Bha fiù ‘s baile Gàidhlig neo dhà annn aig an àm. Gu dearbh, ‘s e Gàidhlig a bh’aig sine-phàrantan bana-charaid dhomh ‘s b’ann à baile Gaidhealach sna Canton de l’est a bha iad.

Ach an latha an-diugh, tha na mion-choimhearsnachdan cànain a’dol à bith. Fhad sa bha sinn aig tuathanas mathar mo bhean, bhruidhinn ri dithis aig an gnìomhas ris agus ‘s e fraingis a bh’aca. Gu dearbh, chan eil Beurla idir cho làidir air feadh na Cantons de l’est sa bha i uaireigin. ‘S e Fraingis a th’aig a’mhòr chuid a-nis seach Beurla.

Ciamar a thàinig gu bith, ann an Ameireagaidh a tuath, ‘s dòcha 100 km bho chrìoch leis na Stàitean Aonaichte gu bheil cànan seach Beurla a’cur às dhan Bheurla? Ciamar a tha sin a’tachairt far nach ach 6 million luchd-labhairt na Fraingis a’fuireachd air an cuairteachadh le 300 million luchd-labhairt na Beurla?
Uill, chan aithne dhomh an sgeulachd gu lèir, ach ‘s aithne dhomh cuid dheth. Agus tha mi an dòchas cuid innse sna làithean a leanas.

Chiad Latha dhen Turas againn ann an Quebec

2010-06-19T04:57:00.000-07:00

Tha sinn ann an Quebec a-nis, dùthaich shuidhichte taobh a-staigh rìoghachd eile a-reir beachd nan Quebecois fhèin. Dh’fhurich mi fhìn innte mòran bliadhnaichean m’òige, thachair mi ri mo bhean an seo agus gu dearbh ‘s ann air a pàrantan a tha sinn a’tadhail. Sgeith sinn dhan phort-adhart ann am Boston, fhuair sinn carabad air mall ‘s dhràibh sinn na trì cheud mìle gu Montrèal an-dè. Cha robh e cho cosgail mar sin.

‘S e fraingis a th’aig a’mhòr chuid ann an Quebec, rud a tha gu math iongantach nuair a smaoineachas tu mar cho làidir sa tha a’Bheurla ann an Ameirgeidh a Tuath. Bha mi nam dheugaire nuair a ràinig mi Quebec. Rinn mi na dà bhliadhna mu dheireadh àrd-sgoile san sgoil fhraingeach far a b’fheudar dhomh an cànan ionnsachadh agus far an d’fhuair mi sealladh mhion-shluaigh air an t-saoghal. Agus chunnaic mi cuideachd carson a tha sluagh a tha cho beag fhathast na shluagh fa leth ann an ceàrn dhen t-saoghal far cultur eile cho làidir. Saoilidh mi gu bheil mòran a thachair ann an Quebec na shamhla do na Gaidheil. Thar na làithean a leanas, tha mi airson aithris bho àm gu àm mun t-suidheachadh ann an Quebec agus rudan co-ceangailte ris.

An diugh chaidh sinn gu margaidh fhosgailte far an robh tòrr measan ‘s rudan dhen t-seòrsa ri cheannach. ‘S e àite gu tur fraingeach a bh’ann. ‘S e fraingis a bh’air na bilean a h-uile mac mhathar aca a’gabhail a-steach na cloinne bhige. Oir bha buidhinn dhiubh a’coiseachd troimhe ‘s bha iad ag èigheachd ‘s a’sgreuchail air a h-uile càil ann am fraingis.

Mo nighean as sìne, tha i air a bhith gabhail cursa de fhraingis fad trì bliadhna a-nis ‘s feumaidh mi aideachadh nach do rinn i mòran adhartas gu ruige seo. Bho àm gu àm, dh’fheuchainn beagan fraingis leatha ‘s mar bu thrice, b’e duighleadas mhòr dhi na h-abairtean a bu shìmplidhe a thuigsinn. Sa chursa aicese, ‘s e trì bliadhna mus bhiodh fiosrachadh gu leòr agad airson “il faut que tu sois prêt an cing minutes” a thuigsinn, rud a thuigeadh pàiste sam bith de dhà bliadhna dh’aois.

Co-dhiù, bha sinn air ar cuairteachadh le fraingis ‘s thòisich mi bruidhinn riths san fhraingis a-rithist agus an-diugh bha i gam thuigsinn ann an dòigh nach do thuig i gu ruige seo. Chòisich sinn suas ‘s sìos a’mhargaidh ‘s mise a’mìneachadh dhi dè a bh’anns a h-uile càil san fhraingis. Domh-sa, tha e fada nas fhasa fraingis theagaisg do chuideigin nuair thu air do chuairteachadh leatha. Cha leig thu leas Beurla chur an sàs idir idir. Co-dhiù, bha seo na annas do mo nighean mar a thòisich e a h-uile càil a thuigsinn ‘s tha i gu math toilichte leatha fhèin.

Cìochan an aghaigh aintighearnas

2010-04-24T22:38:00.000-07:00

A reir coltas, tha imam Iraineidheanach dhen bheachd gur iad boireannaich a bhios a'sealltainn cus as coireach gu bheil tòrr crithean-talbhainn ann. Uill, tha boireannach ann a tha na h-oileanaich aig Oilthigh Perdue. http://www.blaghag.com/2010/04/quick-clarification-about-boobquake.html Tha ise a'cur air dòigh togail fianais a tha caran, uill, eadar-dhealaichte. Tha i ag iarraidh, airson aon latha an t-seachdainn sa tighinn, gun nochd boireannaich an t-saoghail iad fhèin am barrachd fianais nan àbhaist, barrachd cìochan am follais nan àbhaist, mar seòrsa de dhubhlan dhan imam a tha seo, airson dragh air.

Nise, chan eil mi airson an dì-mhisneachadh ri thaobh iomairt a tha cho àlainn ann an dòigh sam bith. Ach nach biodh e na b'fheàrr, nas fheumaile nan cuireadh bacadh air ha h-Iraineidheanaich ann an bhith leasachadh armachachd niùicliasach?

Madaidhean-Allaidh

2010-03-20T22:55:00.000-07:00

Tòrr naidheachdan ri thaobh madaidhean-allaidh ann an seo. An t-seachdain-sa chaidh, chaidh teidsear a bha seo a mharbhadh le buidhean de mhadaidhean-allaidh ann an Chignik Lake, tachartas a tha mu math ainneamh. Chaidh sgioba à Roinn Èisg 's Beathaichean air an tòir 's mharbh iad dà mhadadh-allaidh. Rinn iad toimheas dhen na fiaclan aca airson dearbhadh feuch an iad an dearbh madaidhean-allaidh a mharbh am boireannach bochd a bha seo.

Rud eile. Thachair mi ri fear a bha seo an latha eile nuair a bha mi a-mach air cuairt leis a'chù agam. 'S e an duine ris an can mi: Wolf Whisperer, duine a b'àbhaist a bhith tadhal air a'mhadadh-allaidh Romeo cha mhòr a h-uile latha. Bha esan dhen làn bheachd gun do mharbh cuideigin Romeo 's gu robh e an impidh dearbhadh cò a bh'ann. 'S inntinneach, oir bha mo nighean air peirceall beathaich neo chorreigin lorg:

Cha robh mi cinnteach an e peirceall madadh-allaidh neo beathaich eile a bh'ann. Co-dhiù, dh'innse mi sin dha 's ghlac seo aire gu mòr. Saoil an e peireall Romeo a bh'ann? Thàinig e gu taigh agam 's ghabh e iasaid dhen pheirceall airson toimheas a dheanamh dheth. Aig a'cheann thall, chan e peirceall mhadadh-allaidh a bh'ann ach mathain. Co-dhiù, tha peirceall mhathain math co-dhiù ach feumaidh mi aideachadh gur e briseadh dùil a bh'ann dhomh.

Agus rud eile. Madainn-dihaoine, bha mi a-mach air cuairt a-rithist leis a'chù agam 's dè a lorg mi air an talmhamh ach dùn de chac neo-àbhaisteach: caran glas 's e làn gaosaid: cac mhadaidh-allaidh shaoil mi. Dh'innse mi sin dhan bhean agam nuair a thill dhan taigh 's gu dearbh thug i dom m'aire aithris o phàipear ionadal againn mu mhadadh-allaidh ùr glas a chunnaic cuideigin faisg air an taigh againn.

Tha fhios gu robh Romeo a-riamh deidheil air coin oir cha d'ith e ach dhà neo trì aig car a bu mhotha. Chan urrainn dhuinn a bhith cho cinnteach leis an fhear ùr a tha seo.

Briseadh dùil: Cha tig an cuairt-seilg air Bison gu buil

2010-03-05T10:05:00.000-08:00

Rinn mi no dhìcheall, rinn mi mar a b'fheàrr a b'urrainn, ach ge b'e gach oidhreap a rinn mi, cha tig an cuairt-seilg agam gu buil 's 's e briseadh-dùil a th'ann gu dearbh.

Feumaidh mi ràdh sa chiad dhol a-mach, chan e miann as motha a th'ann dhomh a bhith marbhadh Bison. 'S toil leam sealg ceart gu leòr, ach 's e corra bliadhnaichean on a rinn mi sealg ceart. Saoilidh mi, 's ann o nach eil cus aig mo nighean as sìne a tha dhen aois dhol air cuairtean-seilg. Fad na bliadhnaichean mu dheireadh, nan rachainn air cuairt-seilg, rachainn gun chuideachd bho'm theaghlach fhìn.

Ach 's e sgeul eile leis an nighean as òige agam. Tha ùidh mhòr aice anns a'chaile co-ceangailte ris an nàdar, ris an taobh a-muigh. Tha i dhen aois dhol air cuairt a mhaireas latha neo dhà. Nan robh corra bliadhnaichean na bu shìne, rachadh i cuide rium gun teagamh. Ach the i ro òg an-dràsda airson cuairt mhòir air a'mhonadh.

Co-dhiù, cho-dhùin m'athair gum biodh an sealg seo cus dha. Chan e rud suarach a bhith làimhseachadh beathach aig a bheil suas ri sia ceud kilo de chuideam 's a cuid feòla a'giulainn air ais dhan campa agad. Cuideachd, faodaidh e a bhith fuar gu leòr fhathast sa mhàirt air a' mhonaidh ann an Alasga. Bha dùil agam deileachadh ri 20C fo ìre reothaidh co-dhiù. Ach cha bhiodh na annas nan tuideadh e sìos gu 30 neo a bharrachd fo ìre reothaidh, 's tusa a'feuchainn do chumail blath ann an teanta neo le teine fad seachdainn mar sin. Ged a bha mi fhìn deònach dhol an sàs ann, cha do coimhead m'athair air a sin mar rudeigin tlachdmhor.

Dh'iarr mi air seann charaid dhomh ann an Kodiak cuideachd. Tha ùidh mhòr ann 'adventurean mòra' ma dh'fhaodas mi sin a ràdh. Agus gu dearbh, bha ùidh mhòr aige, ach bha a chuid ionmhais ro theann airson dhol ann.

Mar sin, as aonais cuideachd, b'fheudar am pròiseachd seo leigeil seachad. A uell, feumaidh mi chumail nam chuimhne nach b'e seo am miann as motha a th'agam.

Bhuannaich mi crannchuir as phriseile a th'againne an Alasga

2010-02-18T21:52:00.000-08:00

'S ann am meadhan an t-samhraidh an uiridh, thàinig cuideigin, 's a shùilean làn eud, a-steach dhan oifis agam a dh'innse dhomh gu robh mi air an crannchuir as priseile an Alasga buannachadh: còir sealg ri bison.

Tha corra treudan de bhison againn ann an Alasga le suas 700 beachaichean ann gu lèir.

An fhìrinn innse, bha mi rudeigin coma nuair a bhuannaich mi an cead, tha mi fhathast. Chuir mi a-steach airson a'chead seo gu h-àraidh air sgàth gu robh ùidh aig caraidh m'athar ann an bhith sealg bison, agus bhiodh teans nas motha nan chuireadh an triùir againn a-steach airson cead. Gach bliadhna, bith na mìltean thar mìltean a'chur a-steach airson bison agus sin airson, chan eil fhios, nas lùgha na ciad ceadan gu lèir. Tha daoine ann a th'air a bhith a'cur a-steach fad am beatha gun dad a bhuannachadh. Uill, bhuannaich mise.

Chan ann gu bheil mi an aghaidh sealg ri bison. 'S dìreach chan e miann mòr a th'ann dhomh. Agus an rud eile, chan eil an sealg furasta a th'ann idir. Sin an duighleadas as motha. Tha an treud suidhichte ann an sgìre a tha gu math bàn 's tha e gu math doirbh fhaighinn thuca. Agus cuideachd tha iad a'fuireachd ann an sgìre a bhuinneas do na tùsanaich 's tha iadsan ag iarraidh $1500 airson sealg air an talamh aca.

Tha an t-saison a'ruith bho thoiseach an t-Sultain gu deireadh a'Mhàirt. As t-fhoghar, bha e furasta gu leòr. Dh'fhaodadh tu dhol suas 's sìos an abhainn Copper ann am bàta 's sùilean geura agad air a'bhruaich ear-dheas 's a'stad nuair a nochdas iad.

Cha deach mi ann an uair sin, ach tha mi an-dràsda a'feuchainn rudeigin a chur air dhòigh ro dheireadh an t-saison. Tha iad ag ràdh gu bheil an deireadh an t-saison math gu leòr. Tha na làithean a'fàs nas fhaide 's ma tha thu fortanach, cha bhith agad deileachadh ri cus gheamhradh.

Leis gu bheil mi ann an Juneau, tha e caran doirbh fiosrachadh ceart fhaighinn air mar a tha cùisean. Ach dh'ionnsaich mi gur e geamhradh caran socair a th'air a bhith ann thall an sin 's chan eil an abhainn reòidhte mar bu chòir, rud a tha a'ciallachadh nach urrainn dhut siubhal oirre mur a bheil dhol a shnàmh am meadhan a'gheamhraidh. Ach dh'ionnsaich mi rud eile 's tha gealltanas gu leòr ann. Tha itealan beaga 's 's urrainn dhaibh do chur sìos air loch reòidhte neo rudeigin le champa aotrom 's faodaidh tu an uairsin dhol air tòir nam bison. Bha mi a'bruidhinn le pìolad a bha an-dè, 's dh'innse e dhomh gun ghabh sin a dheanamh fhada tha na lochan reòidhte co-dhiù, rud nach eil fìor an-dràsda leis gu robh e air a bhith gu math blàth. Ach faodaidh i fàs nas fhuaire as ùr. Ach rud eile: thuirt gu bheil buidhean de mhadaidhean-allaidh air ruaig chur air na bison 's chaidh iad an sgapadh.

Airson an-dràsda, 's e do chumail deiseil 's sùil a chumail air an aimsir 's leantainn orm a bhith bruidhinn leis a'phìolad 's ma thilleas an geamhradh 's ma nochdas an treud, ma dh'fhaoidte gum bi cothrom agam.

Latha Taghaidh ann am Massachusetts 's a bhuidh air ath-leasachadh Slàinte

2010-01-18T11:34:00.000-08:00

Nuair a cho-dhùin an Seanadair Ben Nelson às Nebraska bhotadh airson a'phroiseacht lagha na pàrti deamocratach airson ath-leasachadh shlàinte, neo Obamacare, mar a theirte ris leis a'mhòr-shuagh, shuath na deacrataich an làmhan ri chèile le toileachas. Bha an rathad fosgailte dhaibh mu dheireadh thall. Cha robh aca ach rèiteachadh a dheanamh leis an dreach a chaidh aontachadh san Taigh nan Riochdairean roimhe 's an uair sin aonta fhaighinn dha san t-Seanad 's san Taigh nan Riochdaran.

Furasda dè?

Uill, abair Massachusetts, stàite as guirme (a'ciallachadh nas deamocrataiche) a th'againn sna Stàitean Aonaichte. Tha taghadh gu bhith ann a-màireach airson an suidhiche bha lìonte gu ruige an Lùnasdail an-uiridh le Ted Kennedy nuair a bhàsaich e. Bhon uair sin, tha deamocratach eile air a bhith ann na àite a chaidh a thaghadh leis an riaghaldair Massachusetts gus bith cothrom taghadh ceart a chuir air dòigh. Uill, tha an taghadh eo gu bhith ann a-màireach 's agus fada an aghaidh gach dòchas nan deamocratach, tha am poblachdach, Steve Brown, air thoiseach air an deamocratach, Martha Caokley agus tha a h-uile coltas ann a-nis gur e am Poblachdach seach an deamocratac a lìonas an suidhiche a bh'aig Kennedy.

Tha am poblachdach, Steve Brown, a'ruith an aghaidh, cìsean nas àirde, riaghaltas nas motha agus (san dreachd a th'agaibh sa Chongress co-dhiù) ath-leasachadh seirbhis slàinte!

Bha feum aig na deamocrataich air gach uile bhotadh a fhuair iad san t-Seanad. Ma bhuannaicheas Brown, bith Obamacare ann am fìor-èiginn. Oir, gheall e bhotadh na aghaidh nuair a nochdas a'phroiseachd lagha a-rithist san t-Seanad. Agus ma bhuannaicheas fear-poilteatagaich ann am Massachessets le ghealladh mar sin, dè tha sin a'ciallachadh airson ha dùthcha air fad?

Tha sin a'sealltain mar cho dearg an aghaidh Obamacare sa tha a'mhòr-shluagh.

A bheil Romeo fhathast Beò?

2009-12-12T20:23:00.000-08:00

Tha ceist ann nar measg-ne a bhios a'fuireachd an oir a'bhaile far am faicear am madadh-allaidh air a bheil Romeo: a bheil e fhathast beò? O chionn mhìos 's dòcha bha mi a'bruidhinn ri nàbaidh 's rinn sinn cunntas cò mheud bliadhna a tha muinntir an àite seo air a bhith faicinn Romeo. Chan e rudeigin ùr a bh'ann nuair a ràinig mise am baile seo an toiseach 2006. Chunnaic mi e a'chiad latha a chuir mo chas ann an Juneau. Dh'obraich sinn a-mach gu robh Romeo a' sreap suas ri naoi bliadhna a dh'aois, aois caran sean, gu h-àraidh nuair a smaoinicheas tu nach eil dotair ann airson cùram a thoirt dhà ma dh'fhàsas e tinn.

Chuala mi cuideachd, agus b'ann an toieach na Sàmhna a bha seo, nach robh Romeo air fhaicinn bho chionn sia seachdainnean le duine air a chanas mise the Wolf-whisperer, duine a th'air nochdadh sna duighleagan seo uair neo dà. B'àbhaist dhàsan coinneachadh ris a'mhadadh-allaidh cha mhòr a h-uile latha. Agus feumaidh mise aideachadh nach eile mi air fhaicin bho mheadhan an t-samhraidh.

Ach tha fianais neo dhà eile agam nach Romeo ann tuilleadh. Bhruidhinn mi ri boireannach a bha seo, agus dh'innse ise dhomh gun tug Romeo dh'ionnsaidh air a'chù aicese as t-samhradh. An rud a bha neo-àbhaisteach mu dheidhinn sin, oir cha b'e an aon uair a thug Romeau dh'ionnsaigh air cù, 's e mar cho mòr sa bha an cù agus mar nochd Romeo gu grad as a'choille. Am barail a th'agam-sa 's e 's dòcha gu robh Romeo a'fàs acrach 's nach robh e comasach sealg tuileadh mar as àbhaist.

Agus thachair rudeigin eile, cha tug mi mòran ciall dha aig an àm, ach smaoinich mi air corra seachdainnean air ais, nuair shad cuideigin greallach fèidh ri taobh an rathaid aig ceann an rathaid. Chuir sin dragh orm o a bha ùidh mhòr aig an cù agam fhaighinn gu mòr an sàs ann 's b'fheudar a cumail air falbh. Uill, thàinig e a-steach orm dìreach o chionn corra làithean: cha mhaireadh an greallach a bha seo fiù aon latha slàn nan robh Romeo fhathast ann.

'S e rud sònraichte a bh'ann gun teagamh a'fuireach cho faisg air mhic an duine 's chuireadh iongnadh orm am faic mi a leithid gu bràth tuilleadh.

Theab an saoghal agam chur bun os cionn

2009-12-03T06:59:00.000-08:00

An t-seachdainn-sa, b'fheudar dhomh siubhail air itealain airson na h-obrach agam. 'S ann tric a bhios mi a'deanamh sin, uair neo dhà gach mìos 's dòcha. Agus bho chionn fhada, tha mi air a bhith mothachail gum feum mi a bhith gu math faiceallach. Oir as deidh deireadh sheachdainn dh'fhaodadh cha mhòr rud sam a bhith agam, am pòcaid mo chòta 's dòcha neo sa mhàilid agam a chuireadh ann an trioblaid mi. Rud sam bith: gunna, peilearan, sgèin, cleasaichean teine. 'S mus tèid mi air itealan, feumaidh mi faighinn cuideas a h-uile càil a tha sin.

'S chan ann dhomh-sa a-mhàin a tha sin fìor. 'S aithne dhomh cuideigin a tha a'fuireach ann an Anchorage, uill bha, tha e ann an Afganistan a-nis airson bliadhna. Tha tòrr fiachan air 's chaidh e a dh'Afganistan airson tòrr airgead a chosnadh (gun cìs!) 's na fiachan aige a phàigheadh air ais. Shaoil mise gu bheil sin caran cunnairteach. Chan ann a-mhàin gu bheil iad airson do mharbhadh thall an sin, ach cuideach tha e gu math builteach gun cosg a bhean a h-uile sgilling dhen airgead fhad sa tha ga chosnadh. Co-dhiù, an uiridh, thàinig e a-nuas à Anchorage an seo. Bha peilearan aige am pòcaid a chòta o bha e air a bhith losgadh gunnaichean corra làithean roimhe. Chan e sligeean peilear ach peilearan beò. Agus bha e air diochuimhneachadh mun deidhinn. Chaidh tron tearainteachd an Anchorage ceart gu leòr 's peilearan na phòcaid ged nach do lorg iad iad. Thadhail leinn ann an Juneau airson latha 's an ath latha chaidh sinn uile comhla a Ketchikan. Bha e air ar cùlaibh nuair a chaidh sinn a-steach tron tearainteachd ach cha do nochd e taobh a-staigh. Dh'fhan sinn leth uair a thìde 's cha do nochd e fhathast. Chaidh sinn air bòrd an itealain 's cha robh e ann fhathast. Bha am plèan gus falbh 's dìreach an diog mu dheireadh nochd e. Lorg iad na peilearan aige. Cha do chuir fon ghrèim e ge-ta 's bha e fortanach.

An deireadh sheachdain sa chaidh bha cothrom agam dhol ri sealg. Ach cha deach sin ann aig diog mu dheireadh air sàilleamh droch thìde. Agus diluain b'fheudar dhomh dhol air itealan. Chaidh mi tron mhàilid agam gu mionaideach. Dà uair. Fhuair mi cuideas an gunna 's na peilearan 's uidheamachd sam bith eile a cuireadh iomgain air na luchd-tearainteachd. Chaidh mi dhan phort adhar. Dh'fhaighnich an co-obraiche agam nan robh dad sam bith agam ri fhaighinn cuideas, leis gu robh e a'tilleadh air ais dhan càr aige. Thuirt mi nach robh. Chaidh mi tron tearainteachd. Fhad sa bha a'cur na geansaidhean 's na brògan air ais orm, chunnaic mi mar a bha iad a'cur na màilid agam uair 's uair eile.

Mu dheireadh thàinig am boireannach thugam 's sgian na làimh, sgian agam-sa a bh'ann. Leig mi a-mach facal neo dhà nach bu chòir. A dh'aindeoin gach oidhrp a rinn mi, chaidh an sgian troimhe. Agus 's e sgian mhath a th'innte. Sgian fhada fhaobharach de sia oirlich de dh'fhaide. Le meatailt chruaidh, cumaidh i a faobhar airson ùine mhòr.

Bha gach leisgeul fon grèin aca an saoghal agam chur bun os cionn: mo chur fon ghrèim, rannsachadh nas mionaidich air mo bhothaig fhèin. Ach cha do rinn iad càil dhen sin. Bha an co-obraiche agam fhathast air taobh a-muigh na tearnainteachd 's thug iad fèin gu fialaidh an sgian agam thuigesan airson 's gun toir e dhan chàr i.

Tha mi cinnteach, nach rachadh cùisean mar seo leam nan robh mi cha mhòr an àite sam bith eile sna Stàitean.

Cuairt Lagha Khalid Sheik Mohammed

2009-11-14T22:24:00.000-08:00

An t-seachdainn-sa, chuala sinn gun tèid Khalid Sheik Mohammed cuide ri ceithrear eile thoirt gu cuirt shìobhalta ann an New York airson na h-ionnsaigh a thachair ann an New York ann an 2001. Dhomh-sa, chan e rud ro ghlic a th'ann idir. Tha fhios gu bheil cuid air a bhith gearan mun a bhith gan cumail ann an Guantanamo, ach cha do chreid mi gu ruige seo gun dheanadh iad rudeigin cho gòrach. Am mearachd a tha iad a'deanamh 's e gu bheil iad a'coimhead orra mar eucoraich àbhaisteach.

'S ann as coltaiche ri prìosonnaich cogaidh a th'annta. Smaoinich air dè bh'air tachairt nan rachadh prìosonnaich gearmailteach thoirt gu cuirt mar eucoraich sa chogadh mhòr? Na ceudan de mhìltean de prìosonnaich ghearmailteach 's aig gach fear aca a latha sa chuairt. Cò mheud saighdearan Amaireacanach a dh'fheumadh tilleadh air ais bhon chogadh san Roinn Eòrpa, nan robh iad fhathast beò, airson fianais a dheanamh sa chuirt. 'S dòcha nach biodh cuimhne ro mhath aig cuid dhen luchd-fhianais an e am prìosonnach neo am prìosonnach eile air losg air, air neo a shad boma-làimhe air. Dh'fheumadh obrachadh a-mach cò a losg air cò 's mura obraich, rachadh cuid lorg neo-ciontach. Agus cuimhnich, bhiod cuid de na prìosannaich Ghearmailteach ann nach robh air losgadh air na h-Ameireaganaich idir, ged a bha iad san arm. An d'fhuaireadh iadsan ciontach?

Tha sin uile ri ràdh mar a leanas:

- Cha eil adhbhar sam bith an toirt gu cuairt leis gur e prìosannaich cogaidh a th'annta.
- Tha e gu math buailteach gun d'fhuaireadh iad neo-chiontach. Seadh. Ge b'e cho cionta sa tha iad ann an da-riribh gabhaidh sin a dheanamh gu furasta. Tha còir aig eucoraich àbhaisteach an tosd a chumail. KSM, chaidh esan a cheisneachadh gu cruaidh agus saoilidh nach bi còir aig chuid mhòr dhe na thuirt e nochdadh sa chuairt. Bho thoiseach, chan ann mar chùis sìobhalta a chaidh i a làimhseachadh idir, idir.

Thuirt mi gur ann nas coltaiche ri prìosannaich cogaidh tha iad. Smaoinich air dè bh'air tachairt nan mhaireadh an cogadh mòr can leth cheud bliadhna. Dè bh'air tachairt leis na prìosonaich a bha fo ghreim gach taobh. Uill, as aonais aonta eadar gach taobh a'chogaidh, bhàsaicheadh iad air sàilleamh seann aois. Agus carson a bu chòir dhuinn KSM leigeil mas sgaoil 's Al Qaeida fhathast ag eigheachd bàs do Ameireaga?

Cat Ùr Againn - agus obair dhoirbh

2009-11-12T22:40:00.000-08:00

Uill, ghabh iad rinn 's fhuair sin cat fhuair. Rinn iad an rannsachadh mu ar deidhinn 's rinn sinn an gnothach. Chuir caraid fòn dhomh. Bha mi air ainm a thoirt dhan bhuidhinn aig an robh an cat. Chuir iad fòn thuige 's as deidh dha deagh bheachd a thoirt dhaibh mu mo dheidhinn, chuir e fòn thugam-sa. Dhomh-sa bha seo cho èibhinn. Thuirt mo charaid, nan robh iad a'deanamh a'cheart uibhir de rannsachadh air maidsearan san arm sa tha iad a'deanamh air an fhaidhean a tha ag iarraidh cat, bhiodh an saoghal againn nas sàbhailte. Shaoilinn gur e an fhìrinn a bh'aige.

Co-dhiù, 's e fìor dheagh chat a th'ann agus tha e gu math deidheil air mo nighean nas òige.

Gu mi-fhortanach bha obair eile agam ri dheanamh. 'S e latha saor a bh'agam diciadain 's bh'agam ris an obair seo crìochnachadh ro dheireadh an latha.

Bhàsaich an cat eile againn san òg-mhìos. Sgeulachd fhada a bh'ann ach sin a thachair 's feumaidh mi ràdh gu robh e gu math duilich dhuinn, dhomh fhìn nam measg. Cha robh i leinn ach trì bliadhna 's bha seo ro ghoirid agus 's e fìor deagh chat a bh'innte. Bha sinn cuide rithe, sinn uile, nuair a bhàsaich i. Dh'fhalbh sinn dhan chàr, dhachaidh gun an còir a ràdh.

Uill, mìos air ais, fhuair sinn fòn bhon dotair-anmhaidh. Bha iad ag iarraidh faighinn a-mach bhuainn air gu dè a dheanadh sinn le chorp a'chait againn. Bha e fhathast aca san reothadair aca. Uill, chaidh mo bhean 's mi fhìn ann 's thug iad a-mach corp ar cait marbh. Thill sinn air ais dhan taigh 's chuir mi seann reothadair air dòigh 's chuir sinn corp a'chait innte 's sròn a'choin againn steigte rithe 's earball a crathadh.

Bh'agam ri a chur fon ùir air cùl an taighe mus reòthadh an talamh. Uill, an-dè bha latha saor agam 's bha an talamh gus reòthadh 's bha mi a'cluich air an coimpiùtair gu dòigheil nuair a chuimhnich mi air na bh'agam ri dheanamh. Chaidh air cùl an taighe 's sgap mi cnap de dh'fhiodh 's chlach mi toll. Bha tòrr freumhan 's clachan ann ach mu dheireadh rinn mi a'chùis.

Bha cus ùidh aig an cù againn sna bha mi a'deanamh. Thug mi corp a'chait againn a-mach 's chuir san toll e. Bha i ann am baga plastaig 's cha do dh'fhosgail mi e. Rinn mi dùn mòr de dh'fhiodh air gus nach tèid an cù a-steach ann.

Dh'fhaighnich mo bhean air mar a bha an cat coltach. Fhreagair mi nach robh fios agam.

Run neònach. 'S ann an-dè a bha seo. Thàinig stoirm oirnn tron oidhche. Bhual uisge 's gaoth oirnn tron oidhche. Dh'èirich mi an-diugh aig còig uairean gu leth mar as àbhaist 's bha an t-uisge fhathast a'seideadh air doras cùil an taighe. Airson adhbhar neo correigin, bha an cat marbh fhathast air comhair m'inntinn 's thug mi sùil air an uinneag feuch nan robh i ag iarraidh tighinn a-steach. Ach cha robh i ann.

'S ann a bha seo air m'inntinn fad an latha. Carson a thug mi sùil air an uinneag.

Nuair a thill mi dhachaidh an-diugh, bha sneachd air an talamh.

Rannsachadh ar beatha - Airson Cat fhaighinn

2009-11-09T21:59:00.000-08:00

Bhàsaich an cat againn as t-samhradh. B'e seo gu math duilich feumaidh mi ràdh. Dh'fheuch mi uair aithris a dheanamh mu dheidhinn ach cha b'urrainn dhomh. Bha tinneas-àirne oirre. Mhionaich mi ri mo nighean mar a bha cùisean 's bha i deònach an cat uisgeachadh. Bha mi gu math pròiseil mu deidhinn. Rinn i an rud a bha doirbh 's lean i oirre co-dhiù. Dh'uisgich sinn e fad, chan eil fhios, dà mhìos neo trì 's dòcha. Ach dh'fhàilnich àirnean a'chait co-dhiù 's bhàsaich e san òg-mhìos.

Uill, tha sinn deiseil cat eile fhaighinn. Chaidh sinn a faicinn piseagan an t-seachdainn sa chaidh, ach cha robh iad ceart. Tha cù againn, German Shepherd 's feumaidh an cat aig a'cheart àm a bhi deisil seasamh na aghaidh agus gabhail suidhe air ar glùinean. Bha na piseagan làn spionaidh, a'ruith 's leum 's sabaid air ar gliùinean, air ar cùlaibh, mu ar timcheall, cha robh e gu cus diofar dhaibhsan.

An t-seachdainn-sa, chunnaic sinn trì piseagan eile air an làrach eadar-lìonn 's chaidh sinn ann. Bha iad dubh 's cuideachd làn spionaidh, mar spring, leumadh iad far do ghliùineadh cha luatha sa leigeadh tu asta. Dh'iarr sinn orra cat eile a thoirt a-steach oirnn.

Thug iad thugainn cat eile a bha làn bian 's thoisich i sa bhad ar pògadh 's deanamh crònadh thugainn 's ga dheanamh comhairteil leinn. Uill, abair cat tarraigneach. Fhad'sa chuir mi fòn gu mo bhean, bha an cat gam shìor-imleachadh. Bha sinn deonadh an cat a thoirt leinn. Ach, b'fheudar dhuinn pàipearan lìonadh 's references fhàgail. Nì iad rannsachadh mu ar deidhinn, mar gur e gunna a bha sinn a cheanach. Tha sinn an dòchas nach diùlt iad sinn, oir 's e fìor deagh chat a th'ann.

Deasbad mu sheirbheis Slàinte sna S.A.

2009-09-18T21:11:00.000-07:00

An-diugh fhèin, fhuair piuthar-mathar mo bhean lannsaireachd air a cridhe. Bha e air innse dhith mura a fhuair i an lannsaireachd a bha sin, dh'fhaodadh i bàsachadh taobh a-staigh sia mìosan. B'e seo san Fhaoileach. B'fheudar dhi feitheamh còir is naoi mìosan. Tha i a'fuireachd ann an Canada agus 's ann mar sin a bhios cùisean ag obair ann an sin. Feumaidh tu feitheamh. Agus 's ann air fìor èiginn a thàinig i beò as ma thig i idir, oir cha d'fhuair sinn fios fhathast ciamar a chaidh dhi.

Tha co-obraiche agam an-seo. Tha athair aige aig 's b'fheudar dhasan lannsaireachd fhaighinn air a chridhe cuideachd agus fhuair e e gun dàil ged nach robh insurance slàinte aige. Fhuair e cuideachd cunntas airson leth-mhillion dollar. Pàighidh e air a shon airson a'chòir de a bheatha.

Nise, dè as miosa? Bàsachadh air sàilleamh dìth seibheis slàinte neo cunntas mòr agad? Mas ann a'deasbad seirbheis slàinte a tha sinn, chanainn-sa bàsachadh air sàilleamh dìth seirbheis slàinte.

Seo am beachd a th'agamsa an-diugh ach feumaidh aideachadh nach b'e seo am beachd a bh'agam nuair a ghluais sinn do na Stàitean Aonaichte o Chanada o chionn fichead bliadhna. Bha fios againn uile mar a bha cùisean sna Stàitean Aonaichte an taca ri Canada. Bha na h-eusàintich a'bàsachadh air sàilleamh dìth airgid agus dh'fhaodadh tuisleadh as lùgha do chur fo fhiachan mòra airson a' chòir dhe do bheatha. Gu dearbh, a'chiad rud a rinn mi nuair a nochd sinn an seo 's e gun do cheannaich mi insurance slàinte ged a bha mi gun chosnadh an-dràsda 's a-rithist aig an àm sin thar còir 's bliadhna gu leth, rinn mi cinnteach an insurance a bha seo a phàigheadh. Bha eagal mòr orm a bhith as aonais insurance slàinte. Mu dheireadh fhuair mi cosnadh far an robh insurance mar phàirt dhen turasdal agam.

Agus thar na bliadhnaichean, dh'atharraich m' inntinn gu mòr ri thaobh seirbheis slàinte 's insurance slàinte. Nuair a gheibheas cuideigin rudeigin 's chan eil e a' pàigheadh air a shon, bith iad caran coma air mar cho eifeigeach sa tha an seirbhis. Agus na buidhnean ann a tha a' deanamh nan seirbheisean, bith iadsan ceart cho coma leis gun tèid iadsan am pàigheadh co-dhiù. Agus tha na riaghaltasan nan deagh eiseimpleir dhe sin mas ann gu bheil iad a'deanamh seirbheis slàinte. Gheibh iad cìsean 's pàighidh airson seirbheis slàinte. Thèid na h-euslàintich do na dotairean 's tha iad coma dè tha an seirbheis a'cosg, chan e iadsan a tha ga phàigheadh. Tha na dotairean coma cuideachd, thèid iad am pàigheadh co-dhiù. Agus an riaghaltas? Uill, faodaidh iad an còmhnaidh na cìsean a chur an àrd, air neo ma tha sin ro theth, gabhail iasadan a bharrachd air neo na seirbheisan a gheàrradh air ais.

Agus tha seo ceart cho fìor mas e gur insurance a tha a'pàigheadh an àite an riaghaltas. Fad sa chì mise, chan e nach eil gu lèor insurance ann an sàs ann an seirbheis slàinte ach gu bheil iad cus ann. Thàinig seo a-steach orm nuair a cheannaich mi fhìn m'insurance ged nach robh e foilliseach dhomh aig an àm. Cha b'urrainn dhomh insurance a cheannach a phàigheadh airson a h-uile nì, bha e ro chosgail. Aig a'cheann thall, b'fheudar polasaigh a cheannach a chumadh mi à èiginn ionmhais nan thachradh rudeigin.

Agus dhomh-sa, 's e seo cnac na cùise: do chumail à èiginn ionmhais ma thacras rudeigin. Na rudan làitheil, bhiodh e fada na b'fheàrr nam b'e sinne a bhios a phàigheah. Cò a chleachdas insurance airson ola atharrachadh air do chàr neo airson aran a cheannach? Agus dè a bhiodh prìs arain nan robh cuideigin eile a'pàigheadh air a shon?

Tha seòrsa de fhaoin-aisling ann: ma tha slàinte-shoisealta ann, gum pàigh cuideigin eile airson air cùram-slàinte. Ach 's e fhèin-mhealladh a th'ann. Aig a'cheann, s'e sinne a phàigheas aig a'cheann thall.

Tha tòrr adhbharan eile ann gu bheil mi an aghaidh slàinte soisealta. Ach cha chan mi ach seo: mas e an riaghaltas a tha a'pàigheadh airson d'sheirbheis slàinte, tha cus 's còir leisgeulan aca do bheatha fhèin a riaghaladh gu mionaideach. Agus chan e seo a tha mi ag iarraidh idir.

Mathan air an t-sligh a dh'obair

2009-09-13T14:44:00.000-07:00

Madainn Haoine sa chaidh, bha mi air mo bhaighsagail air mo shlighe dhan obair mar as àbhaist, a' dol tro raoin-sgoile a cheangaileas dà rathad nuair a chunnaic mi à oir mo shùla mathan nach robh ach trì neo ceithir troigh bhuam, dìreach ri mo thaobh leis an fhìrinn innse. 'S ann san fheur a bha e, a cheann shìos a' coiseachd a dh'ionnsaigh na sgoile mar a bha mise a' dol air falbh bhon sgoil. Cha robh e mòr 's cha robh e beag. 'S ma nì mi toimheis le mo shùilean, a'deanamh coimeas leis a'mhadadh-àllaidh, chanainn gu robh am mathan cho àrd ri Romeo ach caran na bu reamhaire. Chanainn ma tha gu robh am mathan eadar 150 's 200 puinnd de chuideam. Beagan ro mhòr nan tigeadh cùisean gu ceann ri ceann 's mi gun arm.

Feumaidh mi aideachadh cha mòr nach do stad mo chridhe nam uchd. Ach lean mi orm adhart 's thug mi sùil air ais airson deanamh gu robh sinn a'dealachadh o chèile gu ceart. An uair sin, nuair a choimhead mi air mo shlighe adhart, chunnaic mi càr a bh' air stad ri thaobh an rathaid. Cha bu lèir dhomh an dràibhear gu ceart, ach cuiridh mi geall gu robh e air stad a dh'aona-ghnothaich airson fhaicinn air dè a thachradh nuair a thachrinn-sa ris a'mhathan 's gun teagamh gun do ghabh fealla-dà às.

Agus b'e seo seo deireadh na sgeòil ach a-mhàin seo: smaoinich mi air na sgoilearan a thòisicheadh an sgoil a ruigsinn an ceann trì ceartail na h-uaireach 's mathan faisge air làimh. Nuair a ràinig mi an oifis, chuir mi fòn chun na sgoile ag innse dhaibh gu robh mathan san nàbaidheachd. Gu nèonach, 's gann gun thug iad for sam bith do na dh'innse mi dhaibh. Dh'innse an tè a bha seo nach b'ann san àite a chunnaic mi am mathan a bhios na sgoilearan a'faighinn far nam busaichean. Cha thuige mi dè bha i a' ciallachadh. Chan e mac-samhail mathain a chunnaic mi ach mathan beò a tha làn comasach na leth-cheud slat a th'ann eadar an dà àite a choiseachd ann an dà dhiog mar a thogradh e. Mu dheireadh, cho-dhùin i dhol a-mach airson deanamh cinnteach nan robh e fhathast faisge air làimh mus ruigeadh na sgoilearan.

Smuaintean mu Beatha 's Bàs Kennedy

2009-08-30T20:17:00.000-07:00

Tòrr mòr molaidhean gan cluinntinn às deidh bàs Edward Kennedy.

Uill, tha smuain neo dhà agamsa a tha caran diofraichte bhon a mhòr chuid a chuala mi gu ruige seo, sna meadhonan co-dhiù.

Anns a' chiad dol-a-mach, bha Kennedy fada fada air làimh chlì an tacha ris a'mhòr chuid de luchd-bhotaidh sna Stàitean. Cuiridh mi geall nach fhaigheadh e a thaghadh ach ann an glè bheag de stàitean taobh a-muigh na Massachusetts a riochdaich e thar còir 's ceathrad bliadhna.

A bharrachd air a sin, bha e na fhianais cinnteach gu bheil an cuid riaghailtean airson luchd-polaiteags air a làimh chlì gu tur diofraichte bho na daoine àbhaisteach neo gu dearbh bho luchd-polaiteaga air a làimh dheis. Ann an 1969, bha e ann an sàs bàs boireannaich, Mary Jo Kopechne an eilean Chappaquiddick am Martha's Vinyard. Bha Kennedy a' dràibheadh càr anns a robh Kopechne 's chàill e drochaid a bha seo 's chaidh an càr far na drochaid dhan uisge. Chaidh an càr fodha. Fhuair esan a-mach, cha d'fhuair ise. Cha do rinn aithris e dhan phoileas ach as deidh gun deach chorp a' bhoireannaich a lorg le iasgairean an ath-latha.

Tha tòrr fiosrachadh mun a thachair ri fhaighinn furasda gu leòr 's chan eil mi airson dhol ann nas doimhne na sin, ach an gearan a th'agamsa 's a th'aig mòran, 's e gun rachadh duine sam bith eile dhan phrìosan nan dheanadh iad an dearbh rud. Mar a thuirt mi, tha dhà lagh ann, an darna tè airson Kennedy 's an tè èile airson an chàch.

Cuairt Canada - Tilleadh agus coinneachadh ri Gàidheal ann an Haines

2009-07-16T21:47:00.000-07:00

'S e còir 's seachdainn on a thill sinn a dh'Iuneau ach tha rud neo dhà a bu mhath leam innse fhathast. Rinn an t-slighe eadar Jasper 's Haines, Alaska ann an ceithir làithean. Chaidh sinn a fearann uncle mo mhnà (neo mo bhean mas fheàrr leat), pìos beag gu tuas bho Edmonton. Tha crodh aige ann an sin. Uabhasach fhèin breagha. Tha deagh chuimhne agam air an nuair a rinn ar slighe a dh'Alasga o chionn fichead bliadhna. B'e math ar clann sin a dh'fhaicinn. Bha e uabhasach fhèin tiorm ann an sin. Tha uisge air a bhith gu math gann. Tha tobair-èiridh ann nach do thiormaich riamh roimhe a thiormaich lath mus do ràinig sinn ann. Bith iad a'togail cruithneachd sa sgìre cuideachd agus mar as àbhaist, bith iad a'buan dà thuras, an toiseachd an iuchair 's san t-Sultain. Ach bha an cruithneachd na bu choltaiche ri feusag dheugaire air sàilleamh dìth uisge.

Co-dhiù, lean sinn oirnn a dh' ionnsaigh far a gheibheadh sin aiseag air ais a dh'Iuneau. Rudeigin mar 1300 mìle ann an trì latha 's bha sinn seachd sgìth de bhith dràibheadh aig an deireadh. Ach bha cothrom agam an dealbh seo a thogail. Tha e a'cur am follais farsaigneachd 's mar cho bàn sa na sgìrean seo Canada.

An t-slighe a-steach a Haines, chunnaic sinn seallaidhean dhen garbhlaich chun an iar. Gu iar Haines, tha e uabhasach fhèin garbh. Suas ri 6,000 meatairean tha na beanntain ag èiridh 's seo dealbh dhen chuid dheth.

O chionn bliadhna gu leth, sheinn òran Gàidhlig aig suipear Burns. Mar a bha mi a' fàgail an àite sin, thàinig duine am ionnsaigh. 'S ann à Haines a bh' ann 's bha Gàidhlig aige. Thòisich e ionnsachadh na Gàidhlig o chionn deich bliadhna. Chleachd e gu mòr, dìreach mar a rinn mise, litir do luchd-ionnsachaidh, tha a' leughadh Bìoball Gàidhlig seachd Bìoball Beurla an eaglais 's bha àm ann nuair a bhruidhinn e Gàidhlig ri tè dhe a chloinn. Co-dhiù, choinnich mi ris nuair a bha sinn an Haines. An toiseach, bha an comhradh caran cugalach leis nach aithne duinn chèile gu mòr ach mean air mhean bhruidhin air gràdh ar cànainn. 'S e bard a th'ann 's aithris e pios de bhàrdachd (ann am Beurla) mu Alasga a chòrd rium gu mòr. Bha pìosan de bhàrdachd Gàidhlig air an ipod agam 's dh'èist e riutha.

Chòrd e rium gu mòr coinneachadh ris. Gach fhoghar, 's àbhaist dha tighinn a dh'Iuneau 's tha sinn an dòchas chèilidh Gàidhlig chur air dòigh leis an fheadhainn aig a bheil h-uibhir de Ghàidhlig 's leis ar bràthrean Eireannach a th'againn sa sgìre seo cuideachd. Seo dealbh dheth a leanas:

Fèille Canada ann an Jasper

2009-07-10T09:17:00.000-07:00

Air ar treas latha an Jasper, dh'èirich sinn, mise 's mo bhràthair-chèile co-dhiù, ro èiridh na grèine feuch am faigh sinn deagh dhealbhan dhe na chiad ghathan na grèine air na beanntain chun àrd an iar. Gu mi-fhortanach, bha i sgothach 's cha d'fhuair sinn seallaidhean buileach mar a bha sinn an dùil, breagha ceart gu leòr ach as aonais na gathan grèine air an robh sinn an dùil. Ach fhuair sinn tlachd às a'mhadainn co-dhiù, gu h-àraidh air ar slighe air ais.

Bha sinn air cnoc lom le seallaidhean matha sìos air an t-abhainn Athasbasca agus air rathad beag a bha seo a tha a' dol tarsainn oirre. Agus dè a chunnaic sinn, shìos air an rathad ach buidhinn de bheathaichean a'dol air ais 's air adhart thairis air an rathaid. Cha robh sinn buileach sinnteach de seòrsa de bheathaichean a bh'annta air sàilleamh an astair: fèidh 's dòcha? Bha teagamh agam bhon dòigh a bh' aca ri ruith. Bith na fèidh a' leum fhad sa ruitheas iad. An uairsin, thòisich iad a' cluich ri chèile mar a chìthear coin. Coyotes a bh' annta. Chaidh sìos, feuch am faigh sinn seallach na b'fheàrr dhiubh.

Agus air ar slighe sìos, chunnaic sinn damh mòr ag ionaltradh gu sìtheil aig bruach na h-aibhne. Seallaibh air a' chiad dealbh feuch am faigh sibh a lorg ann, chaidh e a thogail nuair a bha sinn fhathast fad air falbh bhuithe. Fhuair sinn na b'fhaisge, fada na b'fhaisge agus fhuair mi an darna dealbh. Fhuair sinn sealladh eile dhe na coyotes ach cha b' ann an dealbh ach air bhideo, rud nach eile deiseil an dràsda.

Uill, 's e fèille Canada a bh' anns an latha sinn, 's chaidh sin do na tacharstan, a'gabhail a-steach caismeachd. Bha dualschas Albanach gu mòr am fianais, le còmhla pìob ann.

Darna Latha an Jasper

2009-07-04T07:39:00.001-07:00

Bha mi airson aithris a dheanamh beagan na bu thràithe na seo, ach 's iongntach mar a bha ceangal dhan eadar-lìonn air a bhith caran gann sna làithean-sa. An darna dealbh a tha seo, 's ann a chaidh e a thogail aig mullach gondola faisg air Jasper. Bha cianal fhèin fuar 's gaothach 's bha frasan sneachda ann cuideachd. Ach, bha na seallaidhean brèagha, choisich sinn air taobh na beinne far nach robh na gaothan cho làidir.

A'chiad dealbh, 's ann a chaidh a thogail corra dhiog bhon bhothain far an robh sinn a' fuireach. Gu h-iongntach, cha robh e cho cosgail, gu h-àraid nuair a smaoineachas tu gur ann air a roinn eadar sianar a bha na cosgais. Bha seithrichean ann, glè bheag de mheana-chuileag. Chòrd e rium gu mòr meòrachadh air na seallaidhean.

Rud eile, ged nach robh ùine gu leòr againn sin ri dheanamh, tha mòran slighean rothaireachd ann, mìltean mòra a ghabhas triall air bhaighsagail. Sin a bu math leam dheanamh latha dhe na làithean.

Tha sinn uile duilich nach eil tuilleadh ùine againn fuireach ann seo.

Cuairt Canada - Cuairt a Phàirc Nàiseanta Jasper

2009-07-03T21:14:00.000-07:00

As deidh dhuinn corra làithean a chur seachad ann an Calgary, chaidh sinn chun an àrd an iar gu Pàircean Nàiseanta Bannf agus Jasper. Uabhasach fhèin brèagha, tha rathad a ruitheas suas ri ceud gu leth mìle am measg nam beann. Bha na beanntain cho àlainn, bu ghann a b' urrainn mo lèirsinn a chreidsinn. Bha air a chluinntinn mar cho àlainn sa tha na beanntain sin, ach cha robh na chuala mi letheach slighe mar a chunnaic mi iad.

Duine sam bith aig a bheil cothrom dràibheadh nam measg, mholainn-sa gu cinnteach dhaol ann. Tha amharasach agam gu bheil fhios aig cuid air a sin mar tha, oir chuala mi tòrr mòr cànain na Roinn Eòrpa fhad sa bha sinn ann, agus à Aisia cuideachd.

Co-dhiù, 's ann a dhràibh sinn a Jasper agus 's ann an sin a dh'fhuirich sin corra làithean.

Bheir mi aithris air an sgìre mu thimcheall Jasper ma tha cothrom dhomh.

Cuairt-Chàir - Còigeamh Latha - Fàirean Farsaing nam Prairies

2009-06-28T09:10:00.000-07:00

Thòisich sinn an latha ann am baile ris an can iad Whitecourt a suidhichte sa cheann ear-thuath British Columbia air an rathad a dh'ionnsaidh Edmonton bho Alasga. Bha tòrr mòr trafaig nan làraidhean gu tuath air sàilleamh leasachadh nan roinntean-òla dìreach mar a bh' againn an-dè. Corra mìltean gu tuath bho Grand Prairies roinn an rathad gu bhith na rathad roinnte dùbailte: dà shlighe gu deas agus gu tuath. Chuir sinn iongnadh oirnn oir nuair a chaidh sinn gu tuath ann an 1989 air an dearbh rathad, 's e rathad singilte a bh' ann agus sin bho Edmonton fhèin beagan a bha fhathast còrr 's ceud mìle gu deas. Tòrr mòr leasachadh a th' air tachairt bhon lìnn sin.

Thog mi dealbh a riochdaicheas gu leòr an sgìre seo: tuathanas agus ola aig ammanan san aon àite.

Mhothaich mi cuideachd gu bheil dualchas gu leòr nan Gaidheal sna sgìrean seo. Chunnaic mi na h-ainmean-àite mar a leanas: glenevis, MacLeod Trail, Glenmore, Canmore (ceann mòr).

Bith sinn ann an Calgary corra làithean 's chan eil rùn agam dad aithris mun deidhinn ach an uair sin, thèid sinn chun nam beann creagach 's tha dùil agam gum bi gu leòr ri aithris an uair sin.

Cuairt Canada - Ceathrmh Latha - Coilltean gun chrìch

2009-06-25T07:43:00.000-07:00

Mas e cuairt-aiseag a bh' anns a' chiad latha 's cuairt tro duthaich Jack London 's nam Mounties a bh' anns an darna latha 's cuairt tro na beanntain creagach 's tòrr mòr beathaichean a bh'anns an treas latha, 's e cuairt tro coilltean gun crìch a bh' anns an ceathramh latha. Dh'fhàg sinn na beanntain air ar cùlaibh ach shìn na coilltean chun an fàire. Sa mhòr chuid, cha fhaca sinn ach craobhan air gach taobh dhinn 's mu ar coinneamh, ach bho àm gu àm, nuair a bhuannaich sinn uibhir de ìre, fhuair sinn sealladh de cho farsaing sa tha na coilltean ann seo (far an robh sin aig an àm, seo an siathamh latha sa tha mi a' sgrìobhadh sin). B'fheudar dhomh stad 's uisge a dhèanamh sa choille, 's tàinig a-steach orm fhad sa bha mi nam sheasamh ann an sin, gun dh' fhaodainn coiseach mìle mìle gu trì de na ceithir àrdan 's chan fhaicinn ach coilltean mar far an robh mi aig an àm.

Cuairt Canada - Treas Latha

2009-06-23T21:52:00.000-07:00

Rinn 450 mìle an-dhiugh agus bha an duthaich uabhasach fhèin brèagha. Chaidh sinn thairis air àrd-dhruim nam beann creagach. Chunnaic sinn sneachdan ùra air na h-àrd-mhullaichean a bha cho lom. Chunnaic sinn tòrr mòr beathaichean. Bison, Bison na Coille leis an fhìrinn innse, roinn caran ainneamh a' ghnè Bison as àbhaist a bhi fuireachd sna coilltean seach air na prairies mar a nì roinn nam bisons a bha nas bitheanta.

Chunnaic mathain, ceithir dhiubh, sionnach a' ruith le pròis 's coinneamh na bheul (bha an coinneamh marbh mar a shaoileadh tu). Dè eile a chunnaic sinn, coyote agus fiadh.

Aon rud a ghlac m' aire, 's e cho trang sa tha na sgìrean timcheall air a' bhaile Fort Nelson. Bha tòrr mòr làraidhean an sreath a chèile a' dol gu tuath a dh' ionnsaidh. Biastan mòra de làraidhean le tangairean mòra air an slaodadh as an deidh. Tha tòrr mòr ola agus gas sa sgìre sin. Chunnaic seallaidhean mar sin an ath-latha.

Mu dheireadh, dh' fhuirich sinn ann am bothan fiodha ri thaobh abhainn air a bheil Sustinni mas matha mo chuimhne. Ri thaobh an rathaid mhòir aig bonn slèibh fhada, chuala sinn na làraichean mòra a' dol seachad. Bha lùib mharbhteach aig bonn na slèibhe cuideachhd 's dh' fhaighnich dhen duine far an robh sinn nan robh tubaistean sam bith aig lùib an rathaid sin. Agus gu dearbh bha, dhà thubaist a chaidh innse domh. Cha deach duine a mharbhadh ach chaidh tòrr mòr plywood 's pìoban a sgapadh air feadh an àite nuair a chaill làraidh mhòr an drochaid.

Co-dhiu, b' e seo an treas latha againn.

Deasachadh a bharrachd. Tha mo chuimhne a tighinn air ais thugam. Chunnaic sinn dhà mhoose agus cuideachd caora-bheinne.

A' chiad fhianais a fhuair sinn gu robh bison mòra gu bhith san rathad 's e cnapan mòra de chac ri taobh an rathaid. Nuair a chunnaic mi iad sin, thuirt mi rium fhèin, chan eil mi airson tubaist fhaighinn leis a' bheathach a rinn am biast de chaca tha seo 's chuir mi mo shùilean shealgaireachd orm. Bha fios agam nach fhaicinn i na seasamh gu h-àrd 's a taobh thugam ann am meadhan rathad mòr an rìgh mar a chìthear air na seann sgillinn ameireaganach ach gun grad-leumadh i gun fhiosda bho à sealladh mu coinneamh a' chàir againn. Mar sinn bha sùilean geura orm a' sìor-rannsachadh gu minideach iomall an rathaid. Agus gu dearbh, 's ann mar sin a chunnaic mi a' chiad buidhinn dhiubh: mar dhath neònach an aghaidh gormachd iomall an rathaid. Rudeigin donn, fada ro mhòr airson a bhith na chnap cac.

Cuairt Canada - Darna Latha

2009-06-23T21:36:00.000-07:00

Chaidh sinn gu tuath bho Skagway, leanntain gleann caol garbh 's creagach. Bha an rathad iarrain a'leanntain air taobh eile a' ghlinne. Chaidh sinn thairis air mullach nam beann 's bha sinn ann an Canada. As deidh 100 mìle, fhuair sinn an rathad mòr Alasga chun an ear-dheas. 'S e glè bheag de dhaoine a chunnaic sinn air an t-slighe agus bha an rathad glè mhath 's bha e furasta dhuinn astar mòr a chur as ar deidh. Mu dheireadh stad airson na h-uidhche ann am baile beag air a bheil Lake Watson 's sinn air 330 mìle a chur as ar deidh.

San taigh-osda sa dh' fhuirich sinn, chunnaic mi dealbh a chòrd rium gu mòr:

'S esan an gaisgeach! Tha an dealbh a' comharrachadh 100 bliadhna nan Royal Canadian Mounted Police san Roinn Yukon.

Cuairt Chanada - Chiad Latha

2009-06-23T20:54:00.000-07:00

Tha sinn air cuairt-càir tro sgìrean uaigneach sa cheann an iar-thuath Canada. 'S e seo ar ceithreamh latha a-mach 's tha sinn a-nis a' dlùthachadh a Edmonton ag amas a Chalgary.

Nì mi turasgeul de na rinn sinn gu ruige seo a' tòiseachadh leis a' chiad latha, an latha a dh' fhàg sinn Juneau.

Dh'fhàg Juneau latha na Sabaid 's cha do chuir sin ach còig mìle air a' chàr againn on gur ann air aiseag a bha sinn a' siubhal. Chòrd an cuairt aiseag rium gu mòr. Chaidh sinn suas meur na mara a dh' fhàs na bu chaoile 's na bu chaoile 's bha beanntain cho garbh air gach taobh dhinn.

Mu dheireadh aig naoi uairean feasgar, ràinig sinn Skagway. Aig an uair sinn, cha robh fiù 's cat a bha gluasad air na sràidean. Tha blas mòr eachdraidheil air a' bhaile ge-ta, le tòrr mòr toglaichean o àm Gold Rush ann.

Aon rud a bu mhath leam dheanamh, 's e an trèana a ghabhail, 's e trèana seann nòs a th' ann le einnsin ceò a dh' fhaodas tu ghabhail a Whitehorse. Saoilidh mi gum biodh an turas trèana gu math tlachdmhòr.

Astar a rinn mi air mo Bhaidhsagal

2009-05-13T21:59:00.000-07:00

Tha mi air a bhith triall a dh'obair air bhaidhsagal cha mhòr fad mo bheatha mar inbheach. Sna làithean-sa, Nì mi trì mìle deug neo aon km air fhichead gach latha. Ach bha mi riamh a' faighneach: cò mheud mìle a nì gach bliadhna? Cha robh mi cinnteach leis gu bheil làithean-saora ann 's làithean sneachda 's eile a bhacas mi bho mo bhaidhsagal.

Mar sin, an uiridh, an toiseach a' chèitein, thòisich mi cunntas a chumail dhe na rinn mi. Tha mìosachan agam air bhalla m'oifis 's 's ann airsan a chum mi cunntas làitheil dhe na rinn mi air mo bhaidhsagal.

Agus aig deireadh a' Ghiblein, bha fios agam air dè a rinn mi: 2059 mìle neo còrr 's 3300 km. Smaoinich, tha e suas ri 3,000 mìle eadar San Francisco 's New York.

Shaoileadh tu, 's dòcha, gun do shàbhail mi tòrr mòr airgead. Chan eil mi cho cinnteach. A-rèir mo chunntais, 's e 100 gallonan nach do loisg mi thar an dà mhìos dheug a chaidh seachd, rud a tha co-ionnan ri $300. Airgead gu leòr 's dòcha seach gun do choisg mi suas ri $200 air mo bhaidhsagal: slabhraidh ùr 's gèaraichean ùra, roth ùr. Spàirn mhòr airson buannachd bheaga. 'S dòcha. An cosgais as motha, chan e petrol ach an carbad fhèin, agus aig Dia tha fhios gu bheil carbadan cosgail agus 'se sabhaileadh gu leòr gun a bhith ceannach carbad aig nach eil feum dhut.

'S ann gu h-àraidh airson mo shlàinte fhìn a thriallas mi a dh' obair air bhaidhsagal. Feumaidh dhol a dh'obair co-dhiù agus saoilidh mi, fiù 's ma shuidheas mi air mo thòin gun do rinn mi eacarsaidh gu leòr dìreach le bhith dol a dh'obair.

Òraid bho Àrd-bhreitheamh Alito

2009-05-08T21:50:00.000-07:00

Tha caraid dhomh a tha na fhear-lagha agus an t-seachdainn-sa bha sreath de choinneamhan na h-Alasga Bar Association ann an Juneau a bhair cuid mhòr dhen t-seachdainn. Agus oidhche ardaoine, fhuair mi fhìn 's mo bhean cuireadh dhol dhan t-suipear a bh' ann far a chuala sinn òraid bho àrd-bhreitheamh Alito.

'S iontach ann an dòigh, airon duine a tha cho cumhachdach, 's beag am for a th' aig a' mhòr-shluagh air. Ach mar bhall an àrd-chuairt nan S.A., tha buaidh mhòr aige air cha mhòr gach duine a tha beò sna S.A. Aig amannan, tha deasbad ann, cò as cumhachdaiche: an t-àrd-cuairt neo an ceann-suidhe fhèin.

Co-dhiù, bha cothrom againn èisteachd ris. Bha tearainteachd gu leòr ann, coin a'gabhail fàileadh dhe a h-uile càil 's daoine treine le sùilean geura oirnn. Ach an fhìrinn innse, cha robh an tearainteach cha làidir sa shaoilinn.

San òraid aige, 's ann a bha e a-mach air mar cho cudthromach sa tha riadhaladh a-rèir an lagha, seach a-rèir sa tha breitheamhan fa-leth ag iarraidh. Dhomh-sa 's e rud a tha gu matha cudromach.

Ruigidh each mall a' mhuilean ach...

2009-04-29T13:23:00.000-07:00

...an ruig carbad mall am port adhar? B' e seo a' cheist a bha fA near dhuinn mar a dh' fheuch sinn ar slighe a dheanamh bho Choffman Cove an ceann a tuath Eilean Prince of Wales a Chraig far an robh sinn an dùil itealan a ghlacadh air ais a Ketchikan. Bha sinn a' dràibheadh carbad a fhuair sinn air mall agus 's e fìor carbad mall a bh' ann dhuinn.

Ach toiseach thòiseachaidh. Thoisich sinn an latha ann an Juneau 's bh' againn ri latha fada ri dheanamh: dhol à Ketchikan san itealan-steallaidh 's an uairsin itealan mara a Chraig air an Eilean Prince of Wales far an d'fhuair sinn carbad air mall. An uair sin, leth cheud sa chòig mìle gu tuath dhan bhaile bheag air a bheil Coffman Cove. Bha trì uairean againn mus dh'fheumadh sinn tilleadh air ais a Chraig airson an itealain mu dheireadh air ais a Ketchikan. 'S e cuairt aon latha a bh' ann. Bha sinn a' tilleadh a Juneau an dearbh latha.

Agus an carbad a fhuair sinn, 's e seann Ford Escort bàn a bh' ann. Bha an solas-dash "check engine' air bho thoiseach 's bha droch fhuaim as. Cha tug mi for dha sin 's rinn sinn an cuairt gu tuath ceart gu leòr. Dh' obraich sinn gu cruaidh air sàilleamh na h-ùine ghoirid a bh' againn. Beagan as deidh trì uairean dh' fhàg Coffam Cove gu Craig. Bha an carbad cho lag 's ghnog an t-einsean gu dubh nuair a phutainn idir air an accelorator. Mu còig mìle dheug a-mach à Coffman Cove, shlaodaich mi sìos airson fèidh a bh'air an rathad 's chasadaich an t-einsean 's stad e. Bha ceò as. Dh'fheuch mi an t-einsean ach 's gann gun do thionndaidh e idir.

Nise, 's e àite fìor iomallach a far an robh sinn. Tha eilean POW ceithir h-uibhir nas motha na tha an t-eilean Sgitheanach ach chan eil ach 6000 neach a tha a' fuireach ann. Bha an aimsir grianach brèagha ge-ta 's dh'fhan sinn ann an sin car ùine gus an do shocraich an ceò. Dh'fheuch mi an t-einsean a-rithist 's chaidh e a'dol. Aig an ceart àm, nochd carbad air fàire a'deanamh gu tuath. 'S e làraidh mheargach a bh' ann. Stad i. 'S e bodach a bh'ann le feusag fhada shalach air. Dh'fhosgail e a bheul ri bhruidhinn rinn, 's mo mhionnan, bha tuilleadh fiacail a dhìth na bh' aige. Cha chreid nach chuala mi banjos a' cluich à badeigin neo correigin an uairsin. An fhìrinn, 's e duine còir a bh' ann 's cha robh nàire sam bith ann a bhith a' diùltadh an cobhair a thabhainn e dhuinn leis gur ann gu tuatha a bha esan 's gu deas a bha sinne.

Thòisich sinn a-rithist. Nuair a chunnaic sinn lòn, stad sinn 's chuir sinn uisge a bharrachd sa radiator 's thòisich sinn as ùr, dòchasach ach mi-chinnteach. Bha an t-einsean cho lag, 's ann air fìor èiginn a fhuair sinn thairis air na slèibhtean a bu shocraiche a chunnaic mi riamh. An ceann mìle, stad e a-rithist. Fhuair mi air dòigh e a-rithist ach cha d' fhuair sinn fada idir, mìle aig car a bu mhotha 's chaochail an t-einsean. Cha robh guth as an turas seo.

Bha sinn fhathast 40 mìle bho Chraig, dh'fhan sinn ann an sin, chan eil fhios, fichead mionaid, leth uair s' dòcha 's cha do nochd duine idir ann. Dè cho fad mus nochdadh cuideigin? Bha an t-itealan gus falbh aig 5:15 's aig 4:15 cha robh dòchas sam bith air fhàgail dhomh. Dh'fheumadh sinn taigh-osda a lorg ann an Craig. Cha robh cus eagail gun dheanadh sinn an oidhche ri thaobh an rathaid, oir bha fios agam co-dhiù gun rachadh cuideigin eile a Chraig bho Coffman Cove beagan nas fhaide.

Co-dhiù, seachad air 4:15, nochd làraidh le ceithrir ann 's dh'aithnich mi dhaibh nan robh iad a' dol a Chraig. Thuirt iad gu robh. Leis gu robh i cho làn, b' fheudar dhuinn dhol air cùl na làraidh cuide ris na tires 's bumper mòr meargach. Taing do shealbh gu robh e cho brèagha 's cha robh sinn fuar 's thug an duine sinn dhan itealan 's ràinig sinn an t-itealan mu còig mionaidean ro an uair a b' fheudar 's fhuair sinn air ais gun duighleadas sam bith eile.

Nuair a bha sinn nar seasamh ri thaobh an rathaid, shaoil mi gum bu chòir dhomh na pàipearan co-cheangailte ri mall a' charbaid a leughadh, gus nach dean mi mearachd neo correigin. Cha robh mòran inntinneach ann, ach ghlac aon seantans m' aire:

"...this is only to be used for rental purposes and IS IN GOOD CONDITION.

Cha can mi an còrr.

Còmhla-Ciùil Québecois ann an Juneau

2009-04-18T17:53:00.000-07:00

'S e latha fada a bh' ann dhomh Diciadain. Bha sinn ann an Ketchikan airson an latha agus bha mi air a bhith air chois bho mhoch sa mhadainn agus bha mi seachd sgìth nuair a ràinig sinn am port adhar aig deireadh an latha a thilleadh dhachaidh. Bha an t-itealan caran fadalachd 's nuair a chaidh mi air bòrd cha robh dad a bha fa-near dhomh ach mo suidhe a lorg 's mo shùilean a dhùnadh. Ach fhad sa bha mi a' dlùthachadh air an t-suidhe agam chaidh m' aire a ghlacadh le rudeigin gu tur eadar-dhealaichte: cainnt à m' òige air a bruidhinn le triùir: dual-chainnt Fraingis à Québec a chuala mi.

B' e seo mo chainnt làitheal iomadach bliadhna nuair a dh' fhuirich mi ann an Quebec. Ach ghluais sinn a dh' Alasga ann an 1989 ach 's e glè glè ainneamh a chluinneas mi i bhon uairsin. Agus 's ann gu mòr air diochuimhe a bha seo nuair a chuala mi an triùir seo a' bruidhinn san dearbh dual-chainnt a bh' agam-sa, feumaidh mi aideachadh gun tàinig tuinn cianalais thairis orm.

An rud a bh' ann, 's e comhla-chiùil a thàinig a Juneau airson Fèis Bliadhnail Alasga (Alaska Folk Festival). Bha fios agam mar tha gu robh iad a' tighinn ach chaidh e buileach à m' inntinn gus a chuala mi iad. Chaidh mi fhìn 's mo nighean as sìne èisteachd riutha oidhche ardaoine agus chòrd e rinn gu mòr. Thàinig iad cuideachd dhan sgoil m' ighne. Òran as fheàrr leam, 's e C'est ben dommage a tha a-mach air duine leisg a tha a' leigeil a theaghlach a chuid obrach gu lèir a dheanamh timcheall an taighe. An t-seist an òrain 's e "Ils font de belle ouvrage." Gu math èibhinn.

Ma tha uidh agad sùil a thoirt orra, seo an ceangal dhan làrach-lìnn aca far an cluinnear dhe na h-òrain aca:

http://www.detempsantan.qc.ca/

Chuck

Naidheachdan as ùire mun a' Mhadadh-Allaidh

2009-03-30T15:48:00.000-07:00

A-rèir coltais, tha Romeo a' gabhail ri buidheann de mhadaidhean-allaidh a th' air gluasad a-steach dhan sgìre seo. Fear as aithne dhomh, thuirt e gun fhaca e e a' gabhail ri madadh-allaidh boireann gorm. Thuirt e cuideachd gun do thachair e ri tòrr mòr làraichean madadh-allaidh. Bithear a' cluinntinn feadhainn aca a' seinn cuideachd ged nach chuala mise ach Romeo fhèin. Comhlaire an latha 's e sùil as ghèire a chumail air a' chù agad. Chan eil a' bhuidheann ùr seo buailteach a bhith cho fialaich sa tha Romeo air a bhith.

An-diugh bha mi a-mach air cuairt sgith, bha an sneachd caran bog feumaidh mi ràdh, 's chunnaic mi Romeo 's e a' cur dragh air buidhean de luchd-coiseachd. Rachadh e nam measg a' feuchainn ri cluich ris na coin. Bha duine ann ris an can mise "The wolf wisperer." Tha e an comhnaidh a-mach leis a' mhadadh-allaidh fiù as t-samhradh nuair a bhios am madadh-allaidh sa mhòr chuid à sealladh. Co-dhiù, nochd e as a' choille airson còir a thoirt dhaibh 's a chumail air falbh bhuamhpa:

Aig amannan, bhiodh am madadh-allaidh coiseachd ri thaobh mar gur e cù a bh' ann.

An e eucearraich a th' annam neo an do dh' fhulaing mi Geur-leanmhain an Rialtais?

Chaidh mi pheinneasachadh o chionn corra seachdainnean air sgàth gun do leig mi an cù agam ma sgaoil 's am madadh-allaidh faisg air làimh. Bha mi air cuairt sgith 's tha am madadh-allaidh a' leanntain gu dlùth buidheann eile. Bha coin aca. Stad mi 's thog mi corra dealbhan 's bhideo de na bha tachairt. Mus do thuig mi dè bha tachairt, dhlùthaich a' bhuidheann ro fhaisg orm 's thòisich an cù agamsa a chluich leis na coin acasan 's thòisich am madadh-allaidh a chluich leotha, buidhean de còig coin a' cluich gu garbh air an deidh. Mus d' fhuair an cù agam air ais, bha seòrsa de phoileasman bho Choille Nàiseanta air nochdadh 's a' sgrìobhadh tiocaidean dhuinn. $50.

An toiseach, cha robh beachd taobh seachd taobh agam mun a' chùis ach gabh cuid de na co-obraichean agam feirg nuair a dh' innse mi dhaibh 's mar chnuasaich mi air, dh' fhàs mi mi-chinnteach mu dheidhinn. Dà latha as deidh sin, bha mi a-mach air an deidh, air an loch, 's chunnaic mi an dearbh poileasman a-rithist, na sheasamh aig bruaich an locha 's prosbaig aige gu a shùilean a' coimhead air a h-uile nì a bha tachairt air an loch. Ghabh mi feirg an nuair sin. Smaoinich, a dhuine, tha bhod agad nad làimh a' deanamh uisge 's faodaidh tu bhith fo phrosbaig amadain an riaghaltais!

Bho sin a-mach 's Mo Naiseach Beag (my little nazi) a bh' agam ris.

Co-dhiù, corra làithean as deidh sin, chaidh mi a-mach air cuairt sgith a-rithist. 'S e latha breagha a bh' ann. Grianach ach le ceò ìosal ann an siud 's an seo. Chaidh mi a-steach dhan phìos de sgoth cheathaich a bh' air a soilleachadh leis a' grèin agus cò as nochd as a' cheathaich mar thaibhs ann an seann sgeul Jack London ach mo Naiseach Beag 's gunna aige crochte air a chrios. Dè a rinn mi ach dealbh a thogail dheth:

Am measg na h-Ùpraid: rudeigin nas miosa

2009-03-20T12:58:00.000-07:00

Tha ùpraid gu leòr air a bhith ann mu na bonuses a fhuair cuid dhe na ceannardan do AIG an t-seachdainn-sa, ùpraid 's aimhreit 's bheireas dom aire linn Ar-a-mach nam Fraingeach nuair a dh' èigheadh na gràisgean mòra na cinn a gheàrradh de naimhdean a' mhòir shluaigh 's mar a lean an ar-a-mach adhart, dh' fhaodadh duine sam thuiteam fo amharas 's a cheann a chall.

Bha mi fhìn caran amharasach. Dè tha tachairt an dà-riribh? 'S e cleas mealltach a th' ann, tha mi cinnteach. Tha rudeigin eile a' tachairt neo tha iad a' cur ar n-aire bho chiont eile. Sin a shaoil mi. Uill, cuin a bha seo, dimart 's dòcha, chuala sinn gur e Chris Dodd, seanadair deamocratach à Conneticut a chuir earran sa Stimulus Bill a chum tèarnte na bonuses. 'S le eigh àrd, thionndaidh na gràisgean thuigesan. Uill, thòisich e ri innse le cabhag na ghuth (dìreach mar a dheanadh an fheadhainn a bha fo chasaid a'mhòir shluaigh san Fhraing ri linn 1793) cò as a thàinig an earran a tha seo. Agus a-reir coltas, 's ann às an Roinn Ionmhais (the Treasury Department) a thàinig an earran seo bho thùs.

Agus lean an ùpraid oirre. Sgeul inntinneach gun teagamh. Ach dhomh-sa chan e seo an sgeul as motha neo as miosa na seachdain-sa. Tha Obama a' moladh buidead a chosgadh suas gu 3 trillion gu leth dolaran le suas 1.2 trillion a' dol air iasad. 'S dh' fhaighnich mise, seo corra seachdainnean air ais, dè mura rèicear fiachan gu leòr? Feumaidh cuideigin neo correigin na bonds a tha seo a cheannach. Dè mura bheil na margaidhean deònach iasadan-airgid a thoirt dhuinn? Tha fhios gur iad na Sionnaich a mhaoinich sinn sa mhòr chuid thar na bliadhnaichean mu dheireadh agus tha iad a-nis air a bhith gearan sna làithean mu dheireadh gur dòcha nach fhiach leotha sin a dheanamh tuilleadh.

Uill, dh' innse am Federal Reserve an t-seachdainn-sa gu bheil iad gus aon trillion dolaran de bhonds a cheannach! 'S beag aire a fhuair sin sna naidheachdan. Tha sin a' ciallachadh mura a bheil na Sionaich, neo na margaidhean san fharsaighneach, deònach iasadan a thoirt dhuinn, gun chlo-bualaich sinn sna tha dhìth! 'S e amaideas thar thomhais a tha seo! Agus airson an dealbh uabhasach seo a choilionadh, chaidh innse an-diùgh fhèin, air reir figearan ro-mheasta, gun èiridh an easbhaidh suas ri 1.8 trillion dolaran. Tha sinn a' ciallachadh gu bheil sinn a' cosg dà uimhir sna tha tìghinn a-steach 's gu bheil againn ris an leth chuid na chosgar fhaighinn air iasad 's gu bheil sinn a' clo-bualadh a' chuid as motha dhen iasadan a tha sin.

Tha na faclan a dhìth. Tha na h-easlaintich a' ruith an taigh-cuthaich!

Gam chumail blàth air mo bhaighsaigeil 's i mu -22C

2009-03-09T22:23:00.000-07:00

Bha i -22C nuair a dh' fhàg mi an taigh an-diugh. 'S e cuairt mhath a bh' agam, 's bha mi blàth gu leòr. Tha cuimhne mhath dhomh aig toiseach a' gheamhraidh, bha mi uabhasach fhèin fuar 's cha robh i ach -13C.

Fad mo bheatha mar inbheach cha mhòr, tha mi air a bhith a`dol a dh' obair air bhaighsaideil, geamhradh neo samhradh, "...uisg' neo gaoth neo fiadh mar a chanas iad." 'S e cuairt sia mìle gu leth a th' ann agus 's e sneachd an aon duighleadas a chuireas cus bacadh orm. Tha carbad againn ceart gu leòr, ach 's ann aig mo bhean a tha e mar as trice. Bith mo bhean a' toirt ar nighean dhan sgoil 's a-nise, leis gu bheil cosnadh ùr aice, chan eil teans sam bith agam gum faigh mi an carbad, ge be an aimsir. Nuair bhios i ro gharbh, ma tha cus sneachd ann mar eiseimpleir, 's ann air bus thèid mi.

Aon doighleadas as miosa 's e mo chasan. Airson greis, bha riaghailt agam: nuair tha i nas fhuaire na -15C, 's e bus as fheudar. Ach an t-seachdain sa chaidh, bha i bha -16C 's dh' fheuch mi a-rithist air bhaighsaigeal 's a-rithist, bha mo chasan uabhasach fhèin fuar.

Sa mhadainn an-diugh, bha i -22C 's shaoil mi gum bu chòir dhomh dhol air a' bhus ach dh' fheuch mi a-rithist agus gu h-iongntach, bha mi blàth gu leòr, cha robh duighleadas sam bith agam. Dè a rinn mi gu eadar-dhealaichte? Uill, sa chiad dol a-mach, dh' òl mi uisge mus do dh' fhàg mi an taigh. Thèid an fhùil tro do chuislean nas fhasa ma tha uisge gu leòr annad. Rud eile, 's e gun do dh' fhàg mi mo bhrògan mu choinneamh na stòbha fad na h-oidhche 's tha iad blàth tioram nuair a chuir mi orm iad, seo cuide ri stocainnean tiugh tiorm de chloimhe. Cha robh mi cho faiceallach an turas mu dheireadh 's mas math mo chuimhne bha mo brògan caran taiseach an t-seachdain-sa chaidh nuair a bha -16C. Chan eile dad nas miosa na taiseachd nuair a tha fuar.

Geamhradh tlachdmhor 's greamhradail

2009-03-08T18:49:00.000-07:00

Uill, 's e geamhradh gu math tlachmhor a th' air a bhith againn, gu thàiridh thar na trì seachdeannan mu dheireadh. Làithean mòra an streath a chèile a bha grianach fuar, apaidh airson sgitheadh. Leis gu bheil cù again a tha làn spionaidh mura toir thu a-mach i, thèid mi a-mach air cuairt sgithidh cha mhòr a h-uile latha.

An latha, theid suas gu eadar -5 's +1 C, air an oidhche, sìos gu eadar -10C 's -21C. Bha i -21C an-diugh. 'S ann air baighsaigeal a thèid mi a dh' obair ma tha na rathaidean glan gu leòr dhen t-sneachd. Diardaoine, bha i -16C agus 's e cuairt fhuar a fhuair mi, co-dhiù, bha mo chasan fuar ged a bha mo cheann fallasach. Sin an rud mun an fhuachd. Faodaidh tu a bhith blàth gu leòr san fhairseagneachd ach gu bheil ball neo dhà dhe do chorp gu tùr reòidhte.

'S inntinneach, gu ruige seachdainn ron an Nollaig, 's gann gun d' fhuair sinn aon bhloigh sneachda, mu sia oirlich leis an fhìrinn innse. An uair sin, thòisich an sneachd agus cha mhòr nach do stad e idir gu ruige a' chiad seachdainn a' Ghearainn. Latha as deidh latha, tuilleadh sneachd a bh' agam ri sgioblachadh far an raoin-pàirce againn, dà òirlich, sia òirlich, dà òirlich dheug aig amannan. A' chiad seachdainn a' Ghearain, bha còir 's ceathrad sa ceud òirlich sneachda air tuiteam, seo fichead òirlich air thòiseach air far an robh sinn bho chionn dà bliadhna nuair a thuit tuilleadh sneachd na bliadhna sam bith eile on a nochd daoine geala sa sgìre seo. Agus thuit an uidhir seo taobh a-staigh sia seachdainnean!

Ri thaobh blàthachadh na cruinne, chan eil teagamh sam bith gu bheil e ann. Leis na h-eighr-shruthan a tha mu thimceall oirnn, tha e gu math foilliseach gu bheil e a' tachairt. Rinn mi bhideao airson a' cho-fharpais Filmg air a' chuspair seo. Ach tha mi caran amharasach gur e mic an duine as coireach. 'S tha adhbhar sìmplidh airson sin: 's e gu bheil am blàthachadh air a bhith ann fad dà cheud gu leth bliadhna co-dhiù. O chionn còrr is da cheud bliadhna bha an t-àite far a bheil mi an-dràsda còmhdaichte le deigh. Tha dùil agam bhideo a dheanamh air a' chuspair-sa uair neo uaireigin. Agus mura bheil mic-an-duine as coireach airson blàthachadh na cruinne, faodaidh an aimsir atharrachadh uair sam bith. Ach airson an-dràsda, 's e an sgeul ris an canar Blàthachadh na Cruinne a thathar a innse anns na naidheachdan. Anns na naidheachdan, 's e prìobhachas a gheibhear tachartas sam bith a bheireas taic dhan sgeul-sa. Agus 's gann gun chluinn thu guth air tachartas nach toir taic dha, air neo 's e fiùs breug a chluinneas tu. Mar eiseimpleir, an uiridh, chaidh innse dhan t-saoghal mhòr gu robh geamhradh na bu bhlàithe nan àbhaist ann an Alasga. Cha robh e fìor. Bha fhios 's cinnt aig a h-uile duine ann an Alasga gur e geamhradh na b'fhuaire nan àbhaist a bh' againn. 'S e trì bliadhnaichean an sreath a chèile a th' air a bhith againn nas fhuaire nan àbhaist agus chuala sinn aithris ionadail an uiridh gu robh na raoin-deigh air cùl Juneau a' fàs a-nis. 'S beag an t-iongadh dhaibh-san a tha a' fuireachd ann an Juneau. Ged a tha cas nan eighr-shruthan fhathast a' leaghadh air ais gu h-ìosal, faodaidh sinn faicinn gu h-àrd gu bheil an deigh a' fàs.

Co-dhiù, ged a tha e fuar gu leòr an-diugh, faodaidh an geamhradh briseadh uair sam bith 's gum bi làithean blàtha an earraich againn.

Nas Miosa na Shaoil mi

2009-03-02T22:07:00.000-08:00

Uill, cha do bhòd mi airson Obama, 's dòcha ma tha nach eil e na cus ioghnadh nach eil e a' còrdadh rium gu mòr. Ach 's ann thar creideis an naidheachd a chuala mi an-diugh.

Tha mi ag obair airson an riaghaltais Alasga 's tha mi air a bhith leantainn na h-uidhear de dh' airgead sa tha Alasga gu bhith faighinn as an stimulus bill. $400 millian a reir coltais, 's dòcha an siathamh cuid na bu chòir a-reir aireamh-shluaigh Alasga. Uill, an-diugh chuala mi gu bheil Hiliary Clinton a' tabhainn 900 millean dolar airson na roinn Gaza, còrr 's dà uidhear sa tha Alasga a' faighinn ged nach eile Gaza na phàirt nan Stàitean Aonaichte. Bha sinn a' cabadaich mu dheidhinn san oifis 's mhol cuideigin gum bu chòir dhuinn rogaidean a cheannach. Tha baile beag air taobh thall nan crìochan ann an Canada ris an can iad Atlin. 'S mathaid nan thilleadh sinn rogaidean orra gum faigheadh sinn taic bho ar riaghaltas againn fhèin.

Amaideas! A bheil teagamh aig duine sam bith, as deidh dhuinn $ 900 millean a cheitheamh orra ann an sin, gum bi iad fhathast ag eigheachd aig àrd an claigean airson ar fala.

An Cù agam 's am madadh-allaidh

2009-02-18T07:01:00.000-08:00

Latha na Sabaid, chaidh mi a-mach air cuairt-ski air an loch 's an cù agam cuide rium. Latha breagha a bh' ann, ged a bha i sgothach cha robh i ro fhuar, -3C 's dòcha.

Co-dhiù, bha cuideigin air faighneachd dhomh an latha sin fhèin nan robh mi air mòran fhaicinn dhen mhadadh-allaidh. B' fheudar dhomh aideachadh nach robh. Fhuair mi grad-shealladh dheth uair san t-samhain agus a-rithist ron an Nollaig chunnaic mi e na laighe pios beag air falbh ron an Nollaig (nochd an bhideo a rinn mi an uair sin air youtube). 'S thuirt mi rium fhìn: 's mathaid gu bheil e caran diùid am bliadhna, 's dòcha gu bheil iad a' cur eagal air le bhith losgadh peilearan neo-mhairteach airson a chumail air falbh bho mic-an-duine.

Co-dhiù, chaidh sinn gu aghaidh dhen eighr-shruth 's chuir car ùine ann an sin, a' cnuasachadh oirre 's an uair sin, thill air chun an taighe.

Uill, air an t-slighe, deagh phios as, nochd am madadh-allaidh as a' choille. Stad sin. Ged a bha e fad' air falbh. Chunnaic an cù agamsa e. Chan eil dad as fheàrr le Nellie na bhith cluich le coin eile 's tha sùil gheur aice ann a bhith faicinn coin eile. Dh'fhàs cruth caol 's thòisich e a dhlùthachadh oirnn. Dà cheud slat air falbh. Ceud. Leth cheud. Rinn an Nellie ceum neo dha thuige. Eigh oirre 's stad i. Laigh i chun an làr. Sin a nì nuaur a tha ùidh mhòr ann a bhith cluich. Chùm am madadh-allaidh air thugainn gus mu dheireadh bha e mu choinneamh a' choin agam-sa. Sheas Nellie 's thòisich iad fàileadh a ghabhail air a chèile. 'S ann an uair sin a thog mi an dealbh a tha sibh a' faicinn an seo.

'S toigh leam a shùilean.

Chluich iad gu socair ri chèile rud beag gus mu dheireadh ghairm mi thugam an cù agamsa. Dh' fhalbh am madadh-allaidh na throt 's thill an cù agam thugam.

Tha e doirbh a ràdh air gu dè am beachd a bh' aig an cù agam-sa. Bha ùidh mhòr aice air ceart gu leòr ach bha rud neo dhà a bha caran eadar-dhealaichte mun a' chùis. Fhois agad, 's e German Shepherd a th' ann an cù agamsa. Caran beag an taca ris a' mhòr chuid de German Shepherd ach uabhasach fhèin làidir mòr gu leòr an taca ris a' mhòr chuid de choin. 'S tha i làn spionaidh. Cha bhi i a' cluich ach a' dean-cluich 's tha i garbh aig amannan 's bith sin a' cur dragh air na coin eile aig amannan. Ach leis a' madhadh-allaidh, chanainn-sa gu robh Nellie mothachail gu robh am madadh-allaid fada na bu mhotha 's na bu làidire an taca rithe-se oir ghabh Nellie gu mòr air a socair. 'S mar as àbhaist, tha e gu math doirbh Nellie a ghairm à bhith cluich 's gann gu bheil i a' toirt for sam bith dhomh aig amannan. Ach an turas seo, thàinig i thugam cha mhòr sa bhad.

Latha Eachdraidheil

2009-01-19T14:20:00.000-08:00

Tha latha eachdraidheil bu bhith ann nuair a thèid Obama a mhionnachadh a-steach mar Cheann-suidhe nan Stàitean Aonaichte.

An toiseach tha mi airson sùil a thoirt air Bush. Tha fhios gu bheil e caran fàiseanta a chàineadh o a h-uile taobh ach cha toil leam a bhith ro fhàiseanta.

Chan urrainn breitheanas ceart a thoirt air Bush gun a bhith smaoineachadh air 9/11 's a' bhuaidh a bh'ann dha. Cha bhith fios againn a-chaoidh dè sheòsa cheann-suidhe a bhiodh ann am Bush mura do thachairt an ionnsaigh uabhasach a bha seo. Bhàsaich an Seòras Bush a bhuannaich an taigh geall ann an 2000 nuair a sheas e air na tobhtaichean ann an New York corra làithean as deidh na h-ionnsaigh. Mhionnaich e nach tachradh a leithid a-riamh fhada sa bhiodh esan na cheann-suidhe. 'S ann air sailleamh sin a chaidh e gu cogadh ann an Iorac: gus stad a chuir ionnsaighean eile. Sin a bha fa-near dha, ge b' e cho cunnartach sa bha Iorac ann an da-riribh.

'S cha bhi fhios againn air mu dè a dheanadh Gore na àite. Tha e furasta dìochuimhneachadh mar cho trom sa Clinton an aghaidh Iorac, 's ann fo Chlinton a chaidh am poileasaidh Regime Change a stèidheachadh sa chiad dol-a-mach.

An gearan a th' agamsa ri thaobh a' chogaidh chan e gun deach sinn gu cogadh, 's e an dòigh sa làimhsich e an cogadh. An toiseach, cha do chuir e saighdearan gu leòr sa ghothaich. Chuir sinn an sàs an treas cuid de na b' againn ann an 1991 airson Kuwait a shaoradh. Ged a dh' fhoghain na bh' againn airson ruaig a chur air an arm Ioracach, cha robh feachdan gu leòr ann airson smachd sìobhalta a chumail air an dùthaich. Bha seo foilliseach cha mhòr bhon uair a bhuannaich iad Bagdad. 'S dè rinn iad an uair sin? Sgaoil iad an t-arm Iorach, an aon sian dhen seann riaghaltas a bh' air fhàgail air bheireadh smachd air an dùthaich 's sgaoil iad e.

Dhomh-sa, se seo am mearachd as miosa a rinn e.

'S e trì bliadhnaichean mus do thuig e gu robh feachdain a dhìth.

Ri thaobh an eaconomaidh, tha e nàdarach a bhith a' càineadh an duine a tha san taigh gheall nuair a thòisicheas an crionadh dhan eaconomaidh. Ach, feumaidh sinn cuimhneachadh gu bheil na freumhaichean dhen staing sa bheil sinn an-dràsda a' dol cho fad' air ais ri na seachdan 's na poileasaidhean an Riaghaltais ri thaobh taigheadas. An gearan a th' agam ri Bush 's an eaconomaidh, chan e gun do dh' adhbhraich na doighleadasan ach gu robh cothrom aige cùisean chur gu ceart nuair a ùine ann fhathast 's cha do chuir. Bha fianais ann mar tha air fàire ann an 2005 nach robh cùisean buileach rèidh le Fannae Mae 's Freddy Mac, na dhà bhuidhinn morgaidean a bh' air cùl na morgaidean gun ciall a bha iad a' toirt a-mach aig an àm. Bha fios aca, gum b' fheudar dhaibh an siostam atharrachadh. An fhìrinn, 's iad na Poblachdaich 's na Deamocrataich còmhla as coireach ach 's e Bush a chaidh a choireachadh.

Gearan eile a th' agam mu Bush, 's e gun do chosg e cus. Mar as àbhaist 's iad na deamocrataich a bhios a' cosg cus ach le Bush, tha sinn a' faicinn nach eil sin daonnan fìor. Seo as coireach gu robh mi cho deigheil airson Palin. Mar dhuine a tha ag obair airson an riaghaltais Alasga, tha mise a' faicin mar a tha i a' cumail cosgaisean fo smachd ann an dòigh a tha cho ainneamh an latha an-diugh.

Mus fhàg mi Bush, bu mhath leam iomradh dheanamh air na rudan matha a rinn e. Às deidh na h-ionnsaighean, dh' aithnich e gu robh sinn mar tha ann an cogadh. Chuir e stad air a bhith dèighleachadh ri ceannarchdachd mar cùis-fhir-lagha 's dh' aithnich e gur cùis-shaighdearan a bh' ann. Dh' aithnich e cuideachd gum b' fheàrr stad a chur air an ath ionnsaigh seach a bith a'feitheamh ris gu sunndach 's a bhith sgioblachadh às deidh làimh.

Obama

Feumaidh mi aideachadh an toiseach nach do bhot mi air a shon. Tha an fheallsanachd phoiliteagach aigesan gu math diofraichte bhon tè agamsa. Ach feumaidh sinn aithneachadh mar cho eachdreacheil sa tha an latha seo. Chaidh an dùthaich seo stèidheachadh air prionnsapalan cudthromach: gu bheil a h-uile duine co-ionnan 's gu bheil còireachan aca bho Dhia. Ach bha beàrnn mòr mòr ann eadar an prionnsapal s an da-riribh. Bha fiù 's tràillean aig Jefferson a chuir guth air na prionnsapalan sin. Agus 's e eachdraidh fhada 's aig àmannan fuilteach a th' air a bhith againn ann an bhith a' coilìonadh a' bheàrn a tha seo. Le Obama a' buannachadh an taigh ghil, 's e ceum eile san iomairt seo. Tha mi a' cantainn sin ged a bhot mi airson an duin' eile.

Agus tha mi an dòchas gun soirbhich leis. Tha dùbhlan mòra mu choinneamh, tha fhios. Tha an eaconomaidh ann an staing. Tha mi an dòchas gun cuir e cùisean na s' fheàrr gun a bhith a' cur cus air na fiachan a th' oirnn 's gun a bhith a' cur cìsean an àrd. Feumaidh e a bhith faiceallach ri thaobh Pakistan. Tha an riaghaltas caran caogalach ann an sin 's ma thuiteas e, tha eagal orm gun tuit an armachd-niùcleasach aca ann an droch làmhan.

Tha rudan eile ach foghainich siud an diugh.

Seo as coireach gun deach e gu cogadh ann an Iorac, 's chan ann air sailleamh gu robh

Aimsir Neònach

2009-01-18T21:44:00.000-08:00

An t-seachdain-sa chaidh, bha i cho fuar ri -26C. An t-seachdain-sa, tha e doirbh a chreidsinn mar cho blàth sa tha i. Thòisich uisge a bhith an seachdain air ais. Chan eil seo cho neònach, ach lean i oirre a bhlàthachadh. Bha an talamh fhathast fuar 's bha an t-uisge a' reòthadh air an làr. Mar a shaoileadh tu, bha na rathaidean gu math sleamhainn. Tha e fhathast fuar gu leòr, 1 neo 2C ach air an t-sligh gu obair air mo bhaighsagail, bho àm gu àm mhothaichinn deòthan a bha cho blàth, dìreach airson diog neo dhà, shaoileadh tu gu robh thu ann am meadhan an t-samhraidh. 'S bha fàilidhean àraidh air a' ghaoith cuideachd.

Uill, an-diugh, bha i 16C. Agus a-rithist, 's e measgachadh neònach de blàths 's fuachd a bh' againn. Aig amannan, bha i fuar 's an uair sin biodh e cho blàth. Bha fàilidhean àraidh air a ghaoith nach do bhlas mi riamh cuideachd. Mhothaich a h-uile duine e 's sheas fiù 's an cù agam airson ùine mhòr airson blas fhaighinn dhen ghaoith.

Mar a tha mise a' tuigsinn na cùise, 's ann a tha a' ghaoth a' tighinn a-nall à sgìrean troipeagach fad' air falbh thar a' chuain.

Thog mi an dealbh seo sa mhadain air èiridh na grèine 's tha sinn a' faicinn mar a tha an loch a' leaghadh.

Maoim-sneachda eile 's aimsir an uiridh na Juneau

2009-01-12T22:18:00.000-08:00

Thachair e a-rithist. Thachair maoin-sneachda ann an-diugh a rinn milleadh air na ueirichean a bheireas dealain do Juneau. Tha sin a' ciallachadh airson an darna uair taobh a-staigh bliadhna gu bheil sinn ann an dìth-dealain. Bith a h-uile càil air a bheathachadh le dieseil. Tha deiseil nas saora na bha nas tràighe as t-earrach ceart gu leòr ach 's e an geamhradh a th'ann an-dràsda. Tha sinn a' ciallachadh nach eil e cho furasta geàrradh air ais. An uiridh, stad sinn ar cuid aodaich thiormachadh le inneal 's thiormaich sinn e taobh a-muigh. Ach an-dràsda, cha fhaigh sinn ach aodach cruaidh reòidte. 'S ma thiormaicheas taobh a-staigh, bith tòrr mòr taiseachd ann 's chan fhaigh iad tiorm ach an ceann corra làithean co-dhiù.

Rud eile, nochd aithris air mar a bha i ri taobh aimsir an uiridh ann an Juneau. Tha i .8C fon an àbhaist, cha robh mòran iognadh dhuinn ann an sin 's bha an treas cuid a bharrachd dhuinn ri thaobh sneachd, 136 oirlich an taca ri 93 mar as àbhaist. Chuala sinn cuideachd gun do dh' fhàs an uiread deighe san raoin-deighe thar na bliadhna sa chaidh seachad, seo airson a chiad uair o grunnd bliadhnaichean.

2009-01-11T00:25:00.000-08:00

Tha e air a bhith gu math sneachdach sna làithean-sa. Chanainn gun do thuit suas ri tri tròigh thar an t-seachdainn-sa chaidh.

An t-seachdain-sa, bha mi san oifis 's tòrr mòr sneachd ann. Bha seid-sneachd a' ruith taobh a-muigh an oifis agam. Thuirt mi ri co-obraiche, he, tha iad a' gearradh an fheòir, a' leigeil orm gur e an samhradh a bh' ann. Rinn e gàire. Chuala mi buille air a' bhalla bhon taobh a-muigh. Hey, thuirt mi ris an co-obraiche a-rithist, feumaidh iad a bhith faiceallach leis na clachan, faodaidh iad cron a dhèanamh air an fhaobhar. An uair sin, thòisich na buill a bhreabadh ris an uinneig ('s e pìosan deighe a bh' ann). Hmm, thuirt mi rium fhìn, faodaidh na clachan tìghinn tron ghlainne.

'S ann an uairsin a thòisich an uinneag a dh' fhosgladh fo phutadh an t-sruth 's an sneachd a dòirteadh a-steach. O mo chreadh, thuirt mi rium fhìn. Dh' fheuch mi an uinneag a dhùnadh 's a ghlasadh ach cha robh dòigh ann ri a ghlasadh. Chùm mi orm a cùmail dùinte fad 's a bha an sneachd a' sruthadh na h-aghaidh. Mu dheireadh, stad an sruth sneachda. Cha robh ann ach beagan sneachd air an làr 's air an deasg. Smaoinich dè a thachradh mur a robh mi ann. Dh' faodainn a bhith air falbh airson adhbhar sam bith 's bhiodh cnap mòr sneachd air an deasg agam nuair a thiginn.

Tha sin a' cuir nam chuimhne sgeul a chuala mi bho charaid dhomh a dh' obraich uaireigin anns na beanntain ann an California. Bha iad a' sèideadh sneachd far na rathaidean 's b' fheudar dhaibh, an sgioba sèid-sneachda, a bhith faiceallach faisge air na taighean ach dhìochuimhnich iad. Bha an taigh a bha seo falamh sa gheamhradh ach bhiodh na daoine a' tìghinn air ais as t-earrach 's nuair a thill iad, bha an taigh aca làn sneachd. A rèir coltais, an rud a thachair, 's e gun do dhìochuimhnich an sgioba sèid sneachd 's sheid iad an sneach air an taigh aca gu dìreach, a' briseadh a-steach tron na h-uinneagan 's ann am prìobadh na sùla, lìon iad an taigh gu lèir le sneachd. Chan fhaca na daoine leis an robh an taigh an sgrios a thachair gus an do thill iad as t-earrach 's an taigh aca lìonte gu tur le sneachd.

Cha robh iad air an dòigh.

Gas agus Proportionality

2009-01-07T11:08:00.000-08:00

Gheàrr Rùisia gas a tha a' dol tro Ugraidhn a dh' ionnsaigh na Roinn Eòrpa. Le ìmpidh Putan chòir, seo cothrom dhan Roinn Eòrpa a làrach-gasaichean blàthachadh na cruinn a lùghdachadh, ann am meadhon a' gheamhraidh.

Proportionality. Tha iad ag ràdh gun go thilg Hamas mu 6000 rogaidean air Israel bho 2005. Leis na 6,000,000 neach a tha a' fuireachd ann an Israel, tha seo ag obrachadh a-mach ri aon rogaid airson gach mìle neach. A reir proportionality, tha sin a' ciallachadh gun rachadh 30 rogaidean air Juneau (àireamh-shluaigh 30,000) thar na trì bliadhnaichean mu dheireadh, neo 500 rogaidhean air Dùn Eideann (500,000 neach?)neo 10 rogaidean air Inbhir Narann neo 8000 air New York neo 7800 air Lunnain (chaidh 1358 rogaidean V-2 a thilgeil air Lunnain aig àm darna chogaidh).

Ach chaidh na rogaidean a thilgeil air a' chuid a tha a' fuireachd sa cheann a deas Isreal 's chan e Israel air fad. Canaimaid gur e an treas cuid muinntir Israel a tha a' fuireachd ann an astar nan rogaidean. Tha sin a' ciallachadh gum biodh na h-àireamhan coimeas a thuirt mi trì uiread nas motha.

Co dhiù, proportionality.

Bhideo is eile

2009-01-04T21:32:00.000-08:00

Tha i gu math fuar ann an Alasga sna làithean sa. Chuala mi aig aithris na sìde gu bheil i a' dol sìos gu -65F, neo -49C faisge air crìoch ri Canada a-nochd.

Co-dhiù, shocraich an fhuachd an seo fhèin, bha e -25c latha na bliadhn' ùr ach an-diugh, bha i mu -8C 's sneachd ann. Chaidh mi fhìn 's mo bhean air cuairt sgi a bha gu math tlachdmhor.

Seo bhideo a rinn mi mun chù agam:

Ron an nollaig, chunnaic sinn cuideachd am madadh-allaidh. Seo beagan bhideo dheth:

Ceatharnaich à Somailia a' gabhail greim taingear mòr

2008-11-18T07:44:00.000-08:00

Chuala mi aithris o chionn dà latha gun do rug ceatharnaich somaileanaich greim air taingear far costa sear Afraga. An toiseach, shaoil mi gur e seann aithris a bh' ann a bhuineadh do thachairteas eile nuair a chaidh bàta eile a thoirt an greim 's mòran armachd air bòrd. Ach 's e tachairteas ùr a tha seo. A rèir coltas, 's ann a tha na ceatharnaich air am bàta a thoirt air ais dhan phort aca ann an Somailea 's an sgioba am brùid feuch am faigh iad airgead airson na sgioba air neo cuiridh iad as dhaibh 's ma dh' fheuchas duine dad airson an sàbhalachadh, leigidh iad a-mach a chuid ola as an taingear.

Tha an suidheachadh duileach seo a' toirt do mo chuimhne prògram a chunnaic mi air an teleibheisean air ceatharnais aig mhuir a th' air fàs ro chumanta an latha an diugh. Dh' aithris am prògram sreath de euceart a bha ceart cho duilich sa th' againn an-dràsda: sgioba gun dìon aig mhuir a' fulang gu dubh ann an làmhan ceatharnaich.

Dh'innse am prògram an uair sin nach robh deagh fhuasgladh ann dhan t-suidheachadh duilich a tha seo. Bith an spùidheadaireachd seo a' tachairt mar as trice sna h-àitichean nach eile buileach fo smachd duine sam bith.

Dhomh-sa, tha am fuasglach cho sìmplidh: leig na sgiobaidhean nam bàtaichean an dìon fhèin. San t-seann aimsir, air gach luing bha seòmar a bha làn de chlaidheamhan 's gunnaichean-làimhe a rachadh cuir gu feum uair sam bith a dh' fheuchadh buidheann de cheatharnaich greim a ghabheil air a' luing. An latha an-diugh, air gach luing, bu chòir a bhith an dearbh leithid de sheòmar ach làn de AK-47. Leis na sgiobaidhean-luinge armaichte mar sin (aig a bheil ùidh mhòr ann a bhith sabaid mar dhiabhal, bith prìs ceatharnais air a dhol an àrd agus theid na ceatharnaich do thargaidean nas fhasa.

Rinn am prògram a chunnaic mi iomradh air am fuasgladh sin ach thuirt iad nach robh seo iomchaidh. Thug iad sreath de leisgeulan ach aig bun na cùise, 's e droch fheallsanachd a th' aca. Tha e a' cuir iomgain orra nuair a bhios daoine comasach an dìon fhèin. Chan eil sin iomchaidh. B' fheàirda feitheamh ri feachdan ceart a tha ceudan de mhìltean air falbh. Abair amaideas.

Agus smaoinich air an sgrios dhan arainneachd ma leigeas na ceatharnaich a-mach an t-ola gun a bhith deanamh iomradh air, sin uile air sàilleamh nach eil deònach leigiel daoine an dìon fhèin.

Tàing mhòr do Obama: Grian ann an Juneau mu dheireadh Thall

2008-10-30T11:02:00.000-07:00

'S e fìor dhroch aimsir a th' air a bhith againn ann an Juneau. 'S gann gun d' fhuair sinn latha grianach idir bho thoiseach an Iuchair. An-dè bha iad ag aithris gu robh torr 's 30 latha an sreath a cheile far an robh uisge, an dearbh latha sa bha aithris eile ag innsegun do thilg cuideign e fhèin sa chaolais 'son chur as dha fhèin.

'S ann an-dè a bha sin. Ach an-diugh, thug Obama as gràsmhoire dhuinn latha grianach. Beagan ceò an siud 's an seo, caran fuair cuideachd, mu 3C, ach latha breagha gun teagamh. Tàing to Obama, sin seorsa dhuine air a bheil feum againn san taigh-geall!

Cunntais-beachd an Iomairt and Taghaidh sna S.A.

2008-10-28T22:25:00.000-07:00

Taobh a-staigh corra làithean a-nis, bith an taghadh anns na Stàitean Aonaichte seachad 's bith fios againn cò a bhuannaicheas. Tha mòran mòran a dh' fhaodas mi ràdh mu dheidhinn sin ach bu mhath leam beachdachadh rud beag air na cunntais-beachd.

'S ann airson McCain a tha mi, airson iomadach adhbhar agus ged a tha mòran ag ràdh gu bheil McCain seachad, tha mi a' smaointinn gu bheil dòchas ann fhathast dha.

Ach ge b' e cò a bhuannaicheas aig a' cheann thall, tha aon rud as cinnteach: bith mòran mòran dhe na cunntais-beachd fada fada ceàrr. An-dè 's an-diugh, thuirt an darna cunntas-beachd gu robh Obama 15% air thoiseach air McCain aig an dearbh àm sa bha cunntas-beachd eile ag ràdh gu bheil Obam 2% air thoiseach.

Tha na meadhanan air a bhith cho daignean an aghaidh McCain, chan eil teagamh sam bith agam gu bheil cuid dhe na cunntais-beachd a' feuchainn buaidh a thoirt air an taghadh. An rud air a bheil mise a' coimhead 's e ciamar a tha cuid de na cunntais làitheal ag atharrachadh agus cuid dhiubh ag atharrachadh gu McCain sna làithean-sa. Seo aon rud.

Rud eile a dh'fheumas sinn cuimhneachadh 's e gu bheil Obama fad' air thoiseach air McCain ann an cuid de na stàitean mòra, mar eiseimpleir ann an California far a bheil Obama 27% air thoiseach air McCain agus rud ceudna ann an New York. Agus bith buaidh air a sin air na cunntais-beachd gu nàiseanta. Ach aig a' cheann thall, chan e bhotaidh-dhaoine ach bhotaidh-taghaidh (electoral votes) a thaghas. Faodaidh Obama California agus New York a bhuannachadh le 27% aig an dearbh àm sa tha a' call Ohio 's mòran stàitean eile le 1%. Sin a thachair ann an 2004 agus 2000. Ann an 2000, buannaich Bush an taigh-geal gun a' mhòr-cuid de na bhotaidh a bhuannachadh agus faodaidh an dearbh rud a thachairt a-rithist.

Ma thòiseachas sinn leis a' chairt-iùil ann an 2004, bhuannaich Bush le 286 bhotaidh. Beireamaid Iowa agus Colorado, stàitean Bush, do Obama. Seo agaibh McCain 270, Obama 268. Tha McCain ann an eiginn ann Ohio, Virginia, Carolina a Tuath, Meagsaigo Nuadh agus Nevada. Tha beagan cunntart dha cuideachd ann an eiginn cuideachd ann an Missouri agus Florida. Seo iad uile stàitean a bhuannaich Bush ann an 2004. Ma càileas McCain tè seachd tè aca, tha McCain càilte.

Tha iad ag ràdh gu bheil McCain ann an eiginn ann an Virginia agus Carolina a Tuath agus an ìre-mhath co-ionan ann an Ohio. Tha mi teagmhach mu dheidhin sin. Mar as aithne dhomh-sa, tha Virginia agus Carolina a tuath nas làidire gu a làimh-dheis na tha Ohio. Chuireadh e iogngadh mòr orm ma bhuannaicheas McCain Ohio gun Virginia agus Carolina a bhuannachadh cuideachd. Agus ma tha McCain a' call ann an Virgina neo Carolina, tha Ohio càilt mar tha.

Ach ma tha McCain cailte, ma tha na cunntais-beachd ceart, carson a tha McCain, Palin, an Obama fhein ann am Pennsylvania far a bheil na cunntais-bheachd ag innse gu bheil Obama corr is 10% air thoiseach air McCain. Tha an ùine prìseil dhan triùir aca 's cha bhiodh iad ann mura robh deagh adhbhar ann dhaibh. 'S stàite Kerry a th'ann am Pennsylvania. Ma bhuannaicheas McCain i, faodaidh e stàite Bhush neo dhà eile a chall 's an taigh-geall a bhuannachadh co-dhiù.

Rud eile a tha dòchasach do MhcCain, 's e gu bheil na cunntais-bheachd air fàs teann sna làithean-sa. Ma choimheadas tu air an na h-aon cunntais-bheachd làitheal, tha iad air gluasadh gu McCain, ged a tha Obama fhathast air thoiseach. Tha sin a' ciallachadh gu bheil an rud a tha McCain a' deanamh a' glacadh aire a' mhòr-shluagh 's gu bheil an fheadhain a tha fhathast mi-chinnteach nas buailtiche taobhadh ri McCain.

Leirmheas: The Fall of the Roman Empire le Peter Heather

2008-10-11T22:03:00.000-07:00

Tha mi faisg air crìoch a chuir air leabhar a tha uabhasach fhèin inntinneach agus chan eil ceangal sam bith aige leis na trioblaidean a tha a' tachairt sna làithean-sa.

Chaidh an leabhar seo a sgrìobhadh ann an 2006 agus tha e stèidhte air an rannsachadh as ùire agus tha e a' toirt dom inntinn ìomhaidh as fheàrr a leugh mi riamh mu na ceud bliadhna mu dheireadh na h-Ìompaireachd Ròmanach, mar a dh' obraich ìompaireachd a shìn mìltean thar mhìltean de chileomeatairean aig àm nuair a mhaireadh turas bho cheann gu ceann suas ri 90 làithean aig car a bu luaithe.

Tha an t-ùghdar ag innse sgeul a tha caran diofraichte bhon sgeul thradaiseanta a thathar ag innse mu a crìoch. An àite Iompaireachd chaogalach a thuit cha mhòr fo a chuideam fhèin, tha sinn a' faicinn iompaireach cumhachd a àrd a cluich ann an 372 nuair a thòisich na buille a bhualadh oirre. Ach tha an t-ùghdar a' peinteadh dhuinn ìompaireachd a tha mòr agus farsaing, ìompaireachd a tha stèidhte air uaislean aig an robh smachd air eaconomaidh a bha stèidhte gu mòr air fearainn an ìre mhath mar a bha a' Breatainn a tha sinn a' faicinn sna nobhailean a sgrìobh Jane Austen.

Gach corra bliadhnaichean, tha an t-ùghdar a' toirt ìomhaidh dhuinn air mar a bha cùisean aig diofar amannan eadar 370 mus do thòisich an strì leis na Gothan a lean dhan bhatail Andrianapolis a chaill na Ròmanaich gu dubh ann an 378 agus 476 nuair chaill an t-ìompaire mu dheireadh a dhreuch. Aig gach àm, chì sinn dè bha fhathast fo smachd nan Ròmanach, dè mar a bha an t-arm, agus an robh dòchas ann fhathast.

Tha an t-ùghdar ag innse dhuinn dè a thig gu crìoch mus do bhàsaich an ìompaireachd fhèin agus dè a mhair na b' fhaide. Cò a dh' fheuch an ìompaireach a chumail còmhla agus cò a bha coma.

Agus ann an dòigh, tha ceangal leis na tha a' tachairt an latha an diugh. Bha àm ann, nuair nach robh fa-near do dhuine sam bith gun tigeadh saobhal Ròmanach gu crìoch, 's anns na 400 's chan e aig àm Augustus a the mi a' ciallachadh. Tha e fada nas buailtiche na tha fa-near do dhuin' againn gun tig an ìompaireachd againne gu crìoch. 'S chan e ìompaireachd nan Stàitean Aonaichte a tha fa-near dhomh-sa nuair a chanas mi sin, ach an siostam eaconomaigeach an t-saoghail.

Co-dhiù, leabhar inntinneach. Ma ùidh sam bith agaibh ann an seann eachdraidh, mholainn-sa an leabhair seo dhuibh.

Aimhreit Eaconomaigeach

2008-09-25T20:05:00.000-07:00

Chuala mi gu bheil seanfhacal Sìneach a chanas "Fuiricheadh Sibh an linn inntinneach." 'S e mallachd a th'ann agus cha creid mi nach eil sinn aig iomall linn inntinneach.

Tha an Comhngail sna Stàitean Aonaichte a' feuchainn tighinn gu aontadh mu phlana a dheanadh cobhair do na margaidhean gu ìre 700 Billean dolar 's feumaidh dhan riaghltas fhèin iasaid fhaighinn dheth dhan iomairt seo.

Ciamar a fhair sinn gu bhith ann an leithid de shuidheachadh? Uill, nam bheachd-sa, tha dhà neo trì adhbhran bunnaiteach as coireach. Sa chiad dol a-mach, airson bliadhnaichean mòra tha as-malairt as na Stàitean air a bhith fada na bu mhotha na in-malairt agus an cuid airgead a theid a-mach, tillidh e air-ais do na Stàitean ach ann an cruth creideis. Tha iasaidean mòra againn bho iomadh dùthchanan airson ar cumail aig an ìre ris a dh' fhàs cleachdte agus saoilidh mi gu bheil ceann an rathaid sin air faire.

Carson a tha cus as-malairt as taca ri in-malairt? Saoilidh mi gur ann air sgàth gu bheil sinn a' cleachdadh cus ola 's chan eil sinn a' leasachadh gu leòr dhen ola a th' againn co-dhiù. Nan robh sinn nas ghlice san dòigh seo, cha bhiodh cùisean idir cho dona sa tha iad ann dràsda. Bu chòir dhuinn na goireasan ola a th' againn mar tha a leasachadh agus bu chòir dhuinn ar cleachdadh ola a gheàrradh sìos.

Agus cò aig a bheil buannachd dhen cobhair a tha na Stàitean a' feuchainn a chuir ri chèile? Uill, gu dearbh 's e an fheadhainn a thug iasaid dhuinn: na Sìnich 's na h-Arabaich. 'S ann dhaibhsan a tha a' bhuannachd. Chan eil mi gan còireachadh, idir idir ('s sinne as còireach). Cuiridh mi geall gun d'fhuair Bush rabhadh: mura chuir sinn cobhair neo correigin ri chèile, chan fhaigh sinn creidis a bharrachd tuilleadh. Agus feumaidh sinn am pàigheadh.

'S dòcha nach eil sibh a' faicinn a' cheangal eadar an cleachdadh ola agus an aimhreit a tha sinn a' faicinn an-dràsda. Ach dhomh-sa tha e foilliseach. Tha fada bharrachd iasaid na tha ceàrnadh airgid am measg daoine àbhaisteach anns na Stàitean: taighean mòra, carbadan mòra, làithean saora, a h-uile nì air creidis. Agus cò as a bhios an t-airgead a' tighinn? Chan ann as na Stàitean fhèin tha mi cinnteach. Tro iomadach làmhan, 's ann a taobh a-muigh a tha an iasaid de dh'airgead a'tighinn.

Tha rudan eile as coireach cuideachd. Bho chionn fhada tha an riaghltas a' brosnachadh sealbhadaireachd taighean fiù s am measg an fheadhainn nach eil cho comasach taigh a cheannach. Bhrosnaich an riaghltas morgaidean amaideach a thabhainn dhan fheadhainn nach eil comasach am pàigheadh air ais. Tha e gu math faiseanta a bhith coireachadh nam bancaichean airson a leithid morgaidean ach aig bun na cùise, 's e an riaghltas fhèin a chuir am poileasaidh seo air dòigh.

Agus an treas rud as coireach: a' rèic 's ceannach morgaidean. S e siostam neònach agus gòrach a th' againn sna Stàitean: mar as trice thèid am morgaid agad a rèic iomadach turas thar na beatha dhen mhorgaid. Bha morgaid agam mar seo sna 90an. Aig amannan, cha robh mi cinnteach cò ris a bh' agam ri pàigheadh. B' fheudar do mo bhràthair pàigheadh dhà thuras ann an aon mhìos air sgàth gun deach am morgaid aigesan a rèic aig an dearbh àm sa phàigh e. B' feudar dha creidis fhaighin bhon darna companaidh airson a phaigh e dhan chiad tè ach cha b' urrainn dha.

Ach tha mi a' coireachadh a' chleachdaidh sin air sgàth gu bheil e a' brosnachadh daoine a bhios a' cuir morgaidean ri chèile a bhith mi-onarach. Chan e iadsan a tha a' toirt iasaid suim mhòr airson 30 bliadhna, bith iad ga rèic cha mhòr sa bhad dhan chiad amadan a thigeas sìos an rathad, agus mura theid an duine seo a phàigheadh, dè an diofar dhan dhuine a chuir am morgaid ri chèile? Nan robh an aig an duine a chuir am morgaid ri chèile na pàighidhean a ghabhail fad 30 bliadhna, bhiodh e fada nas faiceallaiche.

Feumaidh sinn rudan a chuir gu ceart. Feumaidh a bhith fios againn carson a tha sin a' tachairt, chan airson a bhith coireachadh ach gus am bi fios againn rathad ceart a dheanamh agus ar cuid amaideas a sheachnadh bho sin a-mach.

Staid Iomairt an taghaidh sna Stàitean Aonaichte

2008-09-13T23:17:00.000-07:00

Uill 's e cola-deug math math a th' air a bhith aig Iain McCain 's 's e fìor dhroch chola-deug a th' air bhith aig Obama.

O chionn cola-deug, bha cunntas-beachdan an àrd airson Obama mu 6 puing air thoiseach air McCain, ach bha trioblaidean mar tha air fàire do Obama. Dh'ainmich McCain Riaghladar Alasga, Sarah Palin gu bhith na tagraiche airson iarr-cheann-suidhe cuide ri Iain McCain. Cha robh dùil idir idir aig iomairt Obama air an taghadh a rinn McCain. Cha b' aithne dhaibh i 's cha robh na h-argmaidean aca na h-aghaidh. Dh' fheuch iad a càineadh san dol seachad 's rinn iad mòran mearachdan an sreath a chèile. Shaoileadh tu gur an ann aghaidh Palin seach McCain gu robh Obama a' strì. Thuirt na deamocrataich nach robh eòlas gu leòr aig Palin airson a bhith na iarr-cheann-suidhe gun a bith smaoineachadh idir mar gu robh sin a' toirt aire nan luchd-bhotaidh air laigse a th' aig Obama san dòigh seo. Fiù's ma bhuanaicheas iad an argamaid an aghaidh Palin dè am buannachd a bh' ann dhaibh?

Cuideachd tha arm de luchd-lagha ann an Alasga ri feuchainn salchar neo correigin a lorg an aghaidh Palin. Agus an àite an tosd a chumail gus am bi iad cinnteach mu na tha iad a' lorg, thèid iomradh sam bith a lorgas iad do na pàipearan naidheachd gu dìreachd. Buil: nàire air ais dhan iomairt Obama fhèin. Agus ma lorgas riamh dad a tha fìor, saoilidh mi nach creid a mhòr-shluagh e co-diù air sàilleamh an t-sreath de rudan nach robh fìor.

Agus an t-seachdainn-sa, chleachd Obama an samhla "lipstick on a pig." Mhìnich Obama as deidh làimh gu robh e a' ciallachadh gu robh Palin na lipstick air McCain a bha na mhuc san t-samhla-sa. Ach domh-sa, 's e seo fianais mar gur e fear-poileataigs fhathast òg 's eu-eòlach a th' ann an Obama. An do dhìochuimhnich e an samhla ainmeil a chleachd Palin fhèin seachdainn ron a sin nuair a chleachd i an samhla "lipstick on a pitbull?" Tha na deamocrataich a' gearrain gu bheil iomairt McCain a' deanamh breug gu robh Obama a' ciallachadh Palin nuair a thuirt e 'pig.' Ach aig a' cheann thall, 's e giobht a thug Obama dhan iomairt McCain 's chleachd iad e.

Agus dìreach an-dè, thuirt iomairt Obama gun srìtheadh iad, bho sin a-mach, gu daighean an Mccain. A' chiad dearbhadh dhe sin? Sanas a bha a'cuir sìos air McCain air sgàth nach eil e a' cleachdadh puist-dealain. Ach dhìochuimhnich iad gu deach corragan McCain a bhriseadh iomatach thuras nuair a bha e na phrìosanach ann an Hanoi 's nach eil comasach taidhpeadh. Agus dè an diofar co-dhiù? Canamaid nach ann air sgàth gu robh McCain air fulaing airson a duthcha nach eile comasach a taipeadh, dè an diofar? Feumaidh gu bheil adhbhran nas cudtromaiche na sin co-dhiù. Fianais a bharrachd gu bheil Obama na thagraiche a tha òg 's fhathast eu-eòlach.

Chan eil sin a' ciallachadh gu bheil McCain mar tha air buannachadh, idir, idir. A-reir nan cunntas-bheachdan, tha McCain eadar 2 's 5 puing air thoiseach air Obama. Faodaidh McCain a' mhòrshluagh a bhuannachadh gun a bhith buannachadh san electoral college. Agus faodar cuideachd an làmh an uachdair a th' aig McCain a sgaoileadh leis a' ghaoith. Tha ùine fhathast aig iomairt Obama an cuid mearachdan a chuir ceart 's greim a ghabhal air cùisean as ùr.

Ach an cunnart a th' aig iomart Obama 's e mar a dh' mhàireas na beachdan aig luchd-bhotaidh nas fhaide, 's ann nas cruaidhe a bhios e an atharrachadh.

Mathain san t-slighe

2008-09-10T20:57:00.000-07:00

Thòisich mo nighean dhol dhan sgoil ùr an t-seachdainn sa chaidh, nas fhaisge na bha an sgoile eile. Agus bith mo nighean a' dol air a baisaigeil leth chuid dhen ùine agus bith mi fhìn a' dol cuide rithe anns a' mhadainn. Tha dhà shlighe ann airson a dhol dhan sgoile, an darna tè a leanas rathad agus an tè eile a leanas slighe tron a' choille. Rud eile, 's ann air taobh thall na h-aibhne a tha an sgoile, mu dhà mìle shios an abhainn. Ma theid sinn tron a' choille, theid sinn tarsain air drochaid a tha ri taobh na sgoile. Ma thèid sinn air an rathad, thèid sinn tarsain air drochaid a tha faisg air an taigh. Uill, latha an t-seachdain sa chaidh, chaidh sinn air an t-slighe tron a' choille a far a robh e fada na bu shìtheile 's nach robh againn ri deileachadh ri traffic. Uill, bha sinn a' dlùthachadh ris an drochaid agus dè a chunnaic sinn na sheasamh san t-slighe ach mathan. Stad sinn, dh'fhan airson greis, dùil am falbh e far na slighe dhan choille. Ach an ceann ghreis dè a nochd as na lusan ach mathan eile, mathan beag, cuilean. Uill, mathan-boirean 's cuilein! Nach sinne a thionndaidh air ar sàilean sa bhad. Dà mhìle air ais, cha mhòr gu ruige an taigh fhèin 's an uairsin tarsain air an drochaid eile 's an uairsin dà mhìle sìos air taobh eile na h-aibhne. Saoilidh mi gum b'e seo leisgeul na b' fheàrr a fhuair mi fhìn neo mo nighean airson a bhith fadalachd dhan sgoile neo dhan obair: bha mathain san t-slighe! Seo agaibh a thog sinn de mhathan eile o chionn dhà sheachdain:

A bheil Palin airson neo-eismeileachd Alasga?

2008-09-03T02:24:00.000-07:00

Thàinig am barr an-diugh gu robh Palin na ball uaireigin na AIP, Alaska Independence Party, Parti Neo-eismeileachd Alasga 's seo fad dà bhliadhna. Tha feadhainn a' feuchainn rudeigin a dheanamh dheth.

Ach an robh i riam na ball parti a tha airson neo-eismeileachd Alasga bho na Stàiten Aonaichte? A bheil i neo an robh i riamh air a son-se?

Uill, chan eil fhios 'am le chinnt. Tha mi teagmhach gu robh i riamh airson neo-eismeileachd Alasga ach cha chuireadh e iongnadh sam bith orm nan robh i uaireigin na ball AIP agus cuiridh mi geall gur ann eadar 1994 's 1996 a bha seo.

Bha sgaradh anns a' pharti nam Poblachdach aig àm iomairt an taghaidh airson Riaghladar ann an 1994. Bhuanaich Jim Campbell mar thagraiche nam Poblachdach ach bha an duine sin gu math leabralach agus dh' adhbhraich sin sgaradh sa pharti. Lean an duine a bha na dharna àite, Jack Coghill air mar thagraiche AIP. 'S e parti bheag fhalamh a bh' ann dheth aig an àm 's chaidh cuid de phoblachdaich na bhall dhen pharti sin airson smachd a ghabhail oirre gus am b'urrainn do Jack Coghill cumail air ann an iomairt an taghaidh.

Mar a thachair, bhuainich Tony Knowles le 41.1%, Jim Cambell san darna àite le 40.8%, Jack Coghill san treas àite le 13.0%.

Tha mi cinnteach nach eil 's nach robh Palin riamh airson neo-eismeileachd. Ma tha fìrinn sam bith san sgeul seo, cuiridh mi geal gur e seo a thachairt. Ach feumaidh mi àideachadh gun do chuir an iomairt nan amadan a bha siud fearg orm aig an àm, ged nach robh mi deidheil air Jim Cambell, oir 's ann air sgàth na rinn iad a gun do bhuainich duine a bha fada na bu leabralaiche na cuid mhòr de na luchd-bhòtaidh ann an Alasga.

Palin: smaointean a bharrachd

2008-09-01T20:38:00.000-07:00

Bha mi airson sgrìobhadh mu buaidh a bhiodh aig Palin air iomairt an taghaidh anns na Stàitean Aonaichte ach 's dòcha gun dean mi sin turas eile.

Chuala sinn an-diugh gu bheil nighean Palin trom. Tha i seachd bliadhna deug a dh' aois agus chan eil i posta. Thuirt Palin gum pòsaidh iad ge-ta.

Dhomh-sa, chaidh cus a dheanamh mu dheidhinn seo mar tha ach tha aon rud ann deidhinn sin a tha inntinneach dhomh-sa. Chuala mi gu robh feadhainn a' càineadh nach do rannsaich McCain Palin mar bu chòir agus chan eil i deiseil airson a bhith na ceann-suidhe agus chan eil seo ach na dhearbhadh dheth sin.

Mar a thuirt mi an-dè, thàinig gu ar n-aire an-seo ann an Juneau mu trì mìosan air ais gu sgioba bho iomairt McCain ann an Juneau 's cha robh e doirbh obrachadh a-mach carson a bha iad an-seo. ‘S mar sin, bha fios agam gun do rinn sgioba McCain rannsachadh. An-diugh, chuala mi gu robh fios aig sgioba McCain gu robh nighean Palin trom ach thabhainn e gu Palin gu bhith na tagraiche iarr-cheann-suidhe co-dhiù. Ach aig an dearbh àm, thug e rabhadh dhi gum biodh sgrùdadh mòr na lùib o na meadhanan ann am beatha a cloinne a' gabhail a-steach a h-nighean a tha trom.

An rud a tha inntinneach 's e gun do lean McCain air co-dhiù. Nach bhiodh e na b'fheàrr dha nan rachadh e le cudeigin eile, as aonais connspaid? Dè tha e a' faicinn innte?

Mar a thuirt mi mar tha, tha speis mhòr agam-sa do Phalin. Ach tha sin a' sealltainn dhomh de seòrsa duine a th' ann am McCain. 'S e duine a tha deònach an t-sligh fhurasta a sheachnadh airson na slighe na 's fheàrr.

Sarah Palin, Riaghladair Alasga agus a-nis tagraiche Iarr-Cheann Suidhe nan S.A.!

2008-08-31T23:57:00.000-07:00

Chuala mi mu trì mìosan air ais gu robh ùidh aig Iain McCain ann an Riaghladar Sarah Palin gu bhith na h-iarr-cheann-suidhe cuide ris. Bha iomradh ann ans siud 's an seo gu robh sgioba rannsachaidh bho iomairt McCain airson a bhith deanamh beagan rannsachadh mu deidhinn.

Uill, bhon uair sin, bha mo shùilean 's mo chluasan fosgailte airson iomradh sam bith agus thòisich mi meòrachadh air a' cheist seo, dè seòrsa de thaghadh sa bhiodh sin dhan iomairt McCain agus mar a bu mhotha a smaoinich mi air, 's ann a b'fheàrr a bha seo nam shùilean. Sna làithean mu dheireadh, bha mi fhìn 's cuid de na caraidean agam ar bioran feuch an rachadh McCain le Palin. Agus aig a' cheann thall, sin a rinn e agus bha sinn air ar dòigh.

Uill, chuir sinn iogngadh mòr air an t-saoghal agus tha e foilliseach gu bheil sgioba Obama gu mòr air aineol air a' bhoireannach seo a chuir crathadh mòr air saoghal nam poileataigs ann an Alasga sna bliadhnaichean mu dheireadh. Duine bochd.

A-rèir sgeul nan deamacratach, chan eil ann ach boireannach a th' air a bhith na riadhladar stàite bhig dà bhliadhna 's ron a sin mayor baile bheag ann an Alasga. Uill, tha beàrn mòr cudthromach a tha dhìth sa sgeul seo agus innse mi sin dhuibh.

Gu ruige 2002, bha Palin na mayor baile Wasilla. Ann an 2006, bhuannaich i gu bhith na Riadhladar Alasga. Agus anns na bliadhnaichean eadorra, choisinn i cliù mhòr dhi fhèin mar ghaisgeach an aghaidh cealgaireachd ann am poileataigs ann an Alasga. Chaidh i tron structur cumhachd ann an Alasga mar claich tro ghlainne. Agus aig an deireadh, b'fheudar do thriùir daoine cumhachdach an dreuchd a leigeil dheth: fear-stiùiridh na Parti Pobladach, an Àrd-Fhear-Lagha na Stàite agus an Riaghladar fhèin 's i na riaghladar na àite!

Ann an Lùnastal, 2002, theab Palin buannachadh mar thagraiche iarr-riaghladar airson nam Pobladach. 'S e fear a bha seo, Loren Leman a bhuannaich, ach bha ise gu math faisg air agus as deidh sin, nuair a bhuannaich am pobladach Frank Murkowski gu bhith na riadhladar, chaidh ise a taghadh leis mar comhairliche air Coimisean Ola agus Gas ann an Alasga, buidhinn caran cudthromach ann an stàite far a bheil ola agus gas cho pailt.

Nise, beagan fiosrachadh mu Frank Murkowski. Duine cho cam sa ghabhas. Bha na sheanadair aig ìre nàiseanta fad bliadhnaichean agus ann an 2002, chuir e roimhe gu bhith na riaghladar na stàite. Bhuannaich e agus mar riaghladar, bha còir aige cuideigin a thaghadh gu bhith na sheanadair na àite. Agus cò a thagh e? Cò ach a nighean fhèin! Bha e a' cumail a-mach gur ise a b' fheàrr san stàite air fad airson an oifis sin. Chan e sin ach blasad de mar cho sa bha 's tha poileataigs ann an Alasga. Chuir sin fearg air muinntir Alasga, ach bha e coma.

Uill, chunnaic Palin gu robh cealgaireachd cuideachd ann an Coimisean Ola agus Gas. Ghearan i dhan riaghladar. Cha tug e for dhi. Fon lagh a bh' ann aig an àm, bha casg oirre dad a chantann mun t-suidheachadh seo gu poblach. Dh' fhàg Palin a dreuchd mar comhairliche gus am bi i saor bruidhinn gu poblach. Agus aig a' cheann thall, b'fheudar do co-comhairliche (a bha cuideach na stiùriche na Parti Pobladach) agus àrd-fhear-lagha na Stàite an dreuchd a leigeil dheth. B' fheudar dhan Àrd-fhear-lagha binn-airgid de $10,000 a phàidheadh!

Aig an dearbh àm sa bha sin a' tachairt, bha an Riaghladar Murkowski a' cuir co-dhunadh ri chèile eadar an Stàite Alasga agus trì companaidhean ola aig a bheil raointean-ola sa cheann-a-tuath Alasga airson pìob ola a thogail eadar Alasga agus tìr-mòr nan Stàitean Aonaichte. Proiseact uabhasach fhèin mòr ach a dh' ainedeoin sin a chaidh an ri chèile gu prìobhaiteach. Bha gearrain mhòra ann, ach bha an riaghladar coma agus lean e air.

Ach lean Palin oirre cuideachd. Chaidh i an aghaidh riaghladair Alasga mar phobladach ann am bun-taghaidh ann an Lùnasdal, 2006 agus bhuannaich i. Nise, 's glè glè ainneamh a chailleas cuideign aig ìre bun-taigh nuair a tha e anns an oifis mar tha. Ach chaill e, agus bhuannaich Palin san t-Samhain, 2006 gu bhith na riaghladar Alasga.

As deidh dhi buannachadh, chaidh casaidean cealgaireachd chuir an aghaidh cuid de na riochdairean dhen legislature, 'S ann nam Pobladach a bha iad, an dearbh parti sa bha Palin. Chaidh cuid diubh a lorg ciontach 's chaidh iad an cuir ann am prìosan.

An rud a cudtromach cuimhneachadh 's e gu robh Palin, sa mhòr chuid a' strì an aghaidh cealgaireachd na parti fhèin. Agus tha i air a bhith soirbheacail ann an dòigh a tha iontach.

Ach cha robh Palin deiseil fhathast. Shad i an co-dhunadh a bha seo leis na companaidhean ola air a do rinn mi iomradh roimhe, shad i e air an t-sitig agus thòsich i co-dhùnadh ùr a chuir ri chèile airson pìob-gas a thogail eadar Alasga agus tìr mòr nan Stàitean Aonaichte agus an turas seo, tha am proiseact a' dol a-nis, air a chuir ri chèile le tairgse fon lagh airson buannachd Alasga.

Sin agaibh am boireanach air a bheil sgioba Obama a' coimhead mar bhoireanach suarach! Beagan uairean as deidh gun deach i ainmeachadh mar thagraiche iarr-cheann-suidhe, thuirt deamocratach neo correigin gu robh i ann am pocaid nan companaidhean ola! 'S ise a chuir gu mòr an àrd na cìsean a th' aca ri pàidheadh ann an Alasga airson an cuid ola a tha iad a' pompadh aisde.

Mar a thuirt mi, tha iad gu mòr air aineol air Sarah Palin.

Caran tràth airson leithid de shealladh

2008-08-27T07:13:00.000-07:00

Tha stoirm nan seachd sian air a bhith againn. Tòrr mòr uisge 's cha robh sealladh air na beanntain air cùl a' bhaile gu ruige an-dè nuair a sgaoil na sgothan rud beag 's seo an sealladh dh' fhosgail dhuinn:

Leirmheas: Mama Mia

2008-08-20T20:19:00.000-07:00

Leirmheas: Mama Mia

Nochd am fiolm Mama Mia ann an Juneau an t-seachdain-sa. Chaidh dithis co-obraiche agam fhaicinn.

Feumaidh mi aideachadh bho thoiseach, chan fhaca mi am fiolm Mama Mia 's mar as àbhaist, chan fhoghnaidh sin airson leirmheas. Ach s' ann à spiorad catharnais a tha mi ag innse mu na chuala mi.

Mo chomhlaire: ma thèid thu ann, thoir bugaid leat oir bith feum agad air gus nach faigh an stuth dhen stamag agad ort-fhèin. Agus bith e ceart cho ma dhut do ghunna fhàgail aig an taigh, eagail 's nach chleachd thu ort fhèin e.

Thuirt an dithis aca gu roth na h-òrain cho gòrach. Thuirt co-obraiche agam a tha às a' Ghreug bho thùs, gu robh na h-eileanan Greugach breagha gu leòr, ach nach robh fianais dhe na greucaich idir. Thuirt a' bhean-co-obraiche nach robh iomchaidh idir gu robh a' chailleach, Meryl Streep dannsa mar sin.

Ach saoilidh mi gur e an euceart as miosa gun d' thug iad air an fhear-brathaidh ainmeil, James Bond, duine aig a bheil còir marbhadh, thug iad air a bhith seinn 's a'dannsa!!!

Cuairt heileacoptair dhan eighr-shruth Herbert

2008-06-07T18:19:00.000-07:00

Mìos sa chaidh, fhuair mi cothrom dhol suas ann an heileacoptair dhan eighr-shruth Herbert a tha pìos beag gu tuath bho Juneau.

'S dòcha gum faigh sibh bhideo beagan nas fheàrr bho vimeo:

Cuairt Heileaptair from Charles Tripp on Vimeo.

Suidheachadh dealain ann an Juneau 's criomagan eile

2008-05-26T18:50:00.000-07:00

Uill, leagh an-dè gu na croinn uile a chaidh a mhilleadh le maoim-sneachda mu sia seachdainn air ais air an togail às ùr a-nis 's tha iad a-nis a sìneadh ueirichean orra. 'S ann mìos air thoiseach air na bha iad an dùil 's 's e deagh naidheachd a tha seo dhà-riribh.

Dh' ionnsaich mise mòran tron t-suidheachadh seo mar a ghabhas dealain a gèarradh. An toiseach, bha sinne a' cleachdadh mu 45 kw-h gach latha ged a b' ann do teasachadh an taighe a bha cuid dheth. Bhon a thachair an tubaist, tha sin a' cleachdadh mu 16 kw-h gach latha. 'S aithne dhomh cuideigin a tha a' cleachdadh my 7 kw-h gach latha. Cha mhòr an aon rud a th' air 's am fridg aige. An rud a dh' ionnsaich mi 's gun teid a gach h-uile kw-h a cleachadh a saor-thoileach. 'S nan robh am prìs $100/kw-h, tha fios agam gun teid mi far an lìon-dealain builleach.

Ach tha amaideas ann cuideach. Tha am baile Juneau a' toirt taic airgid dhan fheadhain nach eil deonach an cuid dealain a ghearradh. Tha fhios nach mar seo a tha iadsan a' faicinn a' chùis, dhaibhsan tha iad a' cuideachadh nam bochdan. Ach an rud a tha tachairt 's e gu bheil an fheadhain a' cleachdadh 20 neo 15 neo 7 kw-h an latha a' toirt airgead tro chìsean dhan fheadhain a tha a' cleachdadh tuilleadh dealain. Tha an riaghaltas a' milleadh a' mhargaidh a tha ag innse dhuinn ar cuid dealain a ghearradh. Mar a thuirt mi, nan robh am prìs $100/kw-hr, cò mheud dealain a chleachdadh tusa?

Chunnaic mi aithris an-dè a tha fada nas ciallaiche dhomh a-nis 's nan biodh e, can dhà mhìos air ais. Leugh gu robh taigh Al Gore a' cleachadh 221,000 kw-hr gach bliadhna. Tha seo co-ionnan ri tòrr is 600 kw-hr an latha.

Cha can mi an còrr.

Chuck

Tha thu a' cuir ri blàthachadh na Cruinne ma tha thu reamhair

2008-05-18T09:27:00.001-07:00

Sin a-reir aithris Reuters a nochd an t-seachdain-se:

A-reir iadsan, bith daoine reamhair a' caitheamh connaidh a bharrachd airson a bhith a' siubhal agus bith an cuid bìth a bhios iad ag ithe a caitheamh connaidh a bharrachd cuideachd.

Tha iad a' cuir nam mathan bàn ann an cunnart le bhith ag ithe cus!!!

Chosg iad airgead airson a' phìos rannsachaidh a tha seo.

Dhomhsa, tha sinn a' ciallachadh gu bheil cus airgead ag an fheadhainn a tha a' rannsachadh blàthachadh na cruinne 's tha sin a' toirt buaidh air na tha iad a' faighinn a-mach.

2008-05-17T18:16:00.000-07:00

Seo agaibh bhideo-cunntais a rinn mi mu chuairt a rinn mi a Choffman Cove an eilean Prince of Wales sa cheann ear-dheas Alasga. Mo chomhairle dhuibh: leig am bhideo sruthadh rud beag an toiseach.

Cuairt a Choffman Cove from Charles Tripp on Vimeo.

Suidheachadh Dealain ann an Juneau

2008-04-23T21:06:00.000-07:00

Mar a thuirt mi an turas mu dheireadh, chaidh uairichean dealain a tha a dealaineachadh Juneau a sgrios le maoim-sneachda an t-seachdain sa chaidh. Bha 85% dhen iarradas a' tighinn tro na uairichean sin. Tha iad a' cleachdadh aonadan dieseil airson an diofar a choileanachadh ach chan fhoghain dhuinn. Tha a' cuir prìsean dealain am meud 5.5 uiread. Ma bh' agad ri pàidheadh $200 am mìos sa chaidh, bith agad ri pàidheadh $1100 leis an aon ìre de chleachdadh.

'S cùis-èiginn a th' ann ann an dòigh. Bith sin na dhuilgheadas mòr do na bochdan. Aon rud as cinnteach, chan eil mise ag iarraidh a leithid de chunntas an ath-mhìos. Rud a chuir fearg orm, 's e s gu bheil na cìsean ùra a' dol air ais dhan latha a chaidh an tomhas-cleachdadh-dealain sa ma 's ann a thachair e sa Ghiblean. Tha sin a' ciallachadh gu bheil iad a' dol air ais ann an tìm 's a chuir na cìsean an àrd nuair nach robh ginn dealain ann. Thug mi sùil air an cunntas agam. Chaidh e a leughadh turas mu dheireadh 10mh a' Ghiblean 's 's ann air an latha a tha na cìsean ùra a' tòiseachadh dhomh, seachdain ro a thachair an tubaist. B' fheudar a bhith fios agam air dè a thachradh sa àm ri teachd. Na mèirlich!

Nuair a thèid thu a-mach, tha na bùthtean dorach 's tha cuid mhòr de na solais dheth.

Co-dhiù, gu ruige seo, tron gheamhradh tha sin air a bhith a' cleachdadh mu 45 KW-hr gach latha. As t-samhradh bith sinn a' cleachdadh 25 KW-hr. Bhon a thoisich dealan a gheàrradh air ais, tha sin a' cleachdadh mu 20 KW-hr gach latha. Tha sinn air a h-uile a càil a gheàrradh às sa urrainn. 'S gann gu bheil uair sam bith sa bhalla mura a bheilear a' cleachdadh.

Loighnichean dealain air milleadh ann an Juneau

2008-04-17T07:11:00.000-07:00

Thachair maoim-sneachda an-dè gu deas à Juneau an-dè a rinn milleadh air loighnichean-dealain a tha a' dealanachadh a' bhaile. Bith 85% gu 90% a' tighinn tro na loighnichean sin. Tha iad ag ràdh nach teid iad an càradh taogh a-staigh dhà neo trì mìosan. Theid am baile dealanachadh le dieseil ach cha bhith dealan gu leòr ann dhuinn co-dhiù.

Tha iad a' cuir suas na prìsean dealain còig uiread an taca ris na bha iad. Tha sin a' ciallachadh math bha agad ri pàigheadh $200 mìos sa chaidh, bith agad ri pàigheadh suas ri $1000 an ath-mhìos!

Tha feadhainn mar a tha a' gearan, tha na prìsean ro àrd, ciamar a ghabhas na daoine-bhochd a phàigheadh, bu chòir a bhith taic ann dhaibh. Uill, tha fìreann brùideal ann co-dhù. Chan eil dealan gu leòr ann dhuinn 's mura a tèid na prìsean àrd gu leòr, cha gheàrrar an dealan gu leòr.

Agus dè a nì mise gu eadar-dhealaichte? Uill, bho sin a-mach bith samh orm, uill samh a bharrachd nan `bhaist co-dhiù. Cha do ghabh mi fras-nighe sa mhadainn-sa 's nuair a ghabhas, cleachdaidh mi uige fionnar seach teth.

Bha spàirn mu dheireadh a' gheamhraidh ann dhuinn cuideachd. Mu sia òirlich sneachd a thuit tron oidhche.

Dè a tachras nuair a sheasas madadh-allaidh ann am meadhan rathad an rìgh

2008-03-30T22:22:00.000-07:00

Seall air dè a thachras nuair sheasas madadh-allaidh ann am meadhan rathad an rìgh.

Madadh-allaidh a' leantainn boireannach 's a' chù aice

2008-03-30T21:56:00.000-07:00

Madainn an-diugh, chaidh mi air cuairt air an lach an-diugh leis a' chù agam 's chunnaic mi am madadh-allaidh a-rithist. 'S tric a tha sinn ga fhaicinn feumaidh mi ràdh. Co-dhiù, dhlùthaich e ri bhoireannach a bha seo a bha air cuairt air an lach leis a' chù aice. Dh'fheuch i a fhuadachadh air falbh ach dhiùlt e sin a dheanamh. Bha e gu math faisg orra. Mu dheireadh ràinig duine a bha seo air sgitheachan 's fhuadaich esan air falbh e ach dìreach pìos beag air falbh. Chùm am boireannach oirre a-steach 's am madadh-allaidh as an deidh.

Faighnich dhibh fhèin, dè a dh'fhairicheadh tu nan robh thusa na h-àite 's madadh-allaidh air do shàilean 's a' diultadh a chumail air falbh. Beagan nas fhaide, air an fheasgar, nochd am boireannach aig doras ar taighe. Chunnaic ise mi a' clàradh na thachair 's dh'iarr i orm nam faodainn lethbhreach dhen chlàr a thoirt dhi. Mhinich i dhomh nach b' e seo a' chiad turas a rinn am madadh-allaidh sin dhi. Bha am madadh-allaidh a' maoidheadh ionnsaidh a thoirt dhi. Rinn mi gearran dhan rialtas ron a seo ach tha iad a' diùltadh a creidinn. A bharrach air a sin, chuir feadhainn fòn dhi ag iarraidh oirre gun a bhith a' gearran mun a' mhadadh-allaidh.

Chanainn-sa gu bheil am madadh-allaidh a' fàs ro chleachdte ri mhic-an-duine. 'S e duilich a tha seo da-riribh. 'S e mioribheil a tha seo a bhith ga fhaicinn ach tha seo fada fada o mar bu dùil.

Seo na bhideothan:

Duine eile aig a bheil Gàidhlig anns a' cheann ear-dheas Alasga

2008-03-21T21:47:00.000-07:00

An diugh chaidh mi air cuairt leis a' chù agam mar as àbhaist. Bha mi an dòchas am madadh-allaidh fhaicinn a-rithist 's mar a choisich sinn seachad air dithis a bha a'dol a-steach dhan chàr aca, dh'fhaighnich iad dhìom nan robh mi airson am madadh-allaidh fhaicinn. Thuirt mi gu robh. Thuirt iadsan gu robh e na laigh pìos beag air falbh air an deigh. Dh'fhaighnich iad dhìom nan robh a'fuireach faisg air làimh 's bha blas caran coimheach air a'chainnt aca 's thuirt iad nach robh iad às an sgìre seo 's gu robh iad glè thoilichte a fhaicinn. Co-dhiù chùm mi orm. Chaidh mi dhan àite far an robh dùil agam am madadh-allaidh fhaicinn. Bha iadsan a'feuchainn cuideachd a fhaicinn na b' fheàrr. Chunnaic mi e. Sheas ann an sin car ùine dìreach a' coimhead air. Mu dheireadh, thionndaidh mi dhachaidh 's thachair mi a-rithist ris an dhithis ris an do bhruidhinn mi roimhe.

Thòisich sinn a bhruidhinn as ùr 's aig ceann greis thuirt an duine a bha seo gur ann à Alba a bha e. Thuirt mise gu robh mi air a bhith ann dìreach an-uiridh 's gu h-oban, thàinig e a-steach orm 's dòcha gu bheil Gàidhlig aige.

Thuirt mi "A bheil Gàidhlig agad?" Thuirt esan, Pardon? An dearbh fhreagairt sa fhuair mi iomadach uair ann an Alba. Agus le dìreach 1.5% ann an Alba aig a bheil Gàidhlig, b' e seo an fhreagairt a bu bhuailtiche co-dhiù, ach b' fhiach fheuchainn co-dhiù. Ach an uairsin thuirt a bhean, "He's speaking to you in Gàidhlig." An uairsin, thuirt an duine, "Tha gu dearbh!"

Uill, bha mo bheul fosgailte, abair iongnadh 's toileachas! Tha an duine seo a' fuireach ann an Ketchikan. Bith mise a' dol ann bho àm gu àm. Bhruidhinn sinn 'son greis. Dh'innse mi dha mun duine ann an Haines aig a bheil Gàidhlig cuideachd. Thuirt esan (am measg mòran rudan eile) gum biodh ùidh mhòr aige nan robh seòrsa de choinneamh bhliadhnail turas gach bliadhna ann an ear-dheas Alasga. Saoilidh mi gum biodh suas gu sianar ann co-dhiù, a' gabhail a-steach an fheadhainn a tha ga h-ionnsachadh 's a tha comasach beagan comhradh a dheanamh.

'S thuirt an cù agam...

2008-03-17T21:15:00.000-07:00

Uill, mar as àbhaist, chaidh mi air cuairt as deidh suipear. Bha an cù agam comhla rium, mar as àbhaist 's mo piuthar-cheile. Dh'iarr mi oirre nan robh i ag iarraidh madadh-allaidh fhaicinn ged nach robh mi cinnteach nan robh an aimsir freagarrach, oir bha e gu math fliuch.

Thuirt i gu robh.

Bha an t-uisge a' frasadh oirnn 's cha robh mi cho dòchasach. Threòrich mi i dhan àite àbhaisteach far a bu bhuailtiche a fhaicinn 's chunnaic sinn e na laighe. As deidh greis a' coimhead air, dh' eigh e 's thàinig e thugainn. Chuir sin iongnadh orm oir mar as àbhaist 's ann a-mhàin do choin as aithne dha mar tha a thigeas e. Chunnaic an cù agam e. Choimhead am madadh-allaidh i ('s cù-boireann i). Choimhead an cù agam airsan.

Gu h-obann, theann Nellie (an cù agam) a' leum 's ag eigheachd 's thuirt i: o mhadadh-allaidh tha mi airson do cuileanan a bhreith!!!

Uill, ma dh'fhaoide gu bheil mi a' deanamh cus dheth ach gu dearbh choimhead iad air a chèile.

Smuaintean mu dheireadh ro'n bun-taghadh Super Tuesday

2008-02-04T20:41:00.000-08:00

A-màireach bith bun-taghadh ann as dòch' as ciallaiche a chunnaic mi nam bheatha. 'S iongnatach mar a tha cùisean cho teann cho anmoch air taobh seach taobh aca. Ach 's ann gu h-àraidh air na Poblachdaich a tha an ùidh as motha agam.

A rèir coltas, tha làmh an uachdair aig John McCain ach tha smuain neo dhà eile agam air a' chùis. 'S e seo bliadhna as miosa airson cunntais-beachd. Bha iad fada ceàrr ann an New Hampshire ri thaobh Clinton, (bhuanaich ise ged a bha dùil ann gun bhuanaicheadh Obama). An duilgheadas a th' ann 's e gu bheil suidheachadh cho eadar-dhealaichte bho stàite gu stàite. Bhith na riaghailtean eadar-dhealaichte, cò aig a bheil còir-bhotaidh sa bhun-taghadh nam Poblachdach: neo-eismeilich neo dìreach na poblachdaich fhèin, an tèid na riochdairean air an roinn a-rèir cuid às a cheud a fhuair gach tagraiche (agus nas minitiche, dè na riaghailtean airson an roinn) neo an tèid iad gu lèir dhan tagraiche a fhuair cuid as motha de na bhotaidh? Ann an cuid de stàitean, tha cuid mhòr dhen na luchd-bhotaidh air bhotadh mar tha, bho chionn fhada leis gu bheil còir aca bhotadh ro-làimh, 's e dìreach foillseachadh nam bhotadh a thachras a-màireach.

'S dòcha gu bheil gam' mhealladh fhìn, ach tha amharas agam nach tèid cùisean idir mar a tha dùil aig na luchd-naidheachd. 'S dòcha gum buanaich McCain dìreach glan, ach 's dòcha nach buanaich. Nam' bheachdsa, na bhotaichean nach ann airson McCain 's ann na aghaidh a tha iad. Chan eil e a' faighinn corr 's 35% sna làithean-sa sna cunntasan-beachd. Tha sinn a' ciallachadh gu bheil 65% nam poblachdach na aghaidh, air an roinn eadar dithis agus cuid aig nach eil fhios fhathast cò a thaghas iad. Gu mataimeataigeach, tha doirbh buanachadh an aghaidh dithis le dìreach 35%.

Rud eile, gu ruige seo, tha suas gu 93 riochdairean aig McCain, an aghaidh suas ri 120 air an roinn eadar Huckabee 's Romney. Thèid corr is 1000 riochdairean an taghadh air Super-Tuesday, 29 ann an Alasga fhèin. Tha feum air corr is 1000 riochdairean agad airson buanachadh aig coinneamh nàiseanta nam Poblachdach. Tha e gu math buailteach nach fhaigh McCain neo duine sam bith eile na riochdairean a tha dhìth orra airson buanachadh gu glan aig coinneamh nàiseanta.

Làmh an uachdair aig John McCain

2008-01-30T21:57:00.000-08:00

Tha làmh an uachdair aig John McCain a-nis gu bhith na sheasamh airson nam Poblachdach as deidh a bhuaidh ann am Florida diMàirt. Gu ruige seo, 's ann air sgàth bhòtadh nan neo-eismealach a bha a bhuaidh. Ach an turas seo, cha robh còir aig na neo-eismealaich bhòtadh anns a' bhun-taghadh nan Poblachdach. Tha mòran Poblachdaich (mar mi fhìn) an aghaidh John McCain (cha d'fhuair ach 35% dhen bhòtaidh) ach tha air an roinn eadar dithis neo triùir.

B' fheàrr leam nan robh cuideigin eile agam airson bhotadh an aghaidh Clinton neo Obama san t-Samhainn ach sin mar a tha e. An-diugh dh' fhàg Giuliani an gnothach. Thèid na bhotaichean aige do MhcCain. Cha tèid na bhotaichean aig Hukkabee do Romney mar bu chòir leis gu bheil esan a' diùltadh an fharpais fhàgail ged nach eil teans aige buanachadh.

Dhomh-sa, an taghadh a th' againn, 's e eadar Romney 's McCain. B' fheàrr leam Romney. Dimàirt sa tighinn, 's e 'Super Tuesday' a th' ann. Bith corr 's fichead stàitean a' bhotadh aig an aon àm a' gabhail a-steach Alasga. Ged as ann aig John McCain a tha làmh an uachdair, cò aig a tha fios...

Iomairt an taghaidh: John McCain - mo bheachd-sa air

2008-01-27T18:47:00.000-08:00

Mar a thuirt mi roimhe, tha mi gu daingnainn air an làimh dheis gu poileataigeach agus seo mar a tha mi a' coimhead air John McCain.

An toiseach, na rudan as toigh leam mu dheidhinn. Chan eil duine cho seasmhaiche ri John McCain ann an cunnart. Chan eil eagle aige ro dhuine dhubh neo gheal. Dh' fhulaing e gu dubh ann an làmhan nam Bhietniamach mar phrìosanach agus chan eil e a' toirt cus for do bheachdan daoine eile. Cha teid am fear seo sèideadh le cunntas-beachd idir idir. An-uiridh, nuair a bha sinn a' call ann an Iorac 's na luchd-poileataigs a' teicheadh bhon chuspair mar a theicheas radain bho long a tha a' dol fodha, bha John McCain ag eigheach aig àrd a chlaiginn gum bu chòr dhuinn saighdearan a bharrachd a chur ann an Iorac. Mar a shaoileadh tu, bha na h-aireamhan cunntas-beachd aige cho beag ri cuileag aig an àm. Ach an-diugh, 's sinn a' buanachadh a-nis, tha beachd aig an t-sluagh air a dhol gu mòr an àrd. Tha spèis agam air daoine mar seo.

Agus ma thachras latha eile a leithid 9/11, saoilidh mi gum bi John McCain na aingeal-sgrios an Tighearna!

San dòigh seo, tha e iongnatach mar a tha na librealaich cho dheidheil air agus shaoileadh tu gum biodh mise air mo dhòigh ma bhuanaicheas esan gu bhith na cheann-suidhe. Uill, b' fheàrr leam John McCain na fear seach fear aig na Daemeagrataich ach tha rudan ann mu dheidhinn a tha a' cur dragh mòr orm. Chan eil fhios `am ma tha e a' tuigsinn idir idir na bun-reachd againn. Chuir esan an gnìomh lagh ùr aig a bheil mar amas smachd a chumail air mar a dh'obraicheas airgead 's iomairtean an taghaidh còmhla. Deagh amas 's dòcha, ach dhomh-sa, bha am fuasgladh fada na bu mhiosa na'n trioblaid sa chiad-dol-a-mach. Oir chuir an lagh-sa bacadh air saorsachd-labhairt. Bha e an aghaidh an lùghdachadh nan cìsean a thachair corra bliadhnaichea air ais. Chan eil mi idir ag aontachadh leis mar tha e airson smachd ghabhail air na daoine a tha a'sruthadh a-steach dhan dùthaich gu mi-laghail. A bharrachd air a sin, chan eil e cho daingnainn airson còraichean-gunna mar a b' fheàrr leam.

Sin agamh corra adhbhran nach toigh leam an duine seo. Ma tha duine eile ann a tha comasach buanachadh san t-Samhainn, b' fheàrr leam e. Ach a-rèir na cunntas-beachd mu dheireadh (dhan nach toir John McCain for sam bith) 's e John McCain an aon duine Poblachdach a tha a' buanachadh an aghaidh Clinton neo Obama.

Agus aig a' cheann thall, a rud a tha mi ag iarraidh, 's e an rud as fheàrr a ghabhas fhaighinn.

Bun-taghaidhean anns na Stàitean Aonaichte

2008-01-25T11:47:00.000-08:00

The na bun-taghaidhean gu math anns na Stàitean Aonaichte an turas seo. Ged a tha na bun-taghaidhean nan Democratach inntinneach gu leòr, mar phoblachdach, 's ann gu h-àraidh air bun-taghaidhean nam Poblachdach a tha m'aire.

An rud a tha mise ag iarraidh 's e 's gun buannaich na Poblachdaich, airson iomadach adhbhar. Tha mi airson cìsean as ìsle, tha mi an aghaidh smachd air gunnaichean. Mar a shaoileadh tu, tha mi gu math air a làimh dheis. Ach dhomh-sa, an rud as cudthromaiche do dhuine sam bith mar cheann-suidhe, 's e ciamar a dheileachas tu ris an t-saoghal cunnartach anns a bheil sinn ann latha an-diugh. Faodaidh sgrios uabhasach a bhith na lùib cinn-suidhe aig nach eil toinisg gu ìre neo correigin.

Dhomh-sa, tha armachd lèir-sgrios, gu h-àraidh ann an làmhan ro-dheònach an cleachdadh an cunnart as miosa san t-saoghal. Dhomh-sa, tha e an ìre mhath cinnteach gun teid armachd-niùicliseach a cleachadh an aghaidh baile neo correigin ann an ùine nach bi fad. Ach ma dh'fhaodte, ma nì sinn ar dìcheall gun gabh an sgrios-sa sheachnadh. Tha cuimhn 'am fhathast, nuair a chunnaic mi an darna tùr a' tuiteam, bha mi an ìre mhath cinnteach gun deach nam mìltean thar mìltean am milleadh nam fhianais fhèin. Tha fhios cha robh na mairbh cho pailt aig a' cheann thall. Bha sinn cho taingeil gun do bhàsaich dìreach corra mhìltean seach corra dheicheadan de mhìltean. Seo an saoghal sa bheil sinn nuair nach cuir corre mìltean cus dragh ort. Co-dhiù, thuig mi san uair ud gun gabh an ath-thuras a bhith fada nas miosa, gum fairich sinn caran fortanach ma tha na mairbh corra deicheadan de mhìltean seachad air ceud mìle.

Tha an dithis aca, Obama agus Clinton ann an co-fharpais, cò a bheir ghealltanas as daingne nach toir iad ionnsaidh an aghaidh Irain airson adhbhar sam bith. Co-dhiù, seo a th' air cùl m' inntinn mar a tha i a' coimhead air iomart an taghaidh.

Tha an iomairt an bun-taghaidh -sa as fhosgailte na chunnaic mi riamh. Cò mheud bun-taghaidh a th' air a bhith againn gu ruige seo? Iowa, Wyoming, New Hampshire, Carolina a deas, Nevada, Michigan agus chan eil e foiliseach cò aig a bheil làmh an uachdair. Huckabee? Romney? McCain?

Tha mi an ìre mhath cinnteach gu bheil Huckabee seachad. Bha dùil ann gun bhuannaicheadh e Carolina a Deas leis gu robh e làidir am measg nan Chrìostach air a làimh dheis 's iad cho pailt ann an sin, ach cha do buannaich e. Tha sin a' sealltainn gu bheil an taic aige o às leth na Chrìostaich air socrachadh rud beag 's às an aonais, chan eil teans sam bith aige.

Ach leis gun do bhuannaich McCain ann an Carolina a Deas, a bheil sin a' ciallachadh gu bheil làmh an uachdair aigesan? Chan eil mi cho cinnteach. Chan eil na Poblachdaich fhèin cho deidheal air. Nuair a bhuannaich McCain, 's ann air sgàth gu robh còir aig neo-eismeilich bhotadh ann an bun-taghadh nam Poblachdach. Gu ruige seo, 's ann aig Romney a tha cuid as motha de luchd-bhotaidh a thèid dhan Choinneamh nam Poblachdach.

Bith an ath-bhun-taghadh, Florida gu math cudthromach. Rinn Giuliani oidhirp mhòr ann an sin. Ma bhuannaiches e, gheibh e spionnadh mòr às a' dol a-steach dhan 5mh Gearran nuair a nì torr is 20 stàitean bun-taghaidh aig an aon àm. 'S mur a bheil làmh an uachdair aig cuideigin neo correigin, 's dòcha gun tèid na stàitean roinn am measg dithis neo fiù s 'triùir! Ma 's e sin a thachras, tha e buailteach nach bi luchd-bhotaidh gu leòr aig fear seach fear aca aig a' Choinneamh nam Poblachdach!

Dhomh-sa mar phoblachdach, tha mi ag iarraidh chan e an duine as fheàrr a leam as an duine as fheàrr leam as buailtiche buannachadh sa t-Samhainn. Chan eil feum sam ann a bhith a' faighinn an duine as fheàrr leat gun a bhith a' buannachadh sa t-Samhainn. Tha sin a' ciallachadh 's dòcha gun bhot mi airson an duine air nach eil mi cho deidheil ach as urrainn dha buannachadh seach airson an duine as toil leam gu mòr aig nach eil teans sam aige buannachadh. Bith an stàite agam-sa, Alasga a' bhotadh air an 5mh Gearran cuid ri mòran stàitean eile.

Cuideigin eile sa cheann an ear-dheas Alasga aig a bheil Gàidhlig

2008-01-20T20:16:00.000-08:00

'S e oidhche Burns a bh'ann dhuinn a-raoir. Chaidh mi fhìn 's mo bhean ann 's bha mu 300 neo 400 daoine ann. Bha iad air iarraidh orm òran Gàidhlig a sheinn 's thagh mi Òran Eile do Bhlàr na h-Eaglaise Brice le Donnchadh Bàn Mac an t-Saoir. Chaidh e gu math tha mi a' smuaintinn 's a reir coltas chòrd e dhan luchd-èisteachd ceart gu leòr.

Co-dhiù, nuair a bha sinn a' cuir ar còtaichean oirnn airson tilleadh dhachaidh nochd fear a bha seo ri mo thaogh 's tòisich e bruidhinn rium sa Ghàidhlig. Uill, le iongnadh 's toileachas tòisich sinn bruidhinn sa Ghàidhlig. Tha an duine a' fuireach ann an Haines, mu 60 mìle gu tuath bho Juneau. Dh'ionnsaich e a chuid Gàidhlig corra bliadhnaichean air ais ach cha robh mòran cothrom a cleachdadhdh. Uill, tha mi an dòchas gum bi cothroman aige bhon uair sin.

Air cuairt leis a' chù agam

2008-01-19T17:02:00.000-08:00

Chaidh mi air cuairt leis a' chù ùr a fhuair sinn aig àm na Nollaig. 'S e cuilean German Shepherd a th'ann agus tha i ('s e cù boirean a th'innte) ghè mhilis ach tha spionnadh mòr oirre. Feumaidh i dhol air deagh chuairt turas neo dhà gach lath gus bith i ceart gu leòr leinn anns an taigh.

Co-dhiù bha mi air cuairt leatha an-diugh a' coiseachd tro raon-campachaidh a tha dùinte aig àm gheamhraidh. Tha mi ag obrachadh leatha a bhith coiseachd air ròp mar bu chòrr. Bith mi a' cuir an ròp oirre 's bith sinn a'coiseachd airson greis 's an uairsin cuiridh mi an ròp dhi. Tha mi airson 's gun coisich i an ìre mhath san dearbh dhòigh ròp ann neo às. Mur a robh ròp ann, bith i a'coiseachd glè mhath, a ceann dìreach ri thaobh mo ghlùin. Bho àm gu àm, bith i a' stad airson adhbhar neo correigin ach tha i an còmhnaidh glè fhaisg air làimh. Ach air an ròp, chan eil i cho deònach. Aig amannan bith i a'stad 's a' diùltadh cumail oirre. Air sgàth sin, bith mi a' cur an ròp oirre 's dhith gu math tric gus am fàs i cleachd ris. Bith mi a' tabhainn criomagan bìth dhi nam làimh fad sa tha sinn a' coiseachd. Ma tha i a' coiseachd gu math, faisg air mo làimh, bho àm gu àm lorgaidh i criomag bìdh nam làimh. 'S e sinn a nì mi, ròp ann neo às. 'S ann mar seo a tha mi a' feuchainn a brosnachadh coiseachd air an ròp mar bu chòrr.

Co-dhiù, bha mi a' coiseachd mar seo 's gun a bhith an cù agam ceangailte nuair a nochd cù mòr dubh aig ceann an rathaid na dhearg dhean a' deanamh oirnn 's a shùilean glacte air an cù agamsa. Uill, thionndaidh an cù agamsa air a sàilean 's theich i 's mise nam dhearg dheann as an deidh. B' fheudar dhomh ruith cho luath sa b' urrain dhomh agus thionndaidh an cù agamse turas neo dhà gus an cù eile a sheachnadh gus mu dheireadh glac mi iad. Leum mi a dh' ionnsaigh a` choin dhuibh 's theich e airson greis ach thill e. Thòisich mi èigheach air falbh is rug mi greim air an cù agamsa 's chuir mi an ròp air ais oirre. 'S ann an uair sin a nochd dithis boireannaich aig an robh an cù. Thòisich iad a trod orm nach robh an cù agam ceangailte. Bha sin fìor ach cha robh an cù acasan ceangailte na bu mhotha 's 's e an cù acasan nach robh fo smachd sam bith. Bha an cù agam dìreach ri mo thaobh, cha robh iadsan fiù 's ann an sealladh. 'S e an cù acasan a chuir an ruaig air an cù agamsa.

'S ann an uair sin a dh'innse iad dhomh an dearbh rud a dh'adhbhraich an aimhreit: 's e an droch lùths mo spioraid a dh'fhairich an cù agam as coireach gun do theich an cù agam. Dh'innse mise dhaibh gu robh glan às an ciall, anns na speuran.

Ciamar a 's urrainn do cuideigin a bhith cho dall. Mura a chuala mi 's am faca mi na chuala mi 's na chunnaic mi, cha chrèidinn an sgeul.

Mion-chànan ann an cunnart

2008-01-14T12:20:00.000-08:00

Bha mi an sàs an deasbad air na duilleagan an Albanaich mun t-suidheachadh na Gàidhlig, gur ann an uchd a' bhàis a tha i, tha i marbh 's mar sin adhart. Gu h-iongnatach 's ann le gaidheil a bha cuid mhòr dhen deasbad seo. Seo an càineadh a th'aca: a-reir nam meadhanan Gàidhlig, shaoileadh tu gu bheil Gàidhlig a'dol bho neart gu neart: sgoiltean ùra Gàidhlig ann an siud 's iomairtean ùra eile ann an seo ach anns na dachaidhean tha Gàidhlig a' bàsachadh, tha na h-òidridh ga trèigsinn gu lèir, chan eil iad a' cleachdadh na Gàidhlig nam measg fhèin.

Agus chan eil teagamh gu bheil sin fìor. Chunnaic mise laigse 's neart ri thaobh na Gàidhlig aig an aon àm. Nuair a bha aig a' Mhòd, chunnaic tòrr mòr de Ghaidheil a' capataich sa Ghàidhlig ach bha cuid mhòr diubh gu math sean 's na h-òigridh a chunnaic mi, 's ann sa Bheurla sa bha cuid as motha a' bruidhinn.

Tha mise dhen bheachd gu bheil a' Ghàidhlig fhathast ann am fìor èiginn 's mur a thionndaidh cùisean dhi, thèid i às co-dhiù.

Ach a dh'aindeoin cho truagh sa tha suidheachadh na Gàidhlig, chan iarrainn idir an suidheadh cànain-tùsanaich mo sgìre fhèin, Haida. An coimeas ri Haida, tha a' Ghàidhlig cho fallain ri breac. An-diugh fhèin, chunnaic mi anns a' phàipear-naidheachd ionadail, an Juneau Empire, aithris mu iomairt ùr gus Haida a shàbhalachadh. Tha iad a' tòiseachadh cùrsa ùire air an eadar-lìonn airson Haida ionnsachadh.

Rud inntinneach ach a rud a ghlac m' aire 's e an aireamh de luchd-labhairt a th' air fhàgail: corra dùsan thuirt an t-aithris 's cuid as motha corr 's 70 bliadhna a dh'aois.

M' uile beannachd leotha.

Soidhnichean Gàidhlig an Alba

2007-11-03T09:42:00.000-07:00

Nuair a bha mi an Alba, thog dealbhan de fheadhainn de na soidhnichean Gàidhlig. Tha seo diofar sheòrsa de dhealbhan ann, mar eiseimpleir soidhnichean rathaid, bha feadhainn le fiosrachadh do luchd-thurais, soidhnichean le cloinn 's mar sin adhart. Seo agaibh eiseimpleir dhiubh.

Turas a dh' Alba agus Suidheachadh na Gàidhlig

2007-10-31T21:27:00.000-07:00

Uill, mar a tha fhios aig mòran as aithne dhomh, rinn sinn turas a dh' Alba (airson a chiad turas mo bheatha) agus feumaidh mi ràdh gun do chòrd e rinn glan. Bha sinn ann an Alba fad 17 latha agus ged a chunnaic sinn mòran rudan, tha sinn a' faireachdainn mar nach d'fhuair sinn ach blasad dhi.

Ged nach do chuir sàl air brògan san Eileanan Iar, chunnaic mi gu bheil Gàidhlig gu leòr ann an mòran àitichean, Glaschu, Inbhir Nis, an Eilean Sgitheanach. Bha sinn an Alba còig latha nuair a mhothaich mi mar a bha cùisean a' dol 's thoisich mi fiosrachadh sgrìobhadh mu na comhraidhean Gàidhlig a fhuair mi ann an Alba. Aig a' cheann thall bhruidhinn mi ri còrr 's 40 daoine anns a' Ghàidhlig. Ged a bha cuid as motha dhiubh co-ceangailte ri feadhainn a b' aithne dhomh mar tha bha co-dhiù mòran nach b' aithne dhomh idir romh làimh. Mar eiseimpleir ann am Port Rìgh, chaidh sinn dhan eaglais, serbhis Beurla, agus mhothaich dithis gu robh Bìoball Gàidhlig agam 's thoisich sinn bruidhinn ann an Gàidhlig. Dhà thuras, chuala cuideigin mi a' bruidhinn ri mo nighean ann an Gàidhlig 's thòisich sinn bruidhinn sa Gàidhlig.

Tha sin ag innse dhomh gu bheil Gàidhlig beò agus gu ìre slàn. Ach aig an dearbh àm, ged a dh' fheuch mi cha mhòr a h-uile comhradh thòiseachadh sa Ghàidhlig anns na bùithdean, sna taighean-osda, msaa san Eilean Sgitheanach, cha do dh'obhraich sin ach nuair a bha fios agam le cinnt mar tha cò aig robh Gàidhlig. 'S e cùis-iomagain a tha seo saoilidh mi. Mar eiseimpleir bha soighnichean Gàidhlig sa Cho-op ann an Ath-Leathainn agus bha seo glè mhath agus bha fhios agam ro-làimh gu robh Gàidhlig aig dithis sa bhùth co-dhiù ach cha robh fios agam cò. Feumaidh cleachdadh na Gàidhlig sna suidheachaidhean poblach gam brosnachadh cho math sa s'urrainn saoilidh mi agus saoilidh gum biodh e math nan robh fios cò aig a bheil a' Ghàidhlig ann an dòigh neo correigin.

Rud eile a bu mhath cuir ceart: aig mòran de na caistealan gheibh thu iasad de innealan-mp3 airson mìneachadh de na tha thu a' faicinn. Glè fheumail. Ach ged a gheibhear iad ann am Beurla, Gearmailtis, Fraingis, Eadailtis, Sinis, mòran mòran cànain, chan fhaigh iad anns a' Ghàidhlig. Tha fhios agam or dh'iarr mi air an son sa h-uile àite sa deach sinn.

Chiad Shneachd a' Gheamhraidh

2007-09-03T20:59:00.000-07:00

Uill, chunnaic sinn beagan sneachd ùr air na mullaichean nam beann air cùl glinn Mendenhall an-dè (Didòmhnaich).

Tha buaidh aig sin air slàint na h-eighr-sruth. Mar as tràithe 's ann as fheàrr dhan eighr-sruth. Tha sinn a' faicinn na h-eighr-sruth fhèin tro na craobhan.

Tha fhios gu bheil an eighr-sruth a' leaghadh air ais. Blàthachadh na cruinne tha iad ag ràdh ris. Ach an rud a tha inntinneach dhomh 's e mar cho fada sa tha sinn air a bhith a' tachairt. O chionn chiad gu leth bliadhna bha an t-àite seo far an do thog mi an dealbh-sa còmhdaichte leis an eighr-sruth a tha sinn a' faicinn tro na craobhan.

An geamhradh sa chaich, fhuair sinn an uiread de shneachd as motha a chunnaic duine geal a-riamh sa sgìre seo. Agus ged a tha tuilleadh sneachd na an àbhaist anns na beanntainn aig an àm seo na bliadhna, tha amharas agam gum biodh an eighr-sruth a' leaghadh air ais fiù 's nan robh sreath de gheamhraidhean, nan ficheadan an sreath a chèile. Tha e ro bhlàth, bho Chèitinn gu toiseach an t-Sultain, tha a h-uile càile a' leaghadh. An ceist a th' agam, dè seòrsa de aimsir a b' fheudar a bhith ann a dh'adhbhraich an eighr-sruth a dh' fhàs mar a rinn i gu ruige 1760? Dè an diofar eadar an àm ud 's an àm seo?

Rud a tha inntinneach, tha eighr-sruth eile ris an canar Taku nach eil ro fhada bhon àite seo, tha an eighr-sruth seo rudeigin nas motha nam fear seo agus blathachadh na cruinne ann neo às tha tè seo a' fàs. An geamhradh sa chaidh, nuair a fhuair sinn 200 oirlich sneachd (aig ìre na mara) fhuair an sgìre far a bheil Taku suas gu 400 oirlich. Co-dhiù, tha an eighr-sruth a' fàs agus a-rèir s na chuala mi, tha i a' sguabadh a h-uile nì roimhpe, a' putadh sìos craobhan 's rudan mar sin.

A' Sreap Beinn 'Ic an Aoghnais

2007-08-12T21:32:00.000-07:00

'S e latha uabhasach breagha a bh' ann an-dè 's fhuair mi cothrom Beinn 'Ic an Aoghnais a shreap mu dheireadh thall. Tha i mu 4400 troigh os cionn na mara.

Dh'fheuch mi sin a dhèanamh an-uiridh ach cha b' urrainn dhuinn air sgàth dhroch aimsir. Uill, bha e cho breagha sa ghabhas. Rinn sinn e ann an 9 uairean.

Anns a' chiad dealbhan, tha sinn mu ceud troigh fo mhulach na beinne a' coimhead gu tuath. Chan fhaicear na beanntainn ud thall idir bhon bhaile. Chòrd e rium am faicinn airson a chiad uair.

'S ann darna dealbh, tha mi nam sheasamh san dearbh àite, ach tha an sealladh nas fhaide gu iar-thuath. 'S e meur an t-sàil a tha sibh a' faicinn. Tha na beanntainn Chilkat ri fhaicainn air thaobh thall an t-sàil. Tha iad a' dol suas gu 4,000 neo 5,000 troigh os cionn na mara. Ma choimheadas sibh gu ficeallach, chì sibh beanntainn eile air taobh thall nam beann Chilkat, nas fhaide agus nas àirde buileach: suas gu 18,000 agus fiu 's 19,000 troigh os cionn na mara.

A bharrachd air na beanntainn, chunnaic sinn gobhair-beinne. 'S ann dealbh seo, tha mi a' coimhead sìos oirre 's ise (ged a 's e gobhar-fhirean tha mi an ìre mhath cinnteach) a' coimhead air ais thugam.

Seallaibh san dealbh seo: Co mheud gobhair a tha sibh a' faicinn? Tha sia ann.

Tha dealbhan den stuth eile a tha dùil chur ann turas eile. Gu h-àraidh seallaidhean de bheanntainn a tha gu math biorach.

Ag ithe studh-spreidhidh

2007-07-04T16:57:00.000-07:00

Seo agaibh dealbh dhìom ag ithe boma. 'S dòcha gu bheil sibhse ag ràdh: chan e boma ach paidh a th'ann. Agus mas e sin do bharail-sa, chan eil thu a'coimhead air a'chùis tro shùilean ceart.

San dealbh seo, tha nam shuidhe anns a'phort-adhar ann an Sitka, Alasga 's tha am port-adhar air leth cliùiteach airson paidhean a bhios iad a'rèic ann. 'S tha muinntir a'chinn ear-dheas Alasga air a bhith gu math cleachdte a bhith a'faighinn às a'phlèan nuair a stadas iad ann an Sitka 's a'ceannach slis blasda paidh a dh'fhaodadh iad ithe sa phort-adhar fhèin neo a thoirt leotha air ais air a'phlèan. Bith feadhain a'toirt paidh sa phèana dhachaigh ann an Juneau neo ann an Ketchikan neo an àite sam bith eile nach eile ro fhada bho Sitka.

Uill, chùm na cùisean mar seo thar iomadach bliadhna gus an do dh'fheuch luchd-ceannairc, an-ùiridh, bomaichean ann chruth lìonn thoirt air bòrd itealain ann am Breatainn.

'S thàinig a-steach air an fheadhainn a tha a'dèiligeadh ri teàraineachd nan itealan sna Stàitean gun ghabhar boma a thoirt air bòrd itealan ann an cruth paidh. Agus b'e sin deireadh na bhith a'toirt paidhean air bòrd itealain.

Smaoinich air dè a thachradh nam lorgadh iad thu a'feuchainn slis pàidh blasda a thoirt air bòrd itealain. Rachadh tusa dhan phrìosan 's bheireadh iadsan am paidh gu meadhan raoin far an sprèidheadh iad e gus am bi iad cinnteach nach eil e cunnartach. Dhomhsa, b' e sin eucoir as miosa a rinn luchd-ceannairc.

Ach chan urrainn dhut a bith ro fhaiceallach. Smaoinich air an sgrios a thachradh nan leigeadh iad paidhean air itealain. Seo eiseimpleir dhuibh:

Uill, aig deireadh an latha, chan eil cùisean cho dona ri sin. An fhìreann, a-reir na chuala mi, cha do mhàir an suidheachadh-sa ach mìos. Oir, thàinig a-steach orra nach eile mòran donas ann an slis paidh. 'S tha mise gu math taingeil. Oir aig an dearbh àm sa tha mi a'sgrìobhadh nam faclan-sa, tha mi a'feitheamh sa phort-adhar ann an Sitka 's dhà shlis paidh nam làimh a itheas mise 's mo bhean nuair thilleas mi dhachaigh ann am Juneau.

Turas air Beinn Roberts a-rithist

2007-06-24T19:59:00.000-07:00

An t-seachdain-sa chaidh fhuair sinn cothrom dhol suas air Beinn Roberts a-rithist. Chaidh sinn suas ann an carbad-crochte. Dh'ith sinn san taigh-osda is an uair sin choisich sinn timcheall. Bha dùil againn dhol na b'fhaide suas ach cha b'urrainn dhuinn air sàilleamh an uiread sneachd a bh'ann fhathast. Bha sin rudeigin gòrach feumaidh mi ràdh, a bharrachd mu dheidhinn sin nas fhaide. Ach coimheadaibh air an dealbh gu h-àrd. Tha e dhen t-soidhne a tha a'sealtainn dhuinn dhà dhealbh dhen aon sliabh, fear a chaidh a thogail anns na dhà-fhicheadan 's fear eile anns na ceithir-ficheadan aig cha mhòr an aon àm dhen bhliadhna, an dearbh àm sa bha sinne ann. San dealbh a chaidh a thogail anns na dha-fhicheadan, ann am meadhan an Og-mhìos, bha uiread de sneachd ann fhathast agus chan eil na lusan cho pailt air an t-sleibh. San dealbh a chaidh a thogail sna h-Ochdan, (san Iuchar ge-ta), chan eil sneachd sam bith ann agus tha na lusan fada nas tiugha na bha iad sna ceathradan. Ach seallaibh san ath-dhealbh:

Chaidh an dealbh a thogail an t-seachdainn-sa chaidh 's aig an dearbh àm sa chaidh an fheadhan eile a thogail. Tha pailteas sneachd ann fiù 's an coimeas ris an dealbh a chaidh a thogail sns cheathradan.

Agus seallaibh air an ath dhealbh.

Tha an carbad-crochte ag amas gu h-àraidh air na luchd-turais a bhios a'tadhal ann an Juneau 's feumaidh gu bheil an fheadhain aig a bheil an carbad crochte dhen bheachd gu bheil na luchd-turais nan dearg amadan. 'S dòcha gu bheil iad, chan eil fhios 'am. Ach a-rèir nan soidhnaichean san dealbh, shaoileadh tu gu bheil mo nighean ann am fìor cunnart a beatha. Tha i na seasamh taobh thall an t-sreang a tha a'comharrachadh càite a bheil an cunnart a'toiseachadh. Nise, 's e maoim-sneachda a tha fa-near dhaibh ach ged a tha sneachd ann fhathast, ach chan eil gu-leòr dheth ann tuilleadh. Chan eil cunnart sam bith gu tuit sneachd ort. Co-dhiùgh fhuair mise spòrs gu leòr as co-dhiùgh, dh'èigh mi air mo nighean tighinn cho luath sa b'urrainn dhi mus thachradh crom sam bith dhi. Mar as dual dhi, cha tug i cus for dhomh ach an ceann ghreas, thàinig i às gu sàbhailt.

Chuck

Cuairt gu campa

2007-05-30T21:54:00.000-07:00

Theid mo nighean as sìne dhan champa chrìostach san Ogmhios 's diluain sa chaidh chuir sinn roimhinn dhol ann. Tha an campa suidhichte ri thaobh na mara tòrr 's dhà mhìle gu leth bhon cheann rathaid. B'fheudar sinn coiseachd ann. Cha robh an t-sìde cho dona, ach bha uisge ann bho àm gu àm.

Rud a chuir iongadh orm 's e gun do thachair sinn ri sneachd air an t-slighe. Aig ammanan bha e aig ìre làn-mara. Rud eile a chuir iongadh orm 's e mar cho math sa chòisich mo nighean as òige. Thug sinn leinn pram 's dùil againn gum b'fheudar dhuinn a cuir ann ach dhiùlt i dhol ann muigh neo mach. Ged a bha i rudeigin slaodach, rinn i cha mhòr an t-astar gu lèir, còig mìle.

Dhuinne, mhàir an slighe rudeigin fada. Cha robh sinn ro chinnteach nan robh sinn air an t-slighe ceart 's bha an sàl a'lìonadh agus airson greis bha eagal oirnn gun ghlacadh làn-na-mara sinn an aghaidh nan creagan. Ach ghreasich sinn ar ceum 's mu dheireadh ràinig sinn am campa.

'S abair campa breagha. Tha mòran stuth do chlann ri dheanamh 's tha beathaichean ann, nam measg eich. Bith spòrs aig mo nighean nuair a thèid i ann tha mi cinnteach.

Gabh sinn ar fois 's dh'ith sinn ar biadh 's thill sinn.

Chuck

Dean cinnteach gu Leugh thu an sanas aig an Oilthigh

2007-05-25T09:27:00.000-07:00

Feumaidh tu a bhith faiceallach a bhith a'leughadh nan sanasan aig an Oilthigh Alàsga ann an Anchorage. Bha mi aig co-làbhairt na FAA a ghabh àite aig an Oilthigh. Bha mi fhìn 's dithis eile a'gabhail fois taobh a-muigh an toglaich nuair a mhothaich sinn sanas a bha seo le seo sgrìobhte air: NO WEAPONS ALLOWED (Armachd neo-ceadaichte dhuibhse aig nach eil do chuid Beurla cho math). A bharrachd air a sin, a-rèir an t-sanas, bha casg air bomaichean cuideachd.

Ged a chuir sin beagan dradh oirnn, dh'fhàg sinn air cuid bomaichean 's gunnaichean taobh a-muigh an toglaich. Cha robh sinn ag iarraidh an lagh a briseadh 's co-dhiugh bha fios againn gu robh sinn fada na bu shàbhailte as aonais ar bomaichean 's a h-uile càil.

'S ann an uair sin a rinn ìomhaigh cuairt nam inntinn air dè a dhèanainn nan fhaca mi cuideigin a'tighinn a-steach le droch rùn 's gunna na làimh: "Aigh, amadain! Nach eil fhios agad gu bheil gunnaichean neo-ceadaichte an-seo!"

Neo cuideigin eile nach eil idir a'coimhead cho spaidil 's e a'coimhead rudeigin reamhar na bheast 's cnapan ann an sreath timcheall a mheadhan 's ùeireicean a'tighinn a-mach 's a-steach a h-uile taobh s' a ghnùis gleansach le fallas 's oirean a bhilean air an tionndaidh gu h-àrd 's a shùilean glacte air putan na dhòrn air a bheulaibh 's òrdag a'crith os a chionn. 'S ann an uair sinn a dh'eighinn: "Aigh, a Dhall, a bheil comas-leughaidh idir agad? Tha casg air bomaichean an-seo. Bith thu ann an trioblaid."

'S thàinig orm dè bha dhìth air an t-sanas ud: cha robh e dà-cànanach.

powered by ODEO

Cuairt an earraich

2007-05-19T16:58:00.000-07:00

Tha mi air a bhith gu math trang aig an ofis sna laithean sa. Ach dihaoine, fhuair mi latha dheth. 'S e latha grianach breagha a bh'ann 's dhùisg mi rudeigin tràth is chaidh mi air cuairt air slighe taobh an iar na h-eighr-shruth. 'S e a bh'ann an ceann-ùidh agam creagan os cionn na h-eighr-shruth far a bheil deagh shealladh de a h-uile càil.

Thug mi gunna leam, oir bha mi nam aonar 's tha na mathain air dùsgadh.

Cha robh mi cinnteach nan thachrainn air sneachd air an t-slighe ach bha an slighe an ìre mhath saor dheth. Ach thachair mi ri duine 's sgithean air a dhruim. 'S e a bh'ann an ceann-ùidh aigesan sneachd nan slèibhtean na b'àirde. Ràinig mi na creagan taobh a-staigh dà uair. Bha e cho sàmhach gun a bhith duine sam bith ann, cha robh deò gaoithe ann. Bha fiù s na heleacoptairean nan tosd.

As deidh greis a bhith a'meòrachadh air a h-uile càil, thill mi 's beagan cabhag orm, oir bha rudeigin eile agam ri dheanamh aig an taigh.

powered by ODEO

Gu Mullach Beinne Roberts

2007-05-19T16:15:00.000-07:00

Tha carbad-crochte eadar meadhan a'bhaile Juneau 's mullach beinne Roberts. Tha e tòrr mìle troigh a dh'àirde. The iad ag amas gu h-àraidh air na luchd-turais a thig gu pailt aig an àm seo dhen bhliadhna. Gu h-àbhaisteach tha iad ag iarraidh $25 bhuait airson a dhol ann. Ach aon latha a'bhliadhna, disathairne sa chaidh, chan b'e ach $6 son a dhol ann.

'S saoghal eadar-dhealaichte a th'ann gu h-àrd. Ged a tha an t-earrach ann nas ìsle, tha e fhathast a'coimhead geamhradail gu h-àrd. Tha an pailteas sneachd ann fhathast 's cha b'urrainn dhuinn dhol air cuairt aig sgàth maoim-sneachda a tha fhathast a'maoidheadh.

Seo dealbh eile dhinn a'coimhead a-mach a dh'ionnsaigh a'chaolais 's eilein Douglas:

Chunnaic sinn cuideachd seabhag a bha gun comas sgeith air sgath gaoid a bh'aice nuair a rugadh i. Bith na daoine a bhios a'ruith a'charbad-crochte a'coimhead as deidh eòin a th'ann an èiginn mar sin.

powered by ODEO

Dealbhan na Dùthcha: Coimeas eadar Cèitean 2006 's 2007

2007-05-05T09:53:00.000-07:00

An-uiridh, ghluais mi a dh'Iuneau 's dh'fhuirich ann an shin nam aonar trì mìosan. 'S thadhal mo bhean orm aig toiseach a'chèitean 's thog mi corra dealbhan na sgìre nuair aig an àm ud. 'S e bliadhna chun an latha fhèin on a thog mi na dealbhan sin 's chaidh mi a-mach an-diugh a'togail nan dearbh dealbhan gus an gabh coimeas a dheanamh eadar mar a tha an eighr-shruth a'coimhead an-diugh 's an uiridh aig an dearbh àm den bhliadhna 's a bheil buaidh sam bith aig a'gheamhradh chruaidh a fhuair sinn air coltas na h-eighr-shruth 's na dùthcha.

Uill, tha e doirbh ri ràdh dè am buaidh a th'air an eighr-shruth fhèin. 'S dòcha gu bheil e ro thràth co-dhiugh, 's dòcha gum bith bliadhnaichean eadar geamhradh cruaidh gu h-àrd sna beantainn 's a bhuaidh air cois na h-eighr-shruth. 'S e an aon buaidh a tha mise a'faicinn 's e 's gu bheil deigh fhathast air an loch 's cha robh an-uiridh 's bheil beagan sneachd a bharrachd air na beantainn an coimeas ri an uiridh.

powered by ODEO

Marbhadh ann an Virginia Tech

2007-04-17T13:01:00.000-07:00

'S ann le uabhas a chuala mi an naidheachd mu na marbhaidhean ann an Virginia Tech. Gu mi-fhortanach, 's ann ro-thric a tha sinn a'cluinntinn a leithid de naidheachd sna laithean-sa. Ach tha an sgrios-sa àraidh 's chan ann dìreach air sgàth 's gu bheil e na tachartas as fhuiltiche gu ruige seo anns na S.A. ach mar a chaidh an suidheachadh a dhroch làimhseachadh. Ged nach eil mi mìn-eolach air a'chùis idir, tha mòran cèitean trioblaideach a'tighinn dhan m'aire.

Chaidh iad am marbhadh ann an dà shreath, dithis an toiseach 's an uair sin, as deidh dàil mu dhà uair a thìde còrr 's fichead sa deich. Carson nach chuireadh rabhadh a-mach do na h-oileanaich ann an dòigh ciallach 's am murtair fhathast ma-sgaoil? Carson nach do dhùine iad an oilthigh? Chuala mi iad ag ràdh gu robh sin do-dheanta leis cho farsaing 's sgapte sa tha an oilthigh. Ach a-rèir na thachair, mu dheireadh thall, dhùine iad an oilthigh às deidh fichead sa deich mairbh, rud a bha do-dheanta as deidh dithis. An ann air sgàth nach robh dithis mharbh cus?

Rud eile, chaidh còrr 's fichead sa deich am marbhadh 's còrr 's fichead sa deich an leòn. Gun teagamh bha còrr 's aon peilear ann am feadhainn. Chuala mi aithris gun deach cuid mhòr an leòn le trì peilearan annta. Gun teagamh, cha do bhuin feadhainn de ma peilearan duine sam bith. Tha sin a'ciallachadh gun do losg e fad a bharrachd na 60 peilearan, cha chuireadh e iongadh orm ma losg e còrr 's ceud peilearan 's fiù 's suas gu 200 peilearan. 'S fad na h-ùine sin cha do thachair e ri bachadh sam bith. Dh'aidich am poileas nach iadsan a mharbh am fear-gunna, gun do chuir e às dha fhèin. Losg e 's losg e 's chùm e air a losgadh 's cha do thachair e ri bachadh sam bith gus mu dheireadh dh'fhàs e sgìth dheth 's chuir e às dha fhèin. Tha sin a'ciallachadh nach do rinn am poileas mòran feum idir.

Dè an dearbh adhbhar gu bheil an latha sa cho fuilteach? Dhomh-sa tha dà adhbharan ann, a tha a'tighinn do m'aire. Mar a thuirt mi mar tha, 's e an dòigh a làimhsich am poileas an suidheachadh seo as coireach ann an dòigh mhòr. Ach cuideachd tha mi a'smuaintinn air rud eile. Tha e doirbh dhomh smaoineachadh gun thachradh ann an rud ann an Alasca far a bheil gunnaichean cho cumanta. Mar eiseimplir, chaidh mo bhràthair dhan oilthigh ann am Fairbanks 's bha dhà ghunna aige co-dhiùgh. 'S e Desert Eagle .44 an darna fear, gunna làimhe gu math cumhachdach 's gunna làimhe eile .45. 'S dòcha gu robh gunnaichean eile aige ach chan eil mi cinnteach. 'S cha robh e na aonar. Bha gunnaichean aig oileanaich eile. Nan dh'fheuchadh a leithid a dh'iomairt anns an oilthigh far an robh mo bhràthair cha bhiodh cùisean cho rèidh dha. 'S cinnteach gun thachradh e ri daoine eile armaichte a chuireadh bacadh air.

'S e aon rud anns na bùithtean. Tha fios agam gu bheil gunnaichean aig feadhainn anns na bùiththean. Tha e ceadaichte ann an Alasca gunnaichean cleithte a ghiùlain. Tha cead giùlain-gunna agam fhìn ged a 's e glè ainneamh a bhios mi a'giùlain tha fhios agam gu bheil gunnaichean aig feadhainn co-dhiùdh. Chan eil fhios 'am cò mheud ach tha fhios agam gu bheil iad ann 's cinntinneach nan dh'fheuchadh cuideigin a leithid, cha bhiodh e fad mus thachradh e ri gunna eile.

Tha fhios gu bheil feadhain airson gunnaichean a thoirt bhuainn. Ach dhomhsa, tha mi a'fearachdain fada nas sàbhailte air mo chuairteachadh le gunnaichean aig cò aig a tha fios na fearachdainn nan robh mi loma-nochd mar gum bhiodh ann an àite a leithid Virginia Tech.

300

2007-03-19T22:20:00.000-07:00

Chunnaic mi am fiolm "300" an deireadh sheachdain sa chaidh. Theab mi gun a dhol ann. Bha mi airson a dhol ann le caraidh ach chuala mi gu robh e làn fòirneart 's gun mòran fheum. Mu dheireadh chaidh mi ann co-dhiugh 's abair fiolm inntinneach. Bha mòram fòirneart ann gun teagamh ach bha mòran rudan a thug m'aire.

Sa chiad a dol-a-mach, bha a-riamh ùidh agam san sgeulachd bho m'òige. Sgeul mar a dhìon buidhinn bheag de shaighdearan an aghaidh feachd a bha fada nas motha. Leugh mi a sgrìobh Herototus nuair a bha mi ag ionnsachadh Seann Greugais 's leugh mi cuideachd an leubh Gates of Fire (chan àithne dhomh ainm an ùghdair). Bha mi a-riamh dhen bheachd gur e deagh sgeul airson fiolm (mar a tha mòran sgeulachdan bho eachdraidh nan Seann Greugach).

Tha am fiolm 300 fhèin a'ruith mar leabhar-dealbh. A-reir na chuala mi, tha am fiolm stèidhte air leabhar-dealbh. Ann an iomadach dòigh bha a h-uile càil air a chuir na mheud. Tha cuirp làidir gu coileanach aig na saighdearan Spartach. Saoilidh mi nach bhiodh droch bheachd aig cuid mhòr de na daoine air an cuirp aca fhèin nuair a thig às an taigh-dealbh an taca ri 's na chunnaic iad san fhiolm. Bha an rìgh Persia uabhasach fhèin mòr. Ach 's dòcha nach eil adhbhar aig daoine ann an dhà a bhith gan cuir sìos fhèin. Chan eil na h-actairean a'coimhead cho fearail nas motha ann an dhà-riribh. Chaidh na stamagan 's na gairdeanan 's na casan aca a chruachadh gu dideatach! 'S sin rud eile mun fhiolm a tha inntinneach. Chaidh a h-uile càil a fhiomadh taobh a-staidh ro 'blue screen.' Na frasan fala a chì thu, na gairdeanan geàrrte 's msaa, cha b'e iad sin ach cleasan dideatach.

Bha na boireanaich Spartach inntinneach cuideachd. Ann an dòigh, bha iad nan dreach boirinn de na fir Spartach: làidir, seasmhach nach geill ro dhuine sam bith.

Rud eile: Cha cluinn thu guth air ceartas poiliteagach san fhiolm seo.

Chan e 'chick flic' a th'ann idir ach bha e inntinneach dhomh co-dhiugh.

Seallaidhean gheamhraidh ann an Juneau

2007-03-18T22:02:00.000-07:00

Uill, stadh i chuir sneachd an-dè. Chan eil mi cinnteach, ach a-reir a'chuid sneachda bha dhìth oirnn a fhuair sinn, tha mi an ìre mhath cinnteach gu bheil geamhradh 2006-07 a-nis na gheamhradh as sneachdaiche a chunnais duine geall a-riamh. Seo eiseimplir de na seallaidhean a chì an siud 's an seo timcheall a'bhaile.

Rud a tha gu math inntinneach: dè am buaidh a th'aig a leithid de gheamhradh air na h-eighr-shruthan? Tha an eighr-shruth air a bhith a'leaghadh air ais còrr is dhà cheud gu leth bliadhna. An e seo an seòrsa de gheamhradh a dh'adhbhraich na h-eighr-shruthan a dh'fhàs cho mòr, neo e an sreath de gheamhraidhean mar seo, sreath a mhàireadh na ceudan bliadhna a bhiodh dhìth?

Co-dhiugh, bha mi aig an taigh-dealbh an-dè 's dh'fhaighnich caraid dhìom: A bheil thu searbh den a'gheamhradh a tha seo? Dh'fhàs a shùilean mòr nuair a fhreagair mi gur e seo an geamhradh as fheàrr a chunnaic mi riamh. Mhìnich mi dha gu bheil e a'còrdadh rium gu mòr a bhith a'dol air cuairt sgithidh tri neo ceithir tursan gach seachdan. Bhiodh mi toilichte nan robh a gach uile geamhradh mar seo.

Chuck

Geamhradh 2006-07 ann an Juneau

2007-03-14T21:52:00.000-07:00

Uill, tha geamhradh 2006-07 a-nis na treas àite mar gheamhradh as sneachdaiche a chunnaic duine geal a-riamh ann an Juneau. Tha 179.7 oirlich air tuiteam gu ruige seo. Thuit 183.6 ann an 1975-76. Cha creid mi nach bris sinn an t-aireamh-sa a-màireach. Agus thuit 194.3 ann an 1964-65. Ged a tha a'mhòr chuid an-seo searbh dhen t-sneachd, tha cuid mhòr cuideachd ag iarradh an aireamh as motha a bhriseadh. Mar a chanas mise, mur a bris, feumaidh sinn a h-uile càil a dheanamh a-rithist an ath-bhliadhna.

Cha mhòr nach eil i a'cuir sneachd a h-uile latha bho chan eil fhios cuin. Aig amannan oirlich neo dhà, aig amannan eile ceithir neo sia. Tha iad ag ro-innse stoirm eile dhuinn airson dihaoine 's disatharne. Cha chreid mi nach bris sinn an t-aireamh as motha leis a'stoirm seo. Chì sinn.

An deireadh sheachdain sa tighinn, tha dùil agam beagan dealbhan a thogail dhen chnapan dhen t-sneachd a th'air feadh an àite 's an cuir an seo.

Chuck

'S thill am madadh-allaidh

2007-03-11T22:05:00.000-07:00

'S e latha sneachdach stoirmeil a bh'ann an-diugh 's as deidh dhomh tighinn air ais bhon eaglais chuir mi fòn gu caraid dhomh 's co-dhunaidh sinn dhol air cuairt sgith-bhlàir air an loch Mendenhall. Leann sinn bruach an locha air an deigh. Aig amannan cha robh am faire ach 200 neo 300 slat air sgàth an t-sneachda. 'S ann an uair sin a nochd e mar thaibhs às an stoirm, aig oir na coille. Choimhead e oirnn. Chum sinn air ar slighe 's leann e sinn an-dràsda 100 slat bhuainn air ar taobh dheas 's a-rithist 25 slat as ar deidh. Air ar beulaibh, bha triùir ann 's trì coin còmhla riutha. Bha sùilean a'mhadadh-allaidh orra 's e a'caoineadh mar a dheanadh cuilean maoth 's ionndrainn na ghuth. Am measg nan cù, bha seorsa de rotweiller 's gun mòran toinisg aige. Nochd e dha rudeigin gaisgeil bragail 's ruith e seachad orm a dh'ionnsaidh a'mhadadh-allaidh 's bhùir e air 's dh'fheuch e sabaid dha. Ach cha tug am madadh-allaidh for dha. 'S cha deach e aon cheum far a shlighe dha. Chum e air 's phut e seachad air an rotweiller mar nach b'fhiach e an t-saothair. Thionndaidh an rotweiller air a shàilean 's ruith e gu dian a chun a mhaighstir 's iomagain air aodann 's earball eadar a chasan dheireanach.

An rud a chuir iognadh orm 's mar cho mòr sa bha an rotweiller 's an coimeas ris a' mhadadh-allaidh. An taca ris a'mhadadh-allaidh, cha robh e a'coimhead mòr idir, an leth chuid dhen mhadadh-allaidh 's dòcha. Ach nuair a sheas an rotweiller ri thaobh a mhaighstir, chanainn gu robh e suas gu 70 puinnd. Tha sin a'ciallachadh gu bheil am madadh-allaidh suas gu 140 puinnd.

Co-dhiugh, dh'fheuch am maighstir ruaig a chuir air a'mhadadh-allaidh. Sgith e thuige a'bualach a bhoisean ri cheile 's ag eigheachd. Chan urrainn dhomh a ràdh gu do chuir e mòran ruaig air. Thug e corra ceum air ais ach dh'fhuirich e faisg oirnn. Chum e air ar leanntainn airson kilomeatair neo dhà a bharrachd. Nam bheachd-sa, cha robh am maighstir cho glic. Cha robh ròpa aige airson a chù a chumail dlùth. 'S nam b'e miann sam bith aig a'mhadadh-allaidh bhiodh an rotweilleir air a reubadh o cheile ann am priobadh na sùla. Ach b'e am maighstir a bu choireach leis nach robh smachd aige air a chù mar bu chòir. 'S nan robh cron sam bith air thachair dhan rotweiller, 's urrainn dhuibh a bhith cinnteach bhiodh a h-uile mac mathar ag eigheach airson cinn a'mhadadh-allaidh.

Mar a thuirt mi, dh'innseadh dhomh gun do dh'fheuch iad ruaig a chuir air a'mhadadh-allaidh le bith a'tilgeil peilearan neo-marbhtach air. Ach a-reir coltach cha do mhàir sin fada. Feumaidh mi ràdh gun do chòrd sin rium gu mòr a fhaicinn. Gu mi-fhòrtanach cha robh camara agam an-diugh.

Criomagan

2007-03-08T21:12:00.000-08:00

Uill, chuala mi beagan fiosrachadh cruaidh air a'gheamhradh a th'air a bhith againn. 'S e seo an còigeamh geamhradh as shneachdaiche a chunnaic Juneau riamh 's chan eil e deiseil fhathast. Gu ruige an siathamh latha a'mhàirt, thuit 165 oirlich sneachd. Ann an 1963-64 thuit 194. Ma thuiteas 30 oirlich a bharrachd, bith seo an geamhradh as shneachdaiche a chunnaic duine riamh (duine geal co-dhiùgh). Agus gabhaidhh sin a dheanamh gun teagamh. Thar 4 lathaitean an t-seachdain-sa, thuit 29 oirlich sneachd.

Romeo. Tha e gu bhith 3 seachdainean bho thuras mu dheireadh a chunnaic mi Romeo, am madadh-allaidh a tha a'fuireach faisg air loch Mendenhall. Cha chuala mi e nas motha. Uill, an t-seachdain-sa, bhruidhinn mi ri bhoireannaich a tha ag obair airson roinn nan coilltean 's thuirt i gun do losg iad peilearan neo-mharbhtach air gus ruaig a chuir air 's theich e air falbh. Tha mi duilich sin a chluinntinn. An turas mu dheireadh a chunnaic mi e, dh'fheuch mi a bhurrailich a chlàradh. Chlàr mi rudiegin ach cha robh e cho math 's bha mi airson feuchainn a-rithist airson clàradh nas fheàrr fhaighinn.

Tha ceist car ghòrach air làrach-linn phrògraim Choinnich an t-seachdainn-sa. An e Iran neo na Stàitean Aonaichte an dùthaich as chunnartaiche? Tha a'cheist seo ag innse dhomh nach eil toinnisg sam bith againn. Cò as buailtiche an cleachdadh? Ma gheibh i iad, cleachdaich i iad. Sin e. Tha am fìor-chunnart a'maoidheadh oirnn 's tha sinn a'deasbad leinn fhìn mar nach robh ann ach cuspair inntinneach ri dheasbad. An rud a tha dhìth oirnn 's e duine a leithid Churchill. Bhot mi ann 's a-reir bhotaichean a fhuair iad gu ruige seo, tha 70% dhen bheachd gur iad na Stàitean Aonaichte as chunnartaiche. Tha eagal orm gu bheil sinn air an aon shlighe sa choisich sinn ro an darna chogadh. Dhiùlt Rùis, Breatainn 's an Fhraing am fìor chunnart a bh'ann an Hitler a dh'fhaicinn nuair a bha e fhathast lag 's mu dheireadh b'fheudar dhaibh call uabhasadh a fhulang airson stad a chuir air. Tha eagal orm gum feumaidh sinn sprèidh niùicleasach neo dhà a dh'fhaicinn mus thig e a-steach oirnn an seorsa de chunnart a th'ann an armachd niùicleasach ann an làmhan Irain.